San Marcos 9:9 - TÄ̧DO Ä̧CUÄ̧ I̧HUȨNȨ

⁹ Ja̧u̧nu̧ o'ca'a inähuättö tti̧mȩjä̧huo̧mȩnä̧, Jesús jahuätörö pä'inödo: —Korotörö jicuhuähuätucuä' jitä tocu'äjätucumä Ubo I̧tti̧ 'corupä'i'ö'ca̧ ttoächome jubö päi'önä.

Nuevo Testamento Uwotjüja

⁹ Ja̧'wa̧nü̧ 'kuäopäji o'ka'a, mü̧ä̧'kattü tti̧mȩyȩwo̧mȩnä̧ Jesú-mä̧ tottäji ya̧tȩrü̧'i̧nä̧ jittäu juiyünä̧tä̧ ro̧ȩpi̧nä̧u̧, Chutä, Ubo I̧tti̧ ttoächomȩbü päi'ünä̧.

San Marcos 9:9 Referans Kwoze

San Marcos 5:43

Ja̧'hua̧nö̧ ja̧'a̧nä̧ Jesús pä̧i̧cu̧nä̧ ucuocu pä'inödo jahuätörö, korotörö yoröiso jittäu juiya pä'ö. Ja̧'hua̧ta̧nö̧ möäyaju kucua ttiya pä'ö hue'inödo.

San Mateo 12:40

Jonás böo po̧i̧ i̧sa̧ ö'cäbiyunä huäbodäcuä mo̧ro̧'i̧nä̧, huäbodäcuä yodo'inä ȩqui̧nö̧ ta'anö, Ubo I̧tti̧'i̧nä̧ pi̧jä̧ jacuä huäbodäcuä mo̧ro̧'i̧nä̧, huäbodäcuä yodo'inä ö̧jä̧cua̧.

San Lucas 24:46

Juhua'a yabonänö ji'ähuinödo: —Pa̧'a̧nö̧ huȩyu̧cua̧'a̧do, Cristo 'co̧ru̧pä̧i̧'ä̧cua̧. Ja̧'hua̧ta̧nö̧ huäbodäcuä mo̧ro̧ päi'omenä, hua'arettö tto̧ä̧chä̧cua̧.

San Mateo 27:63

Jahuätö pä'inätödo: —Tu̧ru̧hua̧, ja̧u̧ yapareu ttö̧ja̧ i̧sa̧ ji̧nä̧ a̧'cua̧rä̧i̧ jiähuinö amöcuädätöjä. Ja̧u̧ pä'inö, huäbodäcuä mo̧ro̧ o'come 'corupädi'omettö tto̧dä̧chä̧cua̧sä̧ pä'ö.

San Mateo 16:21

Ja̧u̧nu̧ o'ca'a, Jesús Jerusalén ötahuiyära̧'a̧ i̧'chä̧cua̧'a̧ ucuocuinödo u̧huo̧juȩtä̧u̧ru̧. —Judíos ttö̧ja̧ ancianos huotö'inä, sacerdotes ruhuotö'inä, hueähuä huȩnȩ huo̧juȩtä̧tö̧'i̧nä̧ rö̧ȩnä̧ ubara ttuda pä'ö jȩttä̧cuo̧tö̧. Ja̧'hua̧ta̧nö̧ ttörö cuä'ö tticu o'ca'a, huäbodäcuä mo̧ro̧ päi'omenä tto̧dä̧chä̧cua̧sä̧, —ji'ähuinödo u̧huo̧juȩtä̧u̧ru̧.

San Mateo 12:19

Rohuäumä, rohuähuocö. Huopömä, huopocö. Mä̧nä̧ttö̧ i̧huȩnȩmä̧ ä̧ju̧cuo̧co̧tö̧ ttäcuotö.

San Mateo 8:4

Ja̧'hua̧ ja̧'a̧ Jesús päinäcudo: —Topittö. Yoröiso jicuhuähuä' korotörö. Ya̧tȩrö̧tä̧ sacerdoterötä, i̧jȩcuä̧ji̧. Juhua'atä 'chä̧nö̧, Moisés hueinömä iyi, ttö̧ja̧ tottacu cuttahuiyä märichei juiya'a, —pä'inödo Jesús.

San Marcos 7:36

Jesús pä̧i̧cu̧nä̧ pä'inödo jahuätörö, korotörö jittäu juiya pä'ö. Ja̧'hua̧nö̧ pä̧u̧ ja̧'a̧ ji̧nä̧ isocu yabonö ji'ähuinätödo 'cuäopäjimä.

San Marcos 9:8

Yotäcu tottomenä, korotörö topocotö pi̧nä̧tö̧do. Jesúsrutä katä ö̧ja̧'a̧ topinätödo.

San Marcos 9:10

Ja̧'hua̧nö̧ ja̧'a̧ttö̧ ja̧u̧ huȩnȩ yoröiso ji'ähuocotö pi̧nä̧tö̧do. Ja̧'hua̧nö̧ ja̧'a̧nä̧ 'corupä'i'ö'cotö ttoächäcuähuä huȩnȩ amöcuädäcuähuä jerupinätödo.

San Lucas 9:36

Ja̧u̧ huȩnȩ ucuocuäji o'ca'a, Jesúsru topinätödo katä ö̧ja̧'a̧tä̧. Jahuätö 'corujuäinätä ka̧cui̧nä̧tö̧do. Yoröiso ya̧tȩrö̧'i̧nä̧ ji'ähuocotö pi̧nä̧tö̧do ja̧u̧nu̧ tottäjimä.