San Mateo 13:19 - TÄ̧DO Ä̧CUÄ̧ I̧HUȨNȨ

¹⁹ Korotömä Dios Ttu̧ru̧hua̧ päi'önä ö̧jä̧cuȩ huȩnȩ 'cucuächi'oca'a ä̧ju̧cuä̧tö̧mä̧ jacuä jähuä mä̧nä̧ jäyänä ma̧ä̧chö̧ jä̧'i̧nö̧'a̧nö̧ huotö. Ähuettä ichi'ö 'cho'ipö Dios i̧huȩnȩ ttami iso'quittö.

Nuevo Testamento Uwotjüja

¹⁹ Mä̧nä̧nä̧ ma̧ä̧chi̧nü̧ u̧wä̧ju̧ jä̧ji̧mä̧, ru̧wa̧ Dio i̧wȩnȩ ttä̧ju̧kua̧'a̧nä̧, ttu̧wo̧jui̧pü̧juiyünä̧ wotürü wȩnȩkuä̧cha̧'a̧; tta̧mi̧so'kinä̧ kku̧nä̧wi̧'ä̧ji̧mä̧ su̧ro̧pa̧ ichi'ü 'choipä̧u̧ru̧.

San Mateo 13:19 Referans Kwoze

San Mateo 13:38

Ja̧'hua̧ta̧nö̧ pättamä pi̧jä̧ ji̧nö̧do. Adihuä juäi jacuä jähuämä, Dios i̧tti̧mö̧ pi̧nä̧tö̧do. Ja̧'hua̧ta̧nö̧ ja̧u̧ surä'cuamä, ähuettä i̧tti̧mö̧ pi̧nä̧tö̧do.

Hebreos 2:1

Ja̧'hua̧nö̧ ja̧'a̧ttö̧ tä̧ju̧cui̧nö̧mä̧ yabonö tesetö'a̧nö̧ ja̧'a̧, adihuä juäi mä̧nä̧ jaroti'ö juiya pä'ö.

1 Juan 5:18

Ujutu huo̧juä̧tö̧jä̧ Dios i̧tti̧mö̧ suronä jȩpö̧ ko̧co̧tö̧, Dios I̧tti̧ jahuätörö tta̧'ä̧rö̧. Ähuettä jahuätörö mȩ'ö̧'i̧nä̧ mȩ'o̧cö̧.

San Mateo 4:23

Jesús Galilea rȩjȩnä̧ pa̧ja̧cu̧nä̧ huo̧juȩtö̧ cue'ächinödo, o'ca juiyönä judíos ttu̧huo̧jui̧'i̧nodehuiyänä koromecu, koromecu'inä. Adihuä huȩnȩ, Dios Ru̧hua̧ päi'önä ö̧jä̧cuȩ huȩnȩ, ji'ähuinödo. Ja̧'hua̧ta̧nö̧ o'ca toi'önä na̧'ä̧chä̧tö̧rö̧mä̧ aditö icuinödo.

1 Juan 3:12

Caínmä, ähuettä i̧tti̧ ja̧'a̧ttö̧, ö̧jä̧hua̧rö̧ cuä'ö icuinö. Ja̧u̧ jȩi̧nö̧'a̧nö̧mä̧ jȩtö̧ juiyö'a̧nö̧ ja̧'a̧. ¿Tta̧'a̧nö̧ pä'ö ö̧jä̧hua̧rö̧ cuä'ö icuina'attö Caínmä? Caín suronä jȩa̧'a̧ttö̧, ö̧jä̧hua̧ adiu jȩi̧yä̧cu̧ cuä'ö icuinödo.

Romanos 1:28

Jahuätömä ttu̧huo̧jua̧ pä'ocotö Diosrö. Ja̧'hua̧nö̧ ja̧'a̧ttö̧ Dios jaroi'inä̧u̧, surojö amöcuädö jȩä̧cuä̧huä̧ jȩtta̧ pä'ö.

2 Tesalonicenses 2:12

Jahuätömä iso päi'önä huȩnȩ ttesetoca'attö, surojötä kö'cätö. Ja̧'hua̧nö̧ ja̧'a̧ttö̧ Dios pä̧cua̧ jahuätörö: “Ucutumä suronä jȩpä̧tö̧jä̧.”

Romanos 14:17

Dios hueömä ttu̧cuȩnä̧tä̧mä̧cö̧, ttaunätämäcö̧. Dios hueömä adiu jȩä̧cuä̧huä̧, tta̧'cua̧ adiu, tta̧'cua̧rö̧ eseu, Espíritu Santonä ttö̧jo̧mȩnä̧.

Romanos 2:8

Ja̧'hua̧ta̧nö̧ korotö ttamönä jähuä amöcuädätörö, iso päi'önä huȩnȩ esetocotörö, surojö kö'cätörö, jahuätörö Dios ra̧huä̧rö̧ ro̧ȩpä̧cua̧.

Hechos 28:23

Koro mo̧ro̧ judíos ttö̧ja̧ ttichä̧cuȩ mo̧ro̧ amöcuädinätödo Pablocu. Ttamöcuädäji mo̧ro̧ päi'omenä, recuätö ttö̧ja̧ ichinätödo Pablo ö̧jodera̧'a̧. Dios Ttu̧ru̧hua̧ päi'önä kö̧ pä'ö ji'ähuinödo Pablo. Moisés hueähuä huȩnȩ'i̧nä̧, Dios i̧huȩnȩ jiäcuähuä isotö tti̧huȩyu̧ti̧nö̧'i̧nä̧ ucuocu ji'ähuinödo, Jesúsru tteseta pä'ö yo̧ȩi̧ kä̧mä̧dö̧, ni̧pä̧ro̧mȩ cä'ädö.

