San Mateo 11:5 - TÄ̧DO Ä̧CUÄ̧ I̧HUȨNȨ

⁵ Jicuhuähuätucuaröja, ä̧to̧cä̧tö̧'i̧nä̧ topätö. 'Cuä'ätö'inä cue'ächätö. Lepra ttöttahuiyä märichei na̧'ä̧chä̧tö̧'i̧nä̧, jitämä na̧'ä̧cho̧co̧tö̧. Järiyähuätö'inä ä̧ju̧cuä̧tö̧. 'Corupä'i'ätö'inä tto'ächätö. Usurä isotö'inä adihuä juäi suronä jȩttö̧ jȩpö̧ icuähuä huȩnȩ ä̧ju̧cuä̧tö̧.

Nuevo Testamento Uwotjüja

⁵ Ä̧to̧kä̧'i̧jä̧tü̧'i̧nä̧ topätü, tti̧'chü̧ juiyünä̧ wotü'i̧nä̧ kue'ächätü, Repra na̧nȩpä̧tü̧'i̧nä̧ pȩji̧pä̧tü̧, ttä̧ju̧ku̧ juiyünä̧ wotü'i̧nä̧ ä̧ju̧kuä̧tü̧, 'korujuo'ächätü'inä̧ tto'ächätü ja̧'wa̧ta̧nü̧ usurä isotürü'i̧nä̧ jareü wȩnȩ ji'äkuäwia'a.

San Mateo 11:5 Referans Kwoze

San Lucas 4:18

Espíritu Santo ttöcu kö̧. Täcö 'quȩ'ȩcua̧sä̧ adihuä juäi huȩnȩ jidähua pä'ö usurä isotörö. Hueinäcusä aditö chicua pä'ö pi̧jä̧ jähuä usurä isotö juo'ächätörö, jidähua pä'ö rä'epö icuähuä huȩnȩ cärenä pȩjä̧tö̧rö̧'i̧nä̧, ä̧to̧cä̧tö̧rö̧ tottönä jȩcha̧ pä'ö'inä, suronä jȩttä̧u̧ru̧ ppädäda pä'ö'inä hueinäcusä.

Santiago 2:5

Chö̧jä̧hua̧tö̧, ä̧ju̧cuä̧tu̧cui̧. Dios ȩmi̧nö̧ pi̧jä̧ttö̧ usurä isotörö'inä, adiu amöcuädö ttesetarö pä'ö, Dios ppädäcuähuä ttȩma̧ pä'ö. Ja̧u̧ ppädäcuähuä iya pä'inö churutä, Diosrötä repe'ätörö.

San Mateo 21:14

Ju̧huȩnȩtä̧ Diosrö ucuocuäcuähuodenä korotömä ä̧to̧cä̧tö̧rö̧'i̧nä̧, cue'ächocotörö'inä i'cächinätödo Jesúsru. Jahuätörö aditö icuinödo.

San Juan 10:38

Ja̧'hua̧ta̧nö̧ ja̧u̧ jȩchö̧ttö̧'i̧nä̧ ttörö cuesetätucu juiyöttömä, jȩchö̧tä̧ esetätucui, Chä'o ttöcu kö̧ cu̧huo̧juä̧tu̧cua̧ pä'ö. Ja̧'hua̧ta̧nö̧ ttö'inä Chä'ocu kö̧sä̧ cu̧huo̧juä̧tu̧cua̧ pä'ö, —pä'inödo Jesús.

San Juan 10:25

Jesús jahuätörö ädätö pä'inödo: —Täcö ji'ähuinösä. Ucututä esetocotöjä. O'ca juiyönä Chä'o u̧ju̧ru̧nä̧ jȩchö̧mä̧, ja̧u̧ Cristo cha'a i̧jȩcua̧'a̧.

San Juan 5:36

Koro Juan jiähuinöttö'inä abonänö adihuä juäi ku̧nä̧rö̧sä̧, ttörö cuesetätucua pä'ö. O'ca juiyönä jȩchö̧mä̧, Chä'o hueinäcusä ja̧u̧ jȩcha̧ pä'ö. Ja̧u̧ juäi topö cu̧huo̧juä̧tu̧cuä̧cua̧'a̧nö̧ Chä'o hueinäcusä.

