San Mateo 10:41 - TÄ̧DO Ä̧CUÄ̧ I̧HUȨNȨ

⁴¹ Ja̧'hua̧ta̧nö̧ ya̧tȩ Dios i̧huȩnȩ jiäcuähuä i̧sa̧rö̧, Dios i̧huȩnȩ ä̧ju̧cu̧, eseunu ppädöttömä, ja̧u̧mä̧ Dios i̧huȩnȩ jiäcuähuä i̧sa̧ ȩmö̧'a̧nö̧ ȩmä̧cua̧ adihuä juäi. Ya̧tȩ adihuä i̧sa̧rö̧, adihuä juäi jȩo̧mȩnä̧ topö, adiu ppädöttömä, ja̧u̧ adihuä i̧sa̧ ȩmö̧'a̧nö̧ ȩmä̧cua̧ adihuä juäi.

Nuevo Testamento Uwotjüja

⁴¹ Dio-mä̧ premio pättü i̧yä̧kua̧, ojusodenä̧ ya̧tȩ profeta-rü do'ädürümä̧, jua'amä̧ profeta-mä̧ Dio i̧wȩnȩ jiäwa'attü̧, jua̧u̧ru̧ premio iyümä̧ profeta-rü iyüta'anü̧tä̧ jä̧kua̧'a̧. Jua̧'a̧nü̧tä̧, i̧yä̧kua̧ Dio-mä̧ premio-mä̧, Dio-rü esetürü do'ädürümä̧. Jua̧u̧ premio-mä̧ Churutä ukuotätürü iyü'anü̧tä̧ jä̧kua̧'a̧.

San Mateo 10:41 Referans Kwoze

Hebreos 6:10

Diosmä amönä pä'ocö. Yoröiso unichi'ocö ucutu cuaditinätucu. Cuahuaruhuärö, Diosrö esetätörö, repe'ö ppäcuhuädinätucu'inä unichi'ocö. Jitä'inä ja̧u̧tä̧ juäi jȩpä̧tö̧jä̧.

2 Juan 1:8

Ttu̧ȩcuä̧nä̧ ka̧cuä̧tu̧cui̧, cuaditinö micuä toei'ö juiya pä'ö, cuaditähuä ji̧nö̧ o'ca juiyönä cuȩmä̧tu̧cuä̧cua̧'a̧nö̧.

1 Corintios 9:17

Iso päi'önä ttörötä pä̧huä̧ rö̧jo̧mȩnä̧ jidäuttumä, adiu chȩmä̧cua̧'a̧nö̧ jidähuinö micuä. Juhuorö'inä pä̧huä̧ juiyönä jidäuttömä, Dios hueinäcusä pä'ö ji'äusä.

San Mateo 16:27

Ubo I̧tti̧mä̧ Jä'o esehua'attö, i̧chä̧cua̧ ángelescu o'ca toi'önä jȩtti̧nö̧ ji'äu. Adiu jȩpi̧nä̧tö̧rö̧'i̧nä̧ adiu pä̧cua̧. Suronä jȩpi̧nä̧tö̧rö̧'i̧nä̧ suronä pä̧cua̧.

Romanos 16:23

Gayo'inä ucuturu te'äu. Ttö ja̧u̧ ojusodenä kö̧sä̧. Ja̧u̧ ojusodettö o'ca toi'önä iglesia ruhuä ra̧'ä̧tö̧. Erasto'inä, ötahuiyättö pärätä tta̧'ä̧rö̧mä̧ ucuturu te'äu. Tö̧jä̧hua̧ Cuarto'inä te'äu ucuturu.

San Mateo 6:6

Ja̧'hua̧nö̧ ja̧'a̧ttö̧ ucutu cucuocuätucuomenä, cuojusodenä do'ächö äpate mö̧'ȩpä̧tu̧cui̧. Cuä'o Diosrötä ucutucu kö̧rö̧ ucuocuätucui. Ja̧'hua̧nö̧ ja̧'a̧ttö̧ Cuä'omä, o'ca juiyönä jȩcu̧'u̧ topömä, adihuä juäi i̧yä̧cua̧jä̧.

Hechos 16:15

Jahuäjuru'inä, kojusodenä ka̧cuä̧tö̧rö̧'i̧nä̧ bautizando jȩpi̧nä̧tö̧jä̧. Jahuäju pä'inäju: —Tu̧ru̧hua̧rö̧ adiu chesetäja'a cuamöcuädätucuttumä, chojusodenä cuä'ecuätucua ichätucui. Ja̧'hua̧nö̧ ja̧'a̧ rö̧ȩnä̧ ucuocuinäju, juhuodenä tä'ecua pä'ö.

San Mateo 6:4

Ja̧'hua̧nö̧ jȩcu̧'u̧ttu̧mä̧, Cuä'omä o'ca juiyönä jȩcu̧'u̧ topömä, adihuä juäi i̧yä̧cua̧jä̧.

San Mateo 6:1

Jesús pa̧'a̧nö̧ huo̧juȩti̧nö̧do: —Ja̧'a̧tä̧mä̧ “Diosrö esetösä” päcuhuätucuä' ttö̧ja̧ adiu ttamöcuäda pä'ö ucuturu topö. Ja̧'hua̧nö̧ jȩcu̧'ä̧tu̧cu̧ttu̧mä̧, Cuä'o mo̧ro̧jä̧ra̧'a̧ kö̧mä̧ yoröiso adihuä juäi iyocö ucuturu.

San Mateo 7:8

Ya̧tȩ jäepöttömä, ȩmä̧cua̧. Ja̧'hua̧ta̧nö̧ ya̧tȩ usuttumä, ö̧'o̧cui̧'ä̧cua̧. Ja̧'hua̧ta̧nö̧ ya̧tȩ äpate ä'ca 'ta'taöttömä, äpate bahuecuächäcua'a.

San Mateo 25:44

Ja̧'hua̧ ja̧'a̧ jahuätö pättäcuotö: “Tu̧ru̧hua̧, cucua ppäi rö̧jo̧mȩnä̧'i̧nä̧, cuahua a̧di̧ rö̧jo̧mȩnä̧'i̧nä̧, ¿ti̧yȩnö̧ totina'ajä̧ttö̧? Kara'attö ichäcuähuotö ta'anö cuecuhuächomenä, tojusodenä cu̧ja̧ pä'ö, ¿ti̧yȩnö̧ huetoca'a ji̧na̧'a̧jä̧ttö̧? Na̧cu̧huä̧cho̧mȩnä̧'i̧nä̧, cärenä cu̧'a̧'a̧'i̧nä̧, ¿ti̧yȩnö̧ ppä'ädö ti̧'cho̧ca̧'a̧ ji̧na̧'a̧jä̧ttö̧?” pättäcuotö.

San Mateo 25:45

Ja̧'hua̧nö̧ pättomenä, Ru̧hua̧mä̧ ä̧dä̧tä̧cua̧: “Iso päi'önä pä'ösä ucuturu, ttörö esetörö, usurä i̧sa̧rö̧'i̧nä̧ ttörö esetörö, ppäcuhuädätucuoca'anä, ttörötä ppä'ädocotö pi̧nä̧tö̧jä̧”, pä̧cua̧ Ru̧hua̧mä̧.