San Mateo 11:22 - TÄ̧DO Ä̧CUÄ̧ I̧HUȨNȨ

²² Ja̧'hua̧ ja̧'a̧ ucuturu pä'ösä, Dios ttö̧ja̧rö̧ pojocuä mo̧ro̧ päi'omenä, ucutumä Tiro ötahuiyä ttö̧ja̧ttö̧'i̧nä̧, Sidón ötahuiyä ttö̧ja̧ttö̧'i̧nä̧ abonänö rö̧ȩnä̧ suronä 'cuäopäcua'a ucuturu.

Nuevo Testamento Uwotjüja

²² Ja̧'wa̧nü̧ ja̧'a̧ttü̧ ukuturu pä'üsä, pojokuä mo̧ro̧ päi'omȩnä̧ ukuturumä̧ Tiro ttü̧ja̧ttü̧'i̧nä̧, Sidón ttü̧ja̧ttü̧'i̧nä̧ abonä̧nü̧ usurä kuȩmä̧wä̧tu̧ku̧nä̧ ro̧ȩkuä̧ kkä̧kuä̧u̧jä̧.

San Mateo 11:22 Referans Kwoze

San Mateo 11:24

Ja̧'hua̧ ja̧'a̧ ucuturu pä'ösä, Dios ttö̧ja̧rö̧ pojocuä mo̧ro̧ päi'omenä, Sodoma ötahuiyättö'inä abonänö rö̧ȩnä̧ suronä 'cuäopäcua'a ucuturu, —pä'inödo Jesús.

San Mateo 10:15

Iso päi'önä pä'ösä ucuturu, yodoji Dios ttö̧ja̧rö̧ pojocuä mo̧ro̧ päi'omenä, Sodoma ötahuiyä ttö̧ja̧ttö̧'i̧nä̧, Gomorra ötahuiyä ttö̧ja̧ttö̧'i̧nä̧ abonänö rö̧ȩnä̧ suronä 'cuäopäcua'a juhua'a ötahuiyä ttö̧ja̧rö̧, —pä'ö hue'inödo Jesús.

1 Juan 4:17

Diosttö repeähuä jo̧mȩ päi'önä rö̧ä̧cha̧'a̧ ujuturu, Dios ttö̧ja̧rö̧ pojocuä mo̧ro̧ päi'omenä, yecuäcuähuä juiyönä tesehua pä'ö, pi̧jä̧nä̧ tö̧ja̧'a̧ttö̧ Jesucristo ö̧jö̧ ta'anö.

San Mateo 12:36

Ucuturu pä'ösä, yodojimä Dios ttö̧ja̧rö̧ pojocuä mo̧ro̧ päi'omenä, o'ca toi'önä tti̧huȩnȩmä̧ ja̧'a̧tä̧ ttucuocuinö huȩnȩ amöcuädö jittähuäcuotö Dios ä'ca jo̧mȩttö̧.

San Lucas 10:14

Ja̧'hua̧nö̧ ja̧'a̧nä̧ Dios ttö̧ja̧rö̧ pojocuä mo̧ro̧ päi'omenä, ucutumä Tiro ötahuiyä ttö̧ja̧ttö̧'i̧nä̧, Sidón ötahuiyä ttö̧ja̧ttö̧'i̧nä̧ abonänö rö̧ȩnä̧ suronä 'cuäopäcua'a ucuturu.

2 Pedro 3:7

Ja̧'hua̧nö̧ ja̧'a̧nä̧ jitä ka̧cu̧mä̧, mo̧ro̧jä̧'i̧nä̧, pi̧jä̧'i̧nä̧ Diosrö pä̧huä̧ rö̧jo̧mȩnä̧ hua'adö ku̧ni̧nö̧do, churutä pä̧huä̧ rö̧jo̧mȩnä̧ ku icua pä'ö. Dios ttö̧ja̧rö̧ pojocuä mo̧ro̧, suronä jȩpä̧tö̧rö̧ to'ädö icu mo̧ro̧, jahuätö cuo'ö tticuäcuotödo ja̧u̧ ocuränä.

2 Pedro 2:9

Diosrö adiunä esetätörö, suronä 'cuäopa'anä, Tu̧ru̧hua̧ ppä'ädö jahuätörö. Ja̧'hua̧ta̧nö̧ suronä jȩpä̧tö̧rö̧ hua'adö ku̧nu̧ ö̧tä̧bo̧ta̧ pä'ö Dios ttö̧ja̧rö̧ pojocuä mo̧ro̧ päi'omenä.

Hebreos 2:3

Ttö̧ja̧ suronä jȩttö̧ jȩpö̧ icu huȩnȩ, adihuä huȩnȩ töarodöttömä, ¿tta̧'a̧nö̧ jȩpö̧ tö̧ja̧cui̧'ä̧tu̧cuä̧cua̧'a̧jä̧ttö̧? Ja̧u̧tä̧ Tu̧ru̧hua̧, pi̧yȩ ttö̧ja̧ suronä jȩttö̧ jȩpö̧ icu huȩnȩtä̧ äcuomenä ji'ähuinödo. Ä̧ju̧cui̧nä̧tö̧mä̧, Tu̧ru̧hua̧ päinö ta'anö 'cuäopa'a topö, ji'ähuinätö ujuturu ja̧u̧ huȩnȩ.

San Mateo 11:21

—Ucuturu suronä 'cuäopäcua'a, Corazín ötahuiyä ttö̧ja̧. Ucuturu suronä 'cuäopäcua'a, Betsaida ötahuiyä ttö̧ja̧. Iso päi'önä Tiro ötahuiyänä'inä, Sidón ötahuiyänä'inä ucutu ta'anö, rö̧ȩnä̧ ttö̧ja̧ ttieru juäi tottinöttömä, motä päi'önä pärocuäcutä amöcuädö, ttö̧'ca̧tä̧huä̧ti̧yu̧ ocurä i̧sa̧ppȩnä̧ jȩä̧cuä̧huä̧ta̧nä̧ 'ca̧tä̧hui̧'ö̧ i̧jȩcui̧na̧ja̧tö̧.

Apocalipsis 20:11

Ja̧'hua̧ ja̧'a̧ttö̧ adihuä i̧dȩä̧cä̧ tȩä̧cä̧ topinösä. Ja̧'hua̧ta̧nö̧ ju̧huä̧cä̧nä̧ ya̧tȩ pi̧nö̧. Ju̧huȩnȩ dȩä̧cä̧nä̧ pö̧ ä'ca jo̧mȩttö̧ pi̧jä̧'i̧nä̧, mo̧ro̧jä̧'i̧nä̧ juiyönä toei'ina'a. Ttö̧jo̧mȩ yoröiso juiyina'a.

Apocalipsis 20:12

Ja̧'hua̧ta̧nö̧ 'corupä'i'inätörö, tä̧mö̧'i̧nä̧, ppo̧'ä̧tö̧'i̧nä̧ Dios ä'ca jo̧mȩ ttö̧ja̧'a̧ topinösä. Cuyäru bahuecuächina'a. Koro cuyäru'inä kä̧cuä̧huä̧ i'co cuyäru'tä bahuecuächina'a. 'Corupä'i'inätörö pä'äji jȩtti̧nö̧ cuyäru'tänä huȩyu̧cua̧'a̧ topö ro̧ȩpi̧nä̧u̧.