San Mateo 10:14 - TÄ̧DO Ä̧CUÄ̧ I̧HUȨNȨ

¹⁴ Ja̧'hua̧ta̧nö̧ ichi'ö eseunu jȩtto̧ca̧'a̧ jö̧ttö̧mä̧, ttä̧ju̧cuo̧ca̧'a̧ jö̧ttö̧mä̧, juhua'attö rä'ächätucui. Cu̧jä̧pö̧ isäyatucunä rȩjȩ i̧sa̧ppȩtä̧ te'ächö icuätucui.

Nuevo Testamento Uwotjüja

¹⁴ Ja̧'wa̧nü̧ ja̧'a̧nä̧, kui̧wȩnȩtu̧ku̧ ttä̧ju̧kua̧ pä'ü jui'ü dottädü juiyüttümä̧; isodettü ja̧ pä'ü'i̧nä̧ ütawiyättü ja̧ pä'ü'i̧nä̧ juorü rä'opächümä̧ ku̧jä̧pü̧tu̧ku̧ redä'ka i̧sa̧ppȩmä̧ ppüsäu kuikuätukuajä̧.

San Mateo 10:14 Referans Kwoze

Hechos 18:6

Ja̧'hua̧nö̧ päomenä, jahuätö judíos ttö̧ja̧ kö'cocotö pi̧nä̧tö̧do. Ja̧'hua̧nö̧ ja̧'a̧ttö̧ suronä ucuocuinätödo. Pablo ö̧'ca̧tä̧huä̧ta̧ yȩ'ȩcu̧ icu ädätinödo: —Ttömä “Jarodätucui” pä'ocösä. Ucututä cuhuarodätucua'attö tocu'e'äcuotöjä. Jitämä judíos huocotörö ji̧dä̧huä̧cua̧sä̧.

Hechos 13:51

Pablocu, Bernabécu juhuorö rä'opächö, ttö̧jä̧pö̧ isäyanä i̧sa̧ppȩtä̧ te'ächö icuinätödo, pitömä ä̧ju̧cuo̧co̧tö̧ pättä'inö juäimä. Iconio ötahuiyära̧'a̧ 'chi̧nä̧tö̧do.

San Lucas 9:5

Ichi'ö eseunu jȩtto̧ca̧'a̧ jö̧ttö̧mä̧, ja̧u̧ ötahuiyättömä rä'ächätucui. Cu̧jä̧pö̧ isäyatucunä rȩjȩ i̧sa̧ppȩtä̧ te'ächö icuätucui, ucuturumä ppä'ädocotöjä pättä'inö juäimä.

San Marcos 6:11

Ichi'ö ucuturu eseunu jȩtto̧ca̧'a̧ jö̧ttö̧mä̧, eseunu ttä̧ju̧cuo̧ca̧'a̧ jö̧ttö̧mä̧, ja̧u̧ ötahuiyättömä rä'ächätucui. Cu̧jä̧pö̧ isäyatucunä rȩjȩ i̧sa̧ppȩtä̧ te'ächö icuätucui, ucuturumä ppä'ädocotöjä pättä'inö juäimä. Iso päi'önä pä'ösä ucuturu, yodoji Dios ttö̧ja̧rö̧ pojocuä mo̧ro̧ päi'omenä, Sodoma ötahuiyä ttö̧ja̧ttö̧'i̧nä̧, Gomorra ötahuiyä ttöja̧ttö̧'i̧nä, abonänö rö̧ȩnä̧ suronä 'cuäopäcua'a juhua'a ötahuiyä ttö̧ja̧rö̧, —pä'ö hue'inödo Jesús.

1 Tesalonicenses 4:8

Ja̧'hua̧nö̧ ja̧'a̧ttö̧ pi̧yȩ huo̧juȩcuä̧ huȩnȩ esetocömä, pi̧jä̧ ttö̧ja̧rö̧ öjö'cö juiyönä jȩpo̧cö̧. Diosrötä, Espíritu Santorö iyinörötä, öjö'cö juiyönä jȩpö̧.

San Juan 13:20

Iso päi'önä pä'ösä ucuturu, ya̧tȩ ttö huȩdä̧cua̧rö̧ ppä'ädömä, ttörö'inä ppä'ädö. Ja̧'hua̧ta̧nö̧ ya̧tȩ ttörö adiu ppä'ädömä, ttörö hue'inörö'inä ppä'ädö, —pä'inödo Jesús.

San Marcos 9:37

—Ja̧'hua̧ta̧nö̧ ya̧tȩ pide ji̧'qui̧cha̧hua̧ ta'anö huotörö ttö chi̧mi̧nä̧ adiu eseunu ppä'ädö, ttörö'inä ppä'ädö. Ja̧'hua̧ta̧nö̧ ttörö ppä'ädömä, ttörötä ppä'ädocö. Ttörö'inä, ttörö hue'inörö'inä ppä'ädö, —pä'inödo Jesús.

San Mateo 18:5

Ja̧'hua̧ta̧nö̧ ya̧tȩ pide ji̧'qui̧cha̧hua̧ ta'anö huotörö ttö chi̧mi̧nä̧ adiu eseunu ppä'ädö, ttörö'inä ppä'ädö.

San Lucas 9:48

Ja̧'hua̧nö̧ ja̧'a̧ päinä̧u̧do: —Ya̧tȩ pide ji̧'qui̧cha̧hua̧ ta'anö huotörö ttö chi̧mi̧nä̧ adiu eseunu ppä'ädö, ttörö'inä ppä'ädö. Ja̧'hua̧ta̧nö̧ ttörö ppä'ädömä, ttörö hue'inörö'inä ppä'ädö. Ucutu cu̧'quȩtȩtu̧cu̧ttu̧ yoröiso usurä i̧sa̧mä̧, ja̧u̧tä̧ yabonänö ucuo i̧sa̧ jä̧cua̧.

San Mateo 10:13

Juhuode ruhuä adiu jȩttö̧ttö̧mä̧, adiu eseäcuäunu cu̧jä̧tu̧cua̧ja̧. Ja̧'hua̧ta̧nö̧ adiu jȩttö̧ juiyöttömä, adiu eseäcuäunu cu̧jä̧tu̧cuä̧'.