San Mateo 13:11 - TÄ̧DO Ä̧CUÄ̧ I̧HUȨNȨ

¹¹ Jahuätörö ädätinödo: —Dios iyinödo ucuturu Dios Cu̧ru̧hua̧ päi'önä ö̧jä̧cuȩ huȩnȩ, ttö̧ja̧ ttieru huȩnȩ cu̧huo̧juä̧tu̧cua̧ pä'ö. Jahuätö ja̧u̧ huȩnȩ jerupätödo.

Nuevo Testamento Uwotjüja

¹¹ Pättäku ädätinä̧u̧: Ukuturumä̧ i̧yä̧wi̧'i̧nä̧u̧jä̧ mo̧ro̧jä̧ ru̧wa̧ weü wo̧juä̧wo̧kü̧ ku̧wo̧juä̧tu̧kua̧ pä'ü; ja̧'wa̧nü̧ ja̧'a̧nä̧ jitüjarümä̧ i̧yä̧wi̧'o̧ko̧u̧ pinä̧tü̧.

San Mateo 13:11 Referans Kwoze

1 Corintios 2:14

Ka̧ra̧mä̧ Espíritu Santorö ku̧nä̧ro̧cö̧mä̧, yoröiso pä̧huä̧ jui̧'a̧ ja̧u̧ huȩnȩ, Espíritu Santo i̧huȩnȩ. Ja̧u̧mä̧ ja̧u̧ huȩnȩ ttu̧'ȩpä̧ro̧co̧tö̧ ttucuocu'a̧nö̧ jö̧ huȩnȩ pä'ö amöcuädö. Ja̧'hua̧ta̧nö̧ ja̧u̧ huȩnȩ Espíritu Santo u̧huo̧juȩta̧'a̧ttö̧, yoröiso ä̧ju̧cu̧'i̧nä̧ ä̧ju̧cuo̧cö̧.

San Mateo 19:11

Ja̧'hua̧ ja̧'a̧ Jesús pä'inödo: —O'ca toi'önä ja̧'hua̧nö̧ huo̧ju̧nä̧ ä̧ju̧cuo̧co̧tö̧. Dios u̧huo̧juȩtä̧u̧tä̧ ja̧'hua̧nö̧ ä̧ju̧cuä̧tö̧mä̧.

Santiago 1:5

Ucututtu ya̧tȩ u̧huo̧jui̧'a̧ pä'ö recuä rö̧jö̧ttö̧mä̧, Diosrö jäepö'a̧nö̧ ja̧'a̧. Dios ja̧u̧ru̧ i̧yä̧cua̧. Dios o'ca toi'önärö iyö. Tä̧bo̧cuä̧ juiyönä rö̧ȩnä̧ iyö.

1 Juan 2:27

Espíritu Santo, Jesucristo iyinäcumä, ucutucu kö̧. Ja̧'hua̧nö̧ ja̧'a̧ttö̧ “Ka̧ra̧ ujuturu u̧huo̧juȩtö̧'a̧nö̧ ja̧'a̧” pä'ocotöjä ucutumä. Espíritu Santomä, Jesucristo iyinäcu, o'ca juiyönä ucuturu huo̧juȩtö̧. Ja̧u̧ u̧huo̧juȩtö̧mä̧, iso päi'önä huȩnȩ ja̧'a̧. Yapareu huȩnȩmä̧cö̧. Ja̧u̧ u̧huo̧juȩti̧nö̧ ta'anö jȩpä̧tu̧cui̧. Jesucristocutä ka̧cuä̧tu̧cui̧.

1 Juan 2:20

Jesucristo iyinö Espíritu Santorö ucutucu ö̧ja̧ pä'ö. Ja̧'hua̧nö̧ ja̧'a̧ttö̧ ucutu o'ca toi'önä iso päi'önä huȩnȩ huo̧juä̧tö̧jä̧.

San Mateo 16:17

Jesús pä'inödo Pedrorö: —Eseunu cu̧jä̧cua̧jä̧ Simón, Jonás i̧tti̧. Pi̧jä̧ ttö̧ja̧ i̧sa̧ ja̧'hua̧nö̧mä̧ huo̧juȩto̧cö̧ pi̧nö̧do ucuru. Chä'o mo̧ro̧jä̧nä̧ kö̧tä̧ u̧huo̧juȩti̧nä̧cu̧jä̧.