San Juan 3:2

Pide Nicodemo Jesúsru koronö yodo topö 'chi̧nö̧do. Jesúsru pä'inödo: —Huo̧juȩcuä̧ I̧sa̧, ujutu huo̧juä̧tö̧jä̧ Dios hueinäcujä ujuturu cu̧huo̧juȩta̧ pä'ö. Ya̧tȩ Dios hueö juiyöttömä koro ttö̧ja̧ ttieru juäi jȩcu̧'u̧'a̧nö̧ jȩpo̧cö̧ yoröisotä.

San Juan 2:23

Pascua fiesta jȩpö̧, Jesús Jerusalén ötahuiyära̧'a̧ kä̧nö̧, ttö̧ja̧ ttieru juäi jȩo̧mȩnä̧ topö, recuätö ttö̧ja̧ esetinätödo ja̧u̧ru̧.

San Marcos 9:25

Recuätö ttö̧ja̧ ttö̧ca̧ca̧cui̧'a̧'a̧ tomenä, Jesús ro̧'ȩpö̧ pä'inödo espíritu su̧ro̧pa̧rö̧: —Espíritu su̧ro̧pa̧ ucuocuocö'inä, ä̧ju̧cuo̧cö̧'i̧nä̧, ucuru hue'ösä ja̧u̧ mö̧ä̧ya̧ttö̧ räcuhuopa pä'ö. Pä'äji ta'anömä ja̧u̧ru̧ docuhuächä'.

San Marcos 7:37

Ja̧'hua̧ta̧nö̧ eseunu to̧pä̧rö̧ kä̧nö̧ pä'inätödo: —O'ca juiyönä jȩö̧mä̧, adiu jȩpö̧. Ä̧ju̧cuo̧co̧tö̧'i̧nä̧, ttä̧ju̧cu̧nä̧ jȩpö̧. Ucuocuocotö'inä, ttucuocunä jȩpö̧, —pä'inätödo.

San Mateo 10:8

Lepra ttöttahuiyä märichei na̧'ä̧chä̧tö̧rö̧'i̧nä̧, koro juäi na̧'ä̧chä̧tö̧rö̧'i̧nä̧ aditö icuätucui. 'Corupä'i'ätörö'inä tto'ädätucui. Espíritus suropätörö'inä rä'epö icuätucui. Ucutu ja̧u̧ ujurumä micuä juiyönä cuȩmä̧jä̧tu̧cu̧ ta'anö, korotörö'inä ja̧u̧ ujurunä micuä juiyönä ppä'ädätucui.

San Mateo 9:30

Ja̧'hua̧nö̧ päomenä, ttö'äre adiu päi'inä̧u̧do. Jesús pä'inödo jahuätörö: —Yoröiso jicuhuähuätucuä' korotörö.

San Mateo 5:3

—Dios adiunätä ppädatö pä'ätömä, eseunu ttö̧ja̧cuä̧cuo̧tö̧, Dios Ttu̧ru̧hua̧ päi'önä ö̧ja̧'a̧ttö̧.

Hechos 2:22

“Chahuaruhuä Israel ttö̧ja̧, jidäumä ä̧ju̧cuä̧tu̧cui̧. Jesús Nazaret i̧sa̧ Dios huȩ'ä̧hua̧ pi̧nö̧. Ja̧'hua̧ ja̧'a̧ Dios Jesúsru ujuru iyinö ucutu cu̧'quȩtȩtu̧cu̧ ttö̧ja̧ ttieru juäi jȩa̧ pä'ö. Ucutu täcö huo̧juä̧tö̧jä̧ ja̧u̧ jȩi̧nö̧mä̧.

San Mateo 11:4

Ja̧'hua̧nö̧ jättepomenä, Jesús ädätinödo: —Tocu'ätucu'inä, cuä̧ju̧cuä̧tu̧cu̧'i̧nä̧ ji'ähuäjätucui Juanrö.

San Mateo 12:13

Ja̧u̧nu̧ o'ca'a u̧mö̧ joi'inäcuru pä'inödo: —Cu̧mö̧ te'ädi. Ja̧'hua̧nö̧ teädomenä, adiu päi'inäcudo ko̧ro̧mö̧ u̧mö̧ ta'anö.

San Juan 9:7

Ja̧'hua̧ ja̧'a̧ ja̧u̧ru̧ pä'inödo: —Siloé reju iso'unä töcähuäji. —Juhuo'u i̧mi̧mä̧, Huettino'u pä'ö mi̧cui̧no̧mȩ. Ja̧u̧ ä̧to̧ca̧ 'chä̧nö̧ töcähuinödo. Ja̧'hua̧nö̧ ötöcähuäji o'ca'a ppa̧huä̧cho̧mȩnä̧, ö'äre adiu topinödo.