San Mateo 11:1 - TÄ̧DO Ä̧CUÄ̧ I̧HUȨNȨ

¹ Jesús u̧huo̧juȩtä̧u̧ru̧ ja̧'hua̧nö̧ ji'äu cädomenä, juhua'attö rä'opö ötahuiyänä tö'cönänö huȩjö̧ huo̧juȩtö̧ 'chi̧nö̧do.

Nuevo Testamento Uwotjüja

¹ Jesú-mä̧ u̧wo̧juȩtä̧u̧ doce-nü̧ wotürü jȩttä̧kuȩ wo̧juȩtü̧ kä'ädi'ü, juorü rä'opächü juätü ttidepiyura̧'a̧ ji'äu kkä̧nü̧, wo̧juȩtü̧ 'chi̧nü̧.

San Mateo 11:1 Referans Kwoze

San Lucas 8:1

Ja̧u̧nu̧ o'ca'a Jesús cue'ächinödo rö̧ȩnä̧ ötahuiyänä'inä, ppo̧ö̧ ötahuiyänä'inä, Dios Ru̧hua̧ päi'önä ö̧jä̧cuȩ huȩnȩ ji'äu kä̧nö̧. Ja̧'hua̧ta̧nö̧ ttö̧jä̧pö̧ttö̧nö̧ ta̧ju̧nu̧ hue'ähuotö ja̧u̧cu̧ cue'ächinätödo.

San Mateo 9:35

Jesús o'ca juiyönä ötahuiyänä cue'ächö huo̧juȩti̧nö̧do judíos ttu̧huo̧jui̧'i̧nodehuiyänä. Dios Ru̧hua̧ päi'önä ö̧jä̧cuȩ huȩnȩ ji'ähuinödo. O'ca juiyönä märichei'inä, ubara'inä aditö icuinödo.

2 Tesalonicenses 3:10

Ujutu ucutucu tö̧ja̧cui̧nö̧, pa̧'a̧nö̧ hue'inätöjä: Ya̧tȩ aditocömä, u̧cuȩ'i̧nä̧ cuocö.

2 Tesalonicenses 3:6

Tö̧jä̧hua̧tö̧, Tu̧ru̧hua̧ Jesucristo i̧mi̧nä̧ hue'ätöjä ucuturu. Ya̧tȩ adita pä'ocörö'inä, ucuturu tu̧huo̧juȩti̧nö̧ jȩpo̧cö̧rö̧'i̧nä̧ 'quȩ'i̧pä̧chä̧tu̧cui̧.

1 Tesalonicenses 4:2

Tu̧ru̧hua̧ Jesús ujurunä tu̧huo̧juȩti̧nö̧mä̧ huo̧juä̧tö̧jä̧ ucutumä.

Hechos 10:42

Chutä Jesús ujuturu hue'inö ttö̧ja̧rö̧ jitähua pä'ö ja̧u̧ ttoächinö huȩnȩ. Ja̧'hua̧ta̧nö̧ hue'inö jitähua pä'ö: Diosmä Jesúsru pätetö hue'inö a̧dȩcuä̧tö̧rö̧'i̧nä̧, 'corupä'i'inätörö'inä tä̧bo̧cuä̧ ru̧hua̧ päi'önä ö̧ja̧ pä'ö.

San Juan 15:14

Ucuturu o'ca juiyönä huedömä jȩcu̧'ä̧tu̧cu̧ttu̧mä̧, ttö chahuaruhuäjä.

San Juan 15:10

Chä'o hueömä jȩcha̧'a̧ttö̧ ttörö repeö'a̧nö̧, ttö huedömä jȩcu̧'ä̧tu̧cu̧ttu̧mä̧, ucuturu rȩpȩdä̧cua̧sä̧.

San Mateo 28:20

Ucuturu o'ca juiyönä chu̧huo̧juȩti̧nö̧, jȩtta̧ pä'ö huo̧juȩtä̧jä̧tu̧cui̧. Ja̧'hua̧ta̧nö̧ cu̧huo̧juä̧tu̧cua̧ pä'ö pä'ösä, ucutucu mo̧ro̧ji̧nö̧ a̧'u̧cuä̧ chö̧jä̧cua̧sä̧ pi̧jä̧ beipächome jubö päi'önä, —pä'inödo Jesús. Amén.

San Mateo 7:28

Jesús ja̧'hua̧nö̧ huo̧juȩtö̧ cädomenä, ä̧ju̧cui̧nä̧tö̧mä̧ to̧pä̧rö̧ ka̧cui̧nä̧tö̧do u̧huo̧juȩtä̧ji̧mä̧ amöcuädö.

San Mateo 4:23

Jesús Galilea rȩjȩnä̧ pa̧ja̧cu̧nä̧ huo̧juȩtö̧ cue'ächinödo, o'ca juiyönä judíos ttu̧huo̧jui̧'i̧nodehuiyänä koromecu, koromecu'inä. Adihuä huȩnȩ, Dios Ru̧hua̧ päi'önä ö̧jä̧cuȩ huȩnȩ, ji'ähuinödo. Ja̧'hua̧ta̧nö̧ o'ca toi'önä na̧'ä̧chä̧tö̧rö̧mä̧ aditö icuinödo.

1 Timoteo 6:14

Ttö huedömä o'ca juiyönä jȩpi̧, koro huȩnȩ jȩcu̧'o̧ca̧'a̧. Tu̧ru̧hua̧ Jesucristo ichome jubö päi'önä adiu jȩpö̧ kä̧hui̧, suronä ttucuocua'acu.

San Marcos 6:12

Ja̧'hua̧ ja̧'a̧ttö̧ jahuätö rä'opächö 'chi̧nä̧tö̧do. Ttö̧ja̧mä̧ pärocuäcutä ttamöcuädö'a̧nö̧ ja̧'a̧ pä'ö ji'äu cue'ächinätödo.

San Lucas 23:5

Ja̧'hua̧nö̧ päomenä, jahuätö ji̧nä̧ isocu huopönänö pä'inätödo: —Chutä u̧huo̧juȩto̧mȩnä̧, o'ca toi'önä ttö̧ja̧ Judea rȩjȩnä̧ ka̧cuä̧tö̧rö̧ yapareu ji'äu. Äcuomenä Galilea rȩjȩnä̧ ji'ähuinödo. Jitä potä päi'önä juoächa'a.