Efesios 1:9

Ja̧'hua̧ta̧nö̧ churutä pä̧huä̧ rö̧jo̧mȩnä̧ chutä jȩa̧ pä'ö amöcuädinö huȩnȩ, tu̧huo̧jua̧ pä'ö iyinä̧u̧jä̧.

Efesios 5:32

Pi̧yȩ adihuä huo̧juȩcuä̧ huȩnȩ. Ja̧u̧ huo̧juȩcuä̧ huȩnȩ Cristo Diosrö esetätörö adiu tta̧huä̧ra̧'a̧ päa'a a̧'cua̧ra̧'a̧, pä'ösä ttömä.

Romanos 16:25

Diosrö eseunu tucuocuaja. Ja̧u̧ jȩä̧cua̧ juhua'a yabonö adiunä 'quiyönä cu̧ja̧cuä̧tu̧cua̧ pä'ö. Ja̧'hua̧nö̧ jȩä̧cua̧ ttö̧ja̧ suronä jȩttö̧ jȩpö̧ icu jidäu huȩnȩ'i̧nä̧, Jesucristorö huo̧juȩcuä̧ huȩnȩ'i̧nä̧ cuesetätucuomenä. Ja̧'hua̧ta̧nö̧ pi̧jä̧ juiyäi'inä, Dios yä̧huä̧i̧nä̧ amöcuädinö tu̧huo̧jua̧ pä'ö iyinö pi̧yȩ adihuä huȩnȩ.

San Lucas 8:10

Ja̧'hua̧ ja̧'a̧ päinä̧u̧do: —Dios iyinödo ucuturu Dios Cu̧ru̧hua̧ päi'önä ö̧jä̧cuȩ huȩnȩ, ttö̧ja̧ ttieru huȩnȩ, cu̧huo̧juä̧tu̧cua̧ pä'ö. Ja̧'hua̧nö̧ ja̧'a̧nä̧ korotörömä ucuocusä koro juäi jä̧'i̧nö̧'a̧nö̧ jö̧ huȩnȩnä̧. Ja̧'hua̧nö̧ ä̧ju̧cu̧ to̧ttä̧ro̧mȩnä̧, topocotö. Ttä̧ju̧cuä̧ro̧mȩnä̧, 'cucuächi'oca'a ä̧ju̧cuä̧tö̧.

1 Corintios 15:51

Ä̧ju̧cuä̧tu̧cui̧ pi̧yȩ ttieru huȩnȩ jidähuomenä. O'ca toi'önämä 'corupä'i'ocotöjä. Ja̧'hua̧nö̧ ja̧'a̧nä̧ o'ca toi'önä tö'ärohuächäcuotöjä.

1 Corintios 2:7

Ujutumä ji'ähuätöjä Dios u̧huo̧ju̧nä̧ pi̧jä̧ ttö̧ja̧ ttierunä. Ja̧'hua̧ta̧nö̧ pi̧jä̧ aditäcua'a ä'canä, Dios ja̧u̧ u̧huo̧ju̧mä̧ ku̧nä̧ri̧nö̧do ujuturu iya pä'ö, suronä jȩtö̧ jȩpö̧ icua pä'ö.

San Juan 6:65

Chutä pä'inödo: —Ja̧'hua̧nö̧ ja̧'a̧ttö̧ ucuturu pä'äjisä, Chä'o i'cächö juiyöttömä, ttörö yoröiso ichocotödo.

1 Timoteo 3:9

Dios i̧huȩnȩ, ujutu tesetö huȩnȩ, adiu amöcuädö esetätö. Ja̧'hua̧ta̧nö̧ o'ca juiyönä adiu amöcuädö jȩpä̧tö̧.

