San Mateo 13:33 - TÄ̧DO Ä̧CUÄ̧ I̧HUȨNȨ

³³ Koro juäi jä̧'i̧nö̧'a̧nö̧ jö̧ huȩnȩ'i̧nä̧ huo̧juȩti̧nö̧do Jesús. —Dios hueömä pan ppö̧ä̧mö̧ juäi jä̧'i̧nö̧'a̧nö̧ ja̧'a̧. Ja̧u̧ juäi yajute ji̧'qui̧cha̧nö̧tä̧ pan i̧sa̧ppȩnä̧ kȩno̧mȩnä̧, rö̧ȩnä̧ ppö̧ä̧mi̧'a̧'a̧, —huo̧juȩti̧nö̧do.

Nuevo Testamento Uwotjüja

³³ Ja̧'wa̧ta̧nü̧ kkoronä̧'i̧nä̧ wȩnȩtü̧ jiäwinä̧u̧: Mo̧ro̧jä̧ ru̧wa̧ weümä̧ levadura pättü, yajute isaju trigo i̧sa̧ppȩnä̧, wä̧bo̧'ta̧kuä̧ jo̧mȩnä̧ pa̧ja̧tü̧ kkȩno̧mȩnä̧ jättäyäwa ppü̧ä̧mi̧'a̧'a̧ jä̧'i̧nü̧'a̧nü̧ ja̧'a̧, pä'ü.

San Mateo 13:33 Referans Kwoze

Gálatas 5:9

Yoröiso cunichi'ätucuä': “Pan ppö̧ä̧mö̧ juäi i̧sa̧ppȩ ji̧'qui̧cha̧nö̧tä̧ isähuanä huihuatö rö̧ȩnä̧ ppö̧ä̧mi̧'ö̧.”

San Lucas 13:21

Dios hueömä pan ppö̧ä̧mö̧ juäi jä̧'i̧nö̧'a̧nö̧ ja̧'a̧. Ja̧u̧ juäi yajute ji̧'qui̧cha̧nö̧tä̧ pan i̧sa̧ppȩnä̧ kȩno̧mȩnä̧, rö̧ȩnä̧ ppö̧ä̧mi̧'a̧'a̧, —pä'inödo.

2 Pedro 3:18

Tu̧ru̧hua̧ Jesucristorö juhua'a yabonö adiunä huo̧jui̧pä̧tu̧cui̧. Ja̧'hua̧ta̧nö̧ juhua'a yabonö esehuätucui Tu̧ru̧hua̧rö̧. Jitä'inä, yodoji'inä tesehuäcuähuätucuaja ja̧u̧ru̧tä̧ 'cuäopönä. Amén.

Filipenses 1:9

Diosrö ucuocusä ucuturu juhua'a yabo rö̧ȩnä̧ repecuhuätucuäcua'a̧nö̧ korotörö. Ja̧'hua̧ta̧nö̧ rö̧ȩnä̧ huo̧ju̧nä̧ cu̧huo̧juä̧tu̧cuä̧cua̧'a̧nö̧ o'ca juiyönä.

Filipenses 1:6

Huo̧jua̧sä̧ Dios äcuomenä adihuä juäi aditinö cuami iso'quitucunä, ji̧nä̧ isocu aditö ppä̧dä̧cua̧ ucuturu rö̧ä̧chi̧'ö̧nä̧, Jesucristo ichä̧cuȩ mo̧ro̧ päi'önä.

San Juan 15:2

Koro ttöttö ä̧na̧juä̧ u̧huä̧ju̧ juiyömä 'cui'opö icu. Koro u̧huä̧ju̧ ka̧cu̧mä̧ adiunätä aditö tta̧'ä̧rö̧, juhua'a yabonö rö̧ȩnä̧ u̧huä̧ju̧ huȩja̧ pä'ö.

San Marcos 13:20

Ja̧u̧nu̧ mo̧ro̧ Tu̧ru̧hua̧ beädö juiyöttömä, o'ca toi'önä tottei'äcuotö. Ja̧'hua̧ ja̧'a̧nä̧ chutä huoinä̧u̧ru̧ repe'ö, röji mo̧ro̧ be'ädinö.

San Mateo 13:24

Ja̧u̧nu̧ o'ca'a koro juäi jä̧'i̧nö̧'a̧nö̧ jö̧ huȩnȩ'i̧nä̧ huo̧juȩti̧nö̧do Jesús: —Dios Ttu̧ru̧hua̧ päi'önä ö̧jä̧cuȩ huȩnȩ ka̧ra̧mä̧ adihuä juäi jacuä jähuä ö'ättanä ku̧ni̧nö̧ jä̧'i̧nö̧'a̧nö̧ ja̧'a̧.