San Marcos 9:21 - TÄ̧DO Ä̧CUÄ̧ I̧HUȨNȨ

²¹ Ja̧u̧nu̧ o'ca'a Jesús jä'epinödo ja̧u̧ mö̧ä̧ya̧ jä'orö: —¿Tta̧'a̧nö̧ recuo 'cuäopa'attö ja̧'hua̧nö̧mä̧ cui̧tti̧rö̧? Mö̧ä̧ya̧ jä'o pä'inödo: —Ji̧'qui̧cha̧jä̧i̧ kä̧mä̧dö̧ na̧'ä̧chi̧nö̧.

Nuevo Testamento Uwotjüja

²¹ Jesú-mä̧ jua̧u̧ jä'orü jä'epü ä̧ju̧kui̧nü̧: —¿Pi̧yȩmä̧ ti̧yȩnü̧ kkä̧mä̧dü̧ ji̧nä̧rü̧ttü̧? päomȩnä̧, jä'omä̧, ädätinü̧: —Ji̧'chi̧cha̧wa̧ttü̧tä̧ päi'ünä̧ winü̧.

San Marcos 9:21 Referans Kwoze

Hechos 9:33

Juhua'attö po̧cui̧pi̧nö̧do ya̧tȩ Eneas pä'ö mi̧cua̧rö̧. Ko̧ro̧mö̧ttö̧nö̧ huäbodäcuä a̧'ȩ 'cuäoi'önä huä̧ri̧sa̧nä̧tä̧ ri̧nö̧do 'cuä̧'a̧ ja̧'a̧ttö̧.

Hechos 14:8

Listra ötahuiyära̧'a̧ttö̧ ya̧tȩ ö̧jä̧pi̧yä̧ su̧ro̧pa̧, uhuäpächina'atä päi'önä cueächoca'a pi̧nö̧do.

Hechos 4:22

Ttö̧ja̧ ta̧ju̧ a̧'ȩ abonänö huinödo, ttö̧ja̧ ttieru jȩpö̧ aditö tticuinäcumä.

Hechos 3:2

Ju̧huȩnȩtä̧ Diosrö ucuocuäcuähuodenä, ya̧tȩ uhuäpächina'atä päi'önä cue'ächocörö ȩpö̧ i'cächinätödo ahuaruhuä. Mo̧ro̧ji̧nö̧ a̧'u̧cuä̧ äpate Adihuate ä'ca ja̧u̧ru̧ rötinätödo, dodepätörö pärätä jäepa pä'ö mippoönä.

San Juan 9:1

Jesús korome 'cuäopomenä, ya̧tȩrö̧ topinödo, uhuäpächina'anätä ä̧to̧ca̧rö̧.

San Lucas 13:16

Ja̧'hua̧ta̧nö̧ paju, Abraham mi̧nä̧ isotö isajuru, dieciocho a̧'ȩnö̧ jo̧mȩnä̧ 'tu̧hua̧yu̧nu̧ kö̧jö̧nä̧ Satanás jȩi̧nä̧cua̧rö̧, ¿ttö̧ja̧ 'cuättächi'ö mo̧ro̧mä̧ aditö tticuococua pajaju tä̧ji̧?

San Lucas 8:43

Jahuätö ttö̧'quȩtȩnä̧ yajute ppö'ottö na̧'ä̧chä̧ju̧'i̧nä̧ ki̧nä̧ju̧do. Ttö̧jä̧pö̧ttö̧nö̧ todäre a̧'ȩ ppö'ottö usurä isaju juo'inäjudo. Jahuapö ruhuotörö mi̧tä̧rö̧, ku̧ju̧nä̧rö̧mä̧ o'ca juiyönä be'ecuäjipö icuinäjudo. Ja̧'hua̧nö̧ ja̧'a̧nä̧ ppättädococua pi̧nä̧ju̧do.

San Marcos 5:25

Jahuätö ttö̧'quȩtȩnä̧ yajute ppö'ottö na̧'ä̧chä̧ju̧'i̧nä̧ ki̧nä̧ju̧do. Ttö̧jä̧pö̧ttö̧nö̧ todäre a̧'ȩ ppö'ottö usurä isaju juo'inäjudo.

San Marcos 9:20

Ja̧'hua̧nö̧ päomenä, ja̧u̧ mö̧ä̧ya̧rö̧ i'cächinätödo. Espíritu su̧ro̧pa̧ Jesúsru tomenä, mö̧ä̧ya̧ na̧huä̧chi̧pö̧nä̧ jȩi̧nä̧cu̧do. Ja̧u̧ mö̧ä̧ya̧ rȩjȩ ma̧'ä̧mö̧ borepinödo. Änä tteyuhuoppa räopinäcudo.

San Marcos 9:22

Ja̧'hua̧ta̧nö̧ espíritu su̧ro̧pa̧ cuä'ö icuarö pä'ö ocuränä'inä, ajiyanä'inä 'cuäopönä ma̧ä̧mö̧nä̧ jȩä̧'i̧jä̧cu̧. Ja̧'hua̧nö̧ ja̧'a̧ttö̧ ucu aditö cuicu'a̧nö̧ jö̧ttö̧mä̧ ujuturu re rö̧jö̧nä̧ topö ppä'äditö.