1 Corintios 13:2

Ja̧'hua̧ta̧nö̧ Dios iyähuä huȩnȩ jidäuttumä, o'ca juiyönä ttö̧ja̧ ttieru huȩnȩ chu̧huo̧ju̧ttu̧mä̧'i̧nä̧, o'ca juiyönä pi̧jä̧ huo̧juä̧huä̧ chu̧huo̧ju̧ttu̧mä̧'i̧nä̧, o'ca toi'önärö repedoca'anä, yoröiso yapareutä jȩpö̧sä̧. Ja̧'hua̧ta̧nö̧ rö̧ȩnä̧ esetö, möä'ca chupporädäcua'a̧nö̧ pä'ö chesetöttö'inä, chahuaruhuärö repedoca'anä, yoröiso yapareutä jȩpö̧sä̧.

San Marcos 4:11

Jahuätörö pä'inödo: —Dios iyinödo ucuturu Dios Cu̧ru̧hua̧ päi'önä ö̧jä̧cuȩ huȩnȩ, ttö̧ja̧ ttieru huȩnȩ, cu̧huo̧juä̧tu̧cua̧ pä'ö. Ja̧'hua̧nö̧ ja̧'a̧nä̧ u̧mi̧nä̧ ka̧cuä̧tö̧rö̧, o'ca juiyönä koro juäi jä̧'i̧nö̧'a̧nö̧ jö̧ huȩnȩnä̧ jidäu'a̧nö̧ ja̧'a̧.

Colosenses 2:2

Cuami iso'quitucunä yabonö rö̧ä̧chi̧'ö̧nä̧ cuesehuätucua pä'ösä. Ja̧'hua̧ta̧nö̧ ji̧nä̧ yo̧mȩtȩ repe'ö cuamöcuädätucua pä'ösä. Ja̧'hua̧ta̧nö̧ rö̧ä̧chi̧'ö̧nä̧ huo̧ju̧nä̧ cu̧huo̧juä̧tu̧cuä̧cua̧'a̧nö̧ Cristorö. Ja̧u̧ Dios i̧huȩnȩ, ttieru huȩnȩ, Cristorötä päa'a.

Efesios 6:19

Ttörö'inä amöcuädö ucuocuätucui Diosrö, iyattö pä'ö i̧huȩnȩ chucuocuäcua'a̧nö̧. Ja̧'hua̧ta̧nö̧ yeähuä juiyönä chucuocuäcua'a̧nö̧ korotörö ttieru huȩnȩ, suronä jȩttö̧ jȩpö̧ icu huȩnȩ.

1 Corintios 4:7

¿Dijä̧ttö̧ ucuru aditinömä, korotöttö'inä abonänö adihuä i̧sa̧ päi'önä cu̧ja̧ pä'ö? O'ca juiyönä cu̧ju̧nä̧rö̧ ¿Dios iyocö pi̧nö̧ tä̧ji̧ ucuru? Ucutumä cu̧ju̧nä̧rä̧tu̧cu̧ cuamönätucunä ȩmi̧nä̧tö̧jä̧ pä'ö jȩpä̧tö̧jä̧. Ja̧'hua̧nö̧ ja̧'a̧ttö̧ iso päi'önä Dios iyinöttömä ¿tta̧'a̧nö̧ pä'ö jȩcu̧'ä̧tu̧cuä̧ ja̧'hua̧nö̧ ucutumä?

1 Corintios 4:1

Iso päi'önä jahuätömä Dios i̧huȩnȩ, ttö̧ja̧ ttieru huȩnȩ, jittähua pä'ö Cristo hue'ähuotödo pä'ö cuamöcuädätucuaja ujuturu.

San Juan 7:17

¿Ttötä chamönä huȩnȩ huo̧juȩtö̧sä̧ tä̧ji̧? ¿Dios i̧huȩnȩ huo̧juȩtö̧sä̧ tä̧ji̧? Ya̧tȩ Diosrö pä̧huä̧ rö̧jö̧ jȩa̧ pä'ö amöcuädöttömä, ttö chu̧huo̧juȩtö̧mä̧ u̧huo̧juä̧cua̧.

