San Mateo 11:29 - TÄ̧DO Ä̧CUÄ̧ I̧HUȨNȨ

²⁹ Ttö huedömä jȩpä̧tu̧cui̧. Ttörö topö huo̧jui̧pä̧tu̧cui̧. Ttömä korotörö eseunu amöcuädösä chami iso'quinä. Ttö adiunä kö̧sä̧ korotöcu. Ucutu cua̧'cua̧ru̧hua̧nä̧ eseäcuähuä cu̧'o̧cui̧'ä̧cuo̧tö̧jä̧ ttörö esetö.

Nuevo Testamento Uwotjüja

²⁹ Ttü wedümä̧ jȩpä̧tu̧kui̧, ttüttü wo̧jui̧pätu̧kui̧ cha̧mi̧so'kinä̧ ra̧wä̧rü̧ ukuo tedäwoka'a; ja̧'wa̧nü̧ jȩpü̧ ku̧'o̧kui̧'ä̧kuo̧tü̧jä̧ kua̧'kua̧rä̧tu̧ku̧ a̧'kua̧ ȩma̧ pä'ümä̧.

San Mateo 11:29 Referans Kwoze

1 Juan 2:6

Ya̧tȩ “Dioscu kö̧sä̧” pä'ömä, chuätä Jesucristo ö̧ji̧nö̧ ta'anö ö̧jö̧'a̧nö̧ ja̧'a̧.

San Juan 13:15

Ttö jȩchä̧ji̧ ta'anö jȩcu̧'ä̧tu̧cua̧ pä'ö jȩpä̧ji̧sä̧.

San Mateo 7:24

“Ja̧'hua̧nö̧ ja̧'a̧ttö̧ ya̧tȩ ttö pädömä ä̧ju̧cu̧ jȩo̧mȩnä̧, ka̧ra̧ rö̧ȩnä̧ huo̧jua̧ ojusode inähuä huäme aditinö jä̧'i̧nö̧'a̧nö̧ hua̧.

Hebreos 5:9

Ja̧'hua̧nö̧ huo̧jui̧pö̧, yoröiso adihuä i̧sa̧ pä'i'inödo. Jitämä chutä kä̧cuä̧huä̧ i'co iyödo, o'ca toi'önä ja̧u̧ru̧ esetätörö.

2 Corintios 10:1

Ttö Pablo, ucuturu repe'önö Cristo adihuä juäi iyö amöcuädö pä'ösä. Korotö pä'ätö ttörö ucutucu chö̧jo̧mȩnä̧, jä̧rö̧nä̧tä̧ usurä i̧sa̧ ta'anö kö̧sä̧. Ja̧'hua̧ta̧nö̧ ucututtu oto kara'a chö̧jo̧mȩnä̧, pä̧i̧cu̧nä̧ ucuocu jȩpö̧sä̧ pä'ätö korotömä.

San Mateo 28:20

Ucuturu o'ca juiyönä chu̧huo̧juȩti̧nö̧, jȩtta̧ pä'ö huo̧juȩtä̧jä̧tu̧cui̧. Ja̧'hua̧ta̧nö̧ cu̧huo̧juä̧tu̧cua̧ pä'ö pä'ösä, ucutucu mo̧ro̧ji̧nö̧ a̧'u̧cuä̧ chö̧jä̧cua̧sä̧ pi̧jä̧ beipächome jubö päi'önä, —pä'inödo Jesús. Amén.

Filipenses 2:5

Cristo Jesús amöcuädinö ta'anö, amöcuädätucui ucutu'inä.

San Mateo 21:5

Sión ötahuiyänä ji'ähuätucui. Topätucui, Cu̧ru̧hua̧ icha'a, usurä i̧sa̧ ta'anö burrarö huä̧mä̧dö̧. Ja̧u̧mä̧ rö̧ȩnä̧ amäcö ȩpö̧'a̧nö̧ hua̧rö̧, ji̧'qui̧cha̧hua̧rö̧ huä̧mä̧dö̧ ichö.

