San Mateo 11:11 - TÄ̧DO Ä̧CUÄ̧ I̧HUȨNȨ

¹¹ Iso päi'önä pä'ösä ucuturu, Juan el Bautistattö'inä abonänö adihuä i̧sa̧mä̧ yoröiso ko̧cö̧ pi̧nö̧do pi̧jä̧nä̧mä̧. Ja̧'hua̧nö̧ ja̧'a̧nä̧ ya̧tȩ pi̧jä̧ttö̧ usurä i̧sa̧mä̧, Dios Ttu̧ru̧hua̧ päi'önä ö̧jo̧mȩttö̧ kö̧mä̧, Juan el Bautistattö'inä abonänö adihuä i̧sa̧do.

Nuevo Testamento Uwotjüja

¹¹ Isopäi'ünä̧ pädäu̧jä̧: O'katoi'ünä̧ nä̧tü̧ttü̧ uwäpächinä̧tü̧mä̧, bautizo jȩä̧kuä̧wä̧ i̧sa̧ Ju̧a̧ u̧wä̧mȩnä̧ wa̧mä̧ toa'a; ja̧'wa̧nü̧ ja̧'a̧nä̧ mo̧ro̧jä̧ jäwä weomȩttü̧ a̧'u̧kua̧mä̧ jua̧u̧ttü̧'i̧nä̧ u̧wä̧mȩnä̧ wa̧ jä̧kua̧.

San Mateo 11:11 Referans Kwoze

San Lucas 7:28

Ucuturu pä'ösä, Dios i̧huȩnȩ jiäcuähuä i̧sa̧ Juan el Bautistattö'inä abonänö adihuä i̧sa̧mä̧ yoröiso ko̧cö̧ pi̧nö̧do pi̧jä̧nä̧mä̧. Ja̧'hua̧nö̧ ja̧'a̧nä̧ ya̧tȩ pi̧jä̧ttö̧ usurä i̧sa̧mä̧, Dios Ttu̧ru̧hua̧ päi'önä ö̧jo̧mȩttö̧ kö̧mä̧, Juan el Bautistattö'inä abonänö adihuä i̧sa̧do.

Efesios 3:8

Ttömä o'ca toi'önä Dios i̧tti̧mö̧ttö̧'i̧nä̧ abonänö usurä i̧sa̧sä̧. Ja̧'hua̧nö̧ ja̧'a̧nä̧ Dios ttörö repea'attö, Cristonä adihuä juäi ka̧cu̧ huȩnȩ jidähua pä'ö hueinäcusä judíos huocotörö.

San Juan 1:15

Juan, ja̧u̧ru̧ adiunätä ucuocu, pä'inödo: —Ttö cho'ca'anä ichömä, ttöttö'inä abonänö adihuä i̧sa̧do. Ja̧u̧tä̧ ttöttö'inä ä'canä ki̧nö̧do. Ja̧'hua̧nö̧ jidähuomenä, piderötä ji'ähuinösä, —pä'inödo Juan.

San Mateo 5:19

Ja̧'hua̧nö̧ ja̧'a̧ttö̧ ya̧tȩ ja̧u̧ hueähuä huȩnȩ ji̧'qui̧cha̧nö̧'i̧nä̧ päö'a̧nö̧ jȩpo̧cö̧mä̧, korotö'inä ja̧'hua̧ta̧nö̧ jȩttö̧ juiya pä'ö huo̧juȩtö̧mä̧, Diosrö esetätöttömä o'ca toi'önä ja̧u̧ttu̧'i̧nä̧ abonänö adihuä isotö ttäcuotö. Ja̧'hua̧ta̧nö̧ ja̧u̧ huȩnȩ o'ca juiyönä jȩpö̧mä̧, korotö'inä ja̧'hua̧ta̧nö̧ jȩtta̧ pä'ö huo̧juȩtö̧mä̧, ji̧nä̧ isocu adiunä ö̧jä̧cua̧ Diosrö esetätöcu.

San Mateo 3:11

Ttömä, iso päi'önä ajiyanätä bautizando jȩpö̧sä̧ korotö totta pä'ö pärocuäcutä cuamöcuädätucua'a. Juhuorö'inä ttö cho'ca'anä ichömä ucuturu bautizando jȩä̧cua̧ Espíritu Santocu, ocuräcu. Ja̧u̧ ttöttö'inä abonänö ju̧ru̧hua̧. Ttömä yoröiso adihuä i̧sa̧cö̧sä̧. Ja̧'hua̧ta̧nö̧ ö̧jä̧pö̧ isäya'inä ko̧'ä̧dö̧ chicu juiyö'a̧nö̧ ja̧'a̧.

San Lucas 9:48

Ja̧'hua̧nö̧ ja̧'a̧ päinä̧u̧do: —Ya̧tȩ pide ji̧'qui̧cha̧hua̧ ta'anö huotörö ttö chi̧mi̧nä̧ adiu eseunu ppä'ädö, ttörö'inä ppä'ädö. Ja̧'hua̧ta̧nö̧ ttörö ppä'ädömä, ttörö hue'inörö'inä ppä'ädö. Ucutu cu̧'quȩtȩtu̧cu̧ttu̧ yoröiso usurä i̧sa̧mä̧, ja̧u̧tä̧ yabonänö ucuo i̧sa̧ jä̧cua̧.

1 Pedro 1:10

Täbocö Dios i̧huȩnȩ jiäcuähuä isotömä jä'epö ä̧ju̧cu̧ ucuocuinätödo pi̧yȩ huȩnȩ, suronä jȩttö̧ jȩpö̧ icu huȩnȩ. Ja̧'hua̧ta̧nö̧ Dios ucuturu repe'ö iyä̧cuȩ huȩnȩ'i̧nä̧ ucuocuinätödo.