1 Timoteo 3:16

Iso päi'önä ujutu huo̧juä̧tö̧jä̧ Dios i̧huȩnȩ, pä'äji ttieruhuinö huȩnȩ, iso päi'önä adihuä huȩnȩ ja̧'a̧. Dios pi̧jä̧ra̧'a̧ ichinödo ujutu jö̧ ta'anö hua̧. Espíritu Santo i̧jȩcui̧nä̧cu̧do adihuä i̧sa̧ ja̧'a̧ttö̧. Angeles topinätödo ja̧u̧ru̧. O'ca toi'önä pa̧ja̧cuä̧chö̧nä̧ ä̧ju̧cui̧nä̧tö̧do ja̧u̧ru̧. Pi̧jä̧ pa̧ja̧cu̧nä̧ esetinätödo ja̧u̧ru̧. Mo̧ro̧jä̧ra̧'a̧ cä'ecuächinödo.

Efesios 1:18

Ja̧'hua̧ta̧nö̧ cuamöcuädätucunä ppäda pä'ö jä'epösä Diosrö, chutä ucuturu huoinömä tta̧cu̧huä̧rä̧tu̧cu̧ adiu cu̧huo̧juä̧tu̧cua̧ pä'ö. Ja̧'hua̧ta̧nö̧ Dios i̧tti̧mö̧rö̧ iyäcua'a, iso päi'önä adihuä juäi ja̧'a̧ cu̧huo̧juä̧tu̧cua̧ pä'ö.

Hechos 16:14

Juhua'attö yajute Lidia pä'ö micuaju, Tiatira ötahuiyättö ichinäjumä, pö̧jä̧ta̧ adihuä̧ta̧ ja̧'tu̧nä̧nö̧ tu̧huä̧ta̧ iyä'ijäjumä ki̧nä̧ju̧. Yaju'inä Diosrö ucuocuä'ijäju ji̧na̧'a̧. Pablo ucuocuäjimä adiu ä̧ju̧cui̧nä̧ju̧. Dios 'cucuächi'önä kä̧ju̧cua̧ pä'ö jȩpi̧nö̧, Pablo jiähuäji keseta pä'ö.

San Mateo 13:10

Jesús u̧huo̧juȩtä̧u̧mä̧ ötö'cönä 'chä̧hui̧'ö̧ ja̧u̧ru̧ jä'epö ä̧ju̧cui̧nä̧tö̧do: —¿Tta̧'a̧nö̧ pä'ö koro juäi jä̧'i̧nö̧'a̧nö̧ jö̧ huȩnȩ cucuocua'ajä̧ttö̧ ttö̧ja̧rö̧?

San Mateo 20:23

Ja̧u̧nu̧ o'ca'a jahuätörö pä'inödo: —Iso päi'önä ttö ubara ttudu ta'anö ubara ttucuhuäcuotöjä. Ja̧'hua̧nö̧ ja̧'a̧nä̧ ka̧ra̧ chu̧huo̧jua̧'a̧nä̧, ka̧ra̧ chieruhua'anä ttö̧'ä̧mä̧da̧ pä'ö hue'ocösä ttömä. Chä'orö pä̧huä̧ rö̧jä̧u̧ru̧tä̧ huȩä̧cua̧ ja̧'hua̧nö̧ ttö̧'ä̧mä̧da̧ pä'ö.

San Marcos 10:40

Ja̧'hua̧nö̧ ja̧'a̧nä̧ ka̧ra̧ chu̧huo̧jua̧'a̧nä̧, ka̧ra̧ chieruhua'anä ttö̧'ä̧mä̧da̧ pä'ö hue'ocösä ttömä. Diosrö pä̧huä̧ rö̧jä̧u̧ru̧tä̧ huȩä̧cua̧ ja̧'hua̧nö̧ ttö̧'ä̧mä̧da̧ pä'ö.

Romanos 11:25

Chö̧jä̧hua̧tö̧, Dios yä̧huä̧i̧nä̧ amöcuädinö huȩnȩ cu̧huo̧juä̧tu̧cua̧ pä'ösä, ucutu “huo̧jua̧sä̧” cuamöcuädätucu juiya pä'ö. Israel ttö̧ja̧mä̧ 'cuäopönä jarode'ocotö ttäcuotö. Judíos huocotöttö Dios oipinä̧u̧ ttesetome jubö päi'önä ttöarodäcuotö Israel ttö̧ja̧mä̧.