2 Corintios 10:5

Ja̧'hua̧nö̧ ja̧'a̧nä̧ Diosrö ttu̧huo̧ju̧ juiya pä'ö jȩä̧cuä̧huä̧, o'ca juiyönä suräjuä huȩnȩ'i̧nä̧, koro a'cuoyäunu jȩä̧cuä̧huä̧'i̧nä̧ be'epäjipö icuätöjä. O'ca juiyönä pi̧jä̧ttö̧ amöcuädäcuähuä'inä Cristorö ji'ähuätöjä churutä pä̧huä̧ rö̧jo̧mȩnä̧ tamöcuäda pä'ö.

1 Tesalonicenses 4:2

Tu̧ru̧hua̧ Jesús ujurunä tu̧huo̧juȩti̧nö̧mä̧ huo̧juä̧tö̧jä̧ ucutumä.

San Juan 13:17

Pi̧yȩ pädö ä̧ju̧cu̧ jȩcu̧'ä̧tu̧cu̧ttu̧mä̧, eseunu cu̧ja̧cuä̧cuo̧tö̧jä̧.

San Mateo 17:5

Pedro ja̧'hua̧nö̧ ucuocuomenä, ajiya isoppa tȩa̧u̧ mȩyȩhui̧'i̧na̧'a̧do jahuätö ttö̧ja̧cuo̧mȩcu̧. Ajiya isoppattö ya̧tȩ i̧huȩnȩ ucuocua'a ä̧ju̧cui̧nä̧tö̧do: —Pidemä ttö Chi̧tti̧ rȩni̧'a̧. Ttömä juiyo eseusä ja̧u̧ru̧. Ä̧ju̧cuä̧tu̧cui̧ ja̧u̧ru̧tä̧, —ucuocua'a ä̧ju̧cui̧nä̧tö̧do.

2 Tesalonicenses 1:8

Ja̧u̧mä̧ Diosrö esetocotörö'inä, Tu̧ru̧hua̧ Jesucristo i̧huȩnȩ esetocotörö'inä ö̧tä̧bo̧ta̧ pä'ö i̧chä̧cua̧.

1 Corintios 9:21

Ja̧'hua̧ta̧nö̧ korotö Moisés hueähuä huȩnȩ jȩpo̧co̧tö̧cu̧ cuedächomenä, jahuätö cuettächö'a̧nö̧ cue'ächösä Diosrö ttesetäcua'a̧nö̧. Juhuorö'inä ttötä Dios hueähuä huȩnȩ jȩpö̧sä̧, Cristo ttörö huea'attö.

Hechos 7:37

Ja̧u̧tä̧ Moisés Israel ttö̧ja̧rö̧ pä'inödo: “Dios ucuturu huȩä̧cua̧ i̧huȩnȩ jiäcuähuä i̧sa̧rö̧, ucututtu ya̧tȩrö̧, ttörö hueinö ta'anö. Ja̧u̧ jiäumä adiu esetö cuä̧ju̧cuä̧tu̧cu̧'a̧nö̧ ja̧'a̧.”

San Lucas 8:35

Ja̧'hua̧nö̧ ja̧'a̧ttö̧ ttö̧ja̧ ja̧u̧ 'cuäopäji topö 'chi̧nä̧tö̧do. Täcö Jesús ö̧jo̧mȩ tti̧'chi̧'o̧mȩnä̧, espíritus suropätö rättächäjäcuru topinätödo Jesús ä'ca jo̧mȩ ö̧'a̧'a̧, ö̧'ca̧tä̧huä̧ta̧ 'ca̧tä̧hua̧. Ja̧'hua̧ta̧nö̧ a̧di̧hua̧tä̧ pi̧nö̧do. Ja̧'hua̧nö̧ topö ye'ecuinätödo.