Hebreos 11:40

Dios korotä adihuä juäi amöcuädinödo. Ujuturu'inä amöcuädinödo. Ujutu'inä, jahuätö'inä ji̧nä̧ yo̧mȩtȩnä̧ adiunätä aditö icua pä'inödo.

1 Corintios 15:9

Ttömä korotö Jesús hue'ähuotöttö'inä abonänö usurä i̧sa̧sä̧. Ttörömä Jesús huȩ'ä̧hua̧ pättö juiyö'a̧nö̧ ja̧'a̧, Diosrö esetätörö suronä jȩchi̧na̧'a̧ttö̧.

1 Corintios 6:4

Ja̧'hua̧ ja̧'a̧ ucutumä cuahuaruhuärö cu̧ra̧huä̧rä̧tu̧cuo̧mȩnä̧, ¿dä̧bö̧ huecuhuätucuättö: “Ucu adiu jȩpö̧jä̧”, “Ucu suronä jȩpö̧jä̧” pätta pä'ö korotörö, iglesia ruhuärö yoröiso ppä'ädocotörö?

San Juan 10:41

Recuätö ttö̧ja̧ ja̧u̧ru̧ topö 'chi̧nä̧tö̧do. Pä'inätödo: —Iso päi'önä, Juan ttö̧ja̧ ttieru juäi jȩo̧ca̧'a̧nä̧, piderö o'ca juiyönä päinömä iso päi'önä pä'inö, —pä'inätödo.

San Juan 3:30

Ja̧u̧mä̧ 'cuäopönä ttöttö'inä abonänö adihuä i̧sa̧ pä̧i̧'ä̧cua̧. Ttö'inä ja̧u̧ttu̧'i̧nä̧ abonänö usurä i̧sa̧ pä̧di̧'ä̧cua̧sä̧, —pä'inödo Juan.

San Juan 5:35

Juan koro lámpara adiu cuo'ö tȩa̧hua̧'a̧ jä̧'i̧nö̧'a̧nö̧ ki̧nö̧do. Ucutumä ja̧u̧ tȩa̧u̧nä̧ beometä eseunu cu̧ja̧cuä̧tu̧cua̧ pä'inätöjä.

San Juan 1:27

Ja̧u̧mä̧ ttö 'cho'ca'anä ichömä, ttöttö'inä abonänö ju̧ru̧hua̧. Ttömä ö̧jä̧pö̧ isäya'inä ko̧'ä̧dö̧ chicu juiyö'a̧nö̧ ja̧'a̧, —pä'inödo.

San Juan 7:39

Jesús ja̧'hua̧nö̧ päomenä, ja̧u̧ru̧ esetätö Espíritu Santorö ttȩmä̧cuo̧tö̧ pä'ö pä'inödo. Ja̧u̧nu̧ pä̧nä̧ Espíritu Santo ji̧nä̧ ichoca'a ji̧na̧'a̧do, Jesús ji̧nä̧ ttoächoca'attö ttucuotarö pä'ö.

Efesios 2:3

Ujutu'inä o'ca toi'önä ja̧'hua̧nö̧ ka̧cui̧nä̧tö̧jä̧ pä'äjimä. Ujutu tamönä pä̧huä̧ rö̧jö̧nä̧'i̧nä̧, tamönä tamöcuädäu'inä, tamönä tu̧huo̧ju̧nä̧ jȩä̧cuä̧huä̧'i̧nä̧ ja̧'a̧tä̧ jȩpi̧nä̧tö̧jä̧. Ja̧'hua̧nö̧ ja̧'a̧ttö̧ Dios ujuturu'inä ro̧ȩpö̧ttö̧mä̧ adihua'a, korotörö ro̧ȩpö̧ ta'anö.

2 Timoteo 1:10

Ja̧'hua̧nö̧ ja̧'a̧nä̧ Tu̧ru̧hua̧ Jesucristo ichomenä, Dios ucuturu repeömä i̧jȩpi̧nö̧. Chutä Jesucristo hua'are ujuru be'epö icuinö. Ttö̧ja̧ suronä jȩttö̧ jȩpö̧ icu huȩnȩ i'cächö, kä̧cuä̧huä̧ i'co beipocömä i̧jȩpi̧nö̧.

San Lucas 1:15

Ucu cui̧tti̧ Dios ä'ca jo̧mȩttö̧mä̧ ucuo i̧sa̧ jä̧cua̧. Ahuocö jä̧cua̧ vino isoya'inä, ni̧yö̧ ajiya'inä. Uhuäpächäcua'a ä'canätä Espíritu Santottö suhuädi'önä jä̧cua̧.

San Mateo 3:1

Ja̧u̧nu̧ pä̧nä̧ Juan el Bautista ji'äu ichinödo Judea de'ara̧'a̧.

San Mateo 11:10

Huȩyu̧cuä̧ Huȩnȩ pa̧'a̧nö̧ päa'a Juanrö: Ttö chi̧huȩnȩ ji'äuru cuä'canä hue'ösä. Ja̧u̧tä̧ a̧di̧tä̧cua̧ cu̧mä̧nä̧, päa'a.

San Mateo 11:12

“Juan el Bautista ichinö o'ca'a jitä mo̧ro̧ päi'önä recuätömä jitötä ttamöcuädönä dottächa pä'ätödo Dios ö̧jo̧mȩ.