Hechos 20:25

“Diosmä Tu̧ru̧hua̧ päi'önä kö̧ pä'ö, ucutu cu̧'quȩtȩtu̧cu̧nä̧ kä̧nö̧ o'ca toi'önärö ji'ähuinösä. Ja̧'hua̧nö̧ ja̧'a̧nä̧ jitämä huo̧jua̧sä̧ juhua'a yabocumä tocu'ätucuococusä.

Hechos 18:15

Ja̧'hua̧nö̧ ja̧'a̧ ucuocuäcuähuä'inä, ucuturutä hueähuä huȩnȩ'i̧nä̧ ucuocu, ucututä amöcuädö ucuocuätucui. Ttömä hue'ocösä, —pä'inödo ru̧hua̧.

Hechos 17:32

Ja̧'hua̧nö̧ ja̧'a̧nä̧ ttoädäcuähuä huȩnȩ ttä̧ju̧cuo̧mȩnä̧, korotö ya̧'ä̧huȩ'i̧nä̧tö̧do. Korotö pä'inätödo: —Koronö pä'äji ta'anö tä̧ju̧cuä̧cuo̧tö̧jä̧ pi̧yȩ huȩnȩ.

San Juan 18:38

Ja̧'hua̧ ja̧'a̧ttö̧ Pilato pä'inödo: —¿Däjettö iso päi'önä huȩnȩ? Ja̧'hua̧nö̧ jä'epäji'ca̧, Pilato pä'äji ta'anö rä'opinödo judíos ttö̧ja̧rö̧ ucuocua pä'ö. Jahuätörö pä'inödo: —Ttö chamöcuädomenä, ja̧u̧ ubomä yoröiso suronä jȩpo̧cö̧ pi̧nö̧.

San Juan 8:43

Ttö jidäumä, ¿tta̧'a̧nö̧ pä'ö cuä̧ju̧cuä̧tu̧cuo̧ca̧'a̧jä̧ttö̧? Ucutu ttö jidäumä cuä̧ju̧cuä̧tu̧cua̧ pä'ocotöjä.

San Lucas 10:9

Juhuorö na̧nȩpä̧tö̧rö̧mä̧ aditö icuätucui. Ja̧'hua̧nö̧ ja̧'a̧ ji'ähuätucui jahuätörö: “Täcö Dios Cu̧ru̧hua̧ päi'önä ö̧jä̧cua̧'a̧ tö'cöhuächa'a.”

San Lucas 9:2

Dios Ru̧hua̧ päi'önä ö̧jä̧cuȩ huȩnȩ jittähua pä'ö hueinä̧u̧do, na̧nȩpä̧tö̧rö̧'i̧nä̧ aditö tticua pä'ö.

San Marcos 4:15

Korotömä, jacuä jähuä mä̧nä̧ jäyänä ma̧ä̧chö̧ jä̧'i̧nö̧'a̧nö̧ huotö. Dios i̧huȩnȩ ä̧ju̧cuä̧tö̧. Ja̧'hua̧nö̧ ja̧'a̧nä̧ ttä̧ju̧cu̧ o'ca'a, Satanás ichi'ö, 'cho'ipö Dios i̧huȩnȩ ttami iso'quittö.

San Mateo 5:37

Ja̧'hua̧nö̧ ja̧'a̧ttö̧, “A̧” pä'ätömä, jueönätä “A̧” pä'ätucui. “Ja̧'hua̧nö̧cö̧” pä'ätömä, jueönätä “Ja̧'hua̧nö̧cö̧” pä'ätucui. Koro päcuhuätucuttumä, ähuettä hueömä jȩpä̧tö̧jä̧, —pä'ö huo̧juȩti̧nö̧do Jesús.

1 Juan 5:20

Ujutu huo̧juä̧tö̧jä̧ Dios I̧tti̧ ichinö. Huo̧juä̧tö̧jä̧ ujuturu huo̧juȩti̧nö̧ Dios iso päi'önä kö̧rö̧ tu̧huo̧juä̧chi̧'ö̧nä̧. Iso päi'önä kö̧cu̧ ka̧cuä̧tö̧jä̧ ujutumä, I̧tti̧ Jesucristocu tö̧ja̧'a̧ttö̧. Ja̧'hua̧nö̧ ja̧'a̧ iso päi'önä Dios ja̧u̧tä̧ ja̧'a̧do. Ja̧u̧tä̧ kä̧cuä̧huä̧ i'co ja̧'a̧do.

Efesios 3:8

Ttömä o'ca toi'önä Dios i̧tti̧mö̧ttö̧'i̧nä̧ abonänö usurä i̧sa̧sä̧. Ja̧'hua̧nö̧ ja̧'a̧nä̧ Dios ttörö repea'attö, Cristonä adihuä juäi ka̧cu̧ huȩnȩ jidähua pä'ö hueinäcusä judíos huocotörö.

San Mateo 12:26

Ja̧'hua̧ta̧nö̧ ja̧'a̧nä̧, chutä ähuettämä churutä ähuettärötä rä'epö icuttumä, chutä amönätä rohuäcuäu. ¿Tta̧'a̧nö̧ ujuruhuäcua'ajä̧ttö̧ ja̧'hua̧nö̧mä̧?

San Mateo 13:20

Korotömä, jacuä jähuä inähuänä ma̧ä̧chö̧ jä̧'i̧nö̧'a̧nö̧ huotö. Jahuätömä Dios i̧huȩnȩ ä̧ju̧cu̧, eseunu esetätö.