Biblia Todo Logo
Bib sou entènèt

- Piblisite -




San Marcos 9:18 - TÄ̧DO Ä̧CUÄ̧ I̧HUȨNȨ

18 Korome i̧'cho̧mȩnä̧'i̧nä̧ espíritu su̧ro̧pa̧ ö̧jä̧mä̧dä̧rä̧'i̧jä̧cu̧. Rȩjȩ kiähui'önä jȩä̧'i̧jä̧cu̧. Na̧huä̧chi̧po̧mȩnä̧, änä tteyuhuoppa räopönä suronä jȩä̧'i̧jä̧cu̧. Acu ä̧chi̧ ä̧chi̧jö̧nä̧ jȩpä̧'i̧jö̧. Ja̧'hua̧nö̧ jȩo̧mȩnä̧ juiyupächi'ä'ijö. Täcö jä'epäjisä cu̧huo̧juȩtä̧u̧ru̧ espíritu su̧ro̧pa̧rö̧ rä'epö tticuiyattö pä'ö. Ja̧'hua̧nö̧ ja̧'a̧nä̧ hueyecuäjätö.

Gade chapit la Kopