San Marcos 9:35 - TÄ̧DO Ä̧CUÄ̧ I̧HUȨNȨ

³⁵ Ja̧'hua̧ ja̧'a̧ttö̧ pä̧mä̧dö̧, u̧huo̧juȩtä̧u̧ ttö̧jä̧pö̧ttö̧nö̧ ta̧ju̧nu̧ru̧ huopinödo. Jahuätörö pä'inödo: —Ya̧tȩ ä'canä päi'a pä'ömä, röjinä pä̧i̧'ä̧cua̧. O'ca toi'önärö ppä̧da̧cua̧.

Nuevo Testamento Uwotjüja

³⁵ Ja̧'wa̧nü̧ jä̧ji̧ o'ka'a, Jesú-mä̧, pä̧mä̧dü̧ ttü̧jä̧pü̧ttü̧ ta̧ju̧nü̧ wotürü, wopo'ü pä'inü̧: —Ya̧tȩ, ukututtü ji̧nä̧so ukuo i̧sa̧ ja̧ päüttümä̧ o'katoi'ünä̧ttü̧ rüjinä̧ i̧sa̧ jä̧kua̧, o'katoi'ünä̧rü̧tä̧ ppädäkuäwä i̧sa̧ jä̧kua̧.

San Marcos 9:35 Referans Kwoze

San Lucas 22:26

Ja̧'hua̧nö̧ ja̧'a̧nä̧ ucutu ja̧'hua̧nö̧ jȩcu̧'ä̧tu̧cu̧ juiyö'a̧nö̧ ja̧'a̧. Pärocua'acu, ucututtu korotöttö'inä abonänö adihuä i̧sa̧mä̧, korotöttö'inä abonänö mö̧ä̧ya̧ ö̧jö̧'a̧nö̧ ö̧jä̧cua̧. Ja̧'hua̧ta̧nö̧ korotörö hue'ömä, ya̧tȩ huȩ'ä̧hua̧ ö̧jö̧'a̧nö̧ ö̧jä̧cua̧.

San Mateo 23:11

Ucututtu korotörö ppädäcuähuä i̧sa̧ ö̧jö̧ttö̧mä̧, ja̧u̧tä̧ korotöttö'inä abonänö adihuä i̧sa̧do.

Santiago 4:6

Ja̧'hua̧nö̧ ja̧'a̧ Dios rö̧ȩnä̧ ppä'ädö ujuturu. Huȩyu̧cuä̧ Huȩnȩ päa'a: Diosmä a'cuoyäunu jȩpä̧tö̧rö̧ kö'cocö. Usurä isotörötä eseunu ppä'ädö.

San Lucas 18:14

Ttö pä'ösä ucuturu, ja̧u̧ ru̧hua̧ öäre pärätä ȩmä̧'i̧jö̧tä̧ ojusodera̧'a̧ suronä jȩö̧ jȩpö̧ i̧cuä̧hua̧ ppa̧'ächi̧nö̧, fariseo i̧sa̧mä̧co̧. Ya̧tȩ ucuo i̧sa̧ ö̧ja̧ pä'ömä, ucuo i̧sa̧ ko̧cö̧. Ja̧'hua̧ta̧nö̧ ya̧tȩ ucuo i̧sa̧ ö̧ja̧ pä'ocömä, ucuo i̧sa̧ ö̧jä̧cua̧.

San Marcos 9:36

Ja̧'hua̧ ja̧'a̧ Jesús ya̧tȩ ji̧'qui̧cha̧hua̧rö̧ cä'epö rötinödo ttä'ca jo̧mȩ. Ja̧u̧ ji̧'qui̧cha̧hua̧rö̧ 'chu'ädö, päinä̧u̧do: