San Mateo 12:17 - TÄ̧DO Ä̧CUÄ̧ I̧HUȨNȨ

¹⁷ Ja̧u̧ ja̧'hua̧nö̧ jȩpi̧nö̧do Dios i̧huȩnȩ jiäcuähuä i̧sa̧ Isaías i̧huȩyu̧ti̧nö̧ ta'anö 'cuäopa'a pä'ö. Ja̧u̧ huȩyu̧ti̧nö̧do:

Nuevo Testamento Uwotjüja

¹⁷ Profeta Isaía pa̧'a̧nü̧ ukuokuinü̧ 'kuäopa'attü:

San Mateo 12:17 Referans Kwoze

San Juan 12:38

Ihueye Dios i̧huȩnȩ jiäcuähuä i̧sa̧ Isaías i̧huȩyu̧ti̧nö̧ ta'anö 'cuäopa pä'ö esetocotö pi̧nä̧tö̧do. Ja̧u̧ huȩyu̧ti̧nö̧do: Chu̧ru̧hua̧ cui̧huȩnȩmä̧, ¿dijä̧ttö̧ esetinömä? Tu̧ru̧hua̧ ujurumä, ¿dirö i̧jȩcui̧nä̧ttö̧?

San Mateo 21:4

Ja̧u̧ päji o'ca juiyönä 'cuäopina'ado, Dios i̧huȩnȩ jiäcuähuä i̧sa̧ i̧huȩyu̧ti̧nö̧ ta'anö 'cuäopa'a pä'ö. Ja̧u̧ huȩyu̧ti̧nö̧do:

San Mateo 13:35

Dios i̧huȩnȩ jiäcuähuä i̧sa̧ päinö ta'anö 'cuäopa'a pä'ö huo̧juȩti̧nö̧do ja̧'hua̧nö̧mä̧. Ja̧u̧ pä'inödo: Koro juäi jä̧'i̧nö̧'a̧nö̧ jö̧ huȩnȩnä̧ chu̧cuo̧cuä̧cua̧sä̧. Koro juäi, Dios pi̧jä̧ aditinö o'ca'a yä̧huä̧i̧nä̧ ji̧nö̧mä̧, chu̧cuo̧cuä̧cua̧sä̧.

Hechos 13:27

Jerusalén ötahuiyänä ka̧cui̧nä̧tö̧'i̧nä̧, tturuhuotö'inä Jesúsmä ttö̧ja̧ surojöttö ttö̧ji̧pö̧nä̧ jȩä̧cua̧ pä'ö jerupinätödo. Ja̧'hua̧ta̧nö̧ Dios i̧huȩnȩ jiäcuähuä isotö tti̧huȩyu̧ti̧nö̧mä̧, o'ca juiyönä ttö̧ja̧ 'cuättächi'ö mo̧ro̧ ttucuocua'a ttä̧ju̧cua̧'a̧nä̧, 'cucuächi'oca'a ä̧ju̧cui̧nä̧tö̧do. Ja̧'hua̧ ja̧'a̧ jahuätötä, Jesús 'corupäi'a pä'ö jȩtto̧mȩnä̧, Dios i̧huȩnȩ jiäcuähuä isotö tti̧huȩyu̧ti̧nö̧ ta'anö 'cuäopa pä'ö jȩpi̧nä̧tö̧do.

San Juan 19:28

Ja̧u̧nu̧ o'ca'a täcö o'ca juiyönä 'cuäopäja'a huo̧jui̧nö̧do Jesús. Ja̧'hua̧ ja̧'a̧ttö̧ Huȩyu̧cuä̧ Huȩnȩ 'cuäopa pä'ö Jesús pä'inödo: —Chahua a̧di̧ rö̧jä̧chi̧'ä̧cu̧sä̧.

San Juan 10:35

Iso päi'önä Huȩyu̧cuä̧ Huȩnȩ päömä yoröiso ä̧ppö̧tä̧rä̧cuä̧huo̧cö̧ huo̧juä̧tö̧jä̧. Dios, pi̧jä̧ ttö̧ja̧rö̧, chutä i̧huȩnȩ jiähuinä̧u̧ru̧ dioses huotöjä pä'inödo.

San Lucas 24:44

Ja̧u̧nu̧ o'ca'a jahuätörö pä'inödo: —Ttörö 'cuäopäjimä, ucutucu ji̧nä̧ kä̧nö̧, ji'ähuinösä. O'ca juiyönä Moisés hueähuä huȩnȩ ttörö päö'a̧nö̧'i̧nä̧, Dios i̧huȩnȩ jiäcuähuä isotö ttörö tti̧huȩyu̧ti̧nö̧'a̧nö̧'i̧nä̧, Salmos cuyäru ttörö päö'a̧nö̧'i̧nä̧ 'cuäopäcua'a ji'ähuinösä.

San Lucas 21:22

Ja̧u̧nu̧ mo̧ro̧ ro̧ȩcuä̧ mo̧ro̧ jä̧cua̧'a̧. Ja̧u̧nu̧mä̧ o'ca juiyönä Huȩyu̧cuä̧ Huȩnȩ päömä 'cuäopäcua'a.

San Mateo 8:17

Ja̧'hua̧nö̧ 'cuäopina'ado Dios i̧huȩnȩ jiäcuähuä i̧sa̧ Isaías i̧huȩyu̧ti̧nö̧ ta'anö. Ja̧u̧ huȩyu̧ti̧nö̧do: “Chutä ȩmö̧ ȩpi̧nö̧do ujutu tijuiyuhuinö'inä, na̧tä̧chi̧nö̧'i̧nä̧”, pä'ö huȩyu̧ti̧nö̧do.

San Mateo 12:16

Jahuätö aditö icuinä̧u̧mä̧ korotörö ja̧u̧ru̧ jittäu juiya pä'inödo.

San Mateo 12:18

Pidemä ttö chu̧mö̧huä̧ya̧. Ttö ja̧u̧ru̧ o'ipinösä. Ja̧u̧ru̧ eseunu repe'ösä. Ttö Espírituru chi̧yä̧cua̧sä̧ ja̧u̧ru̧. Ttö huedömä o'ca toi'önärö ji̧ä̧huä̧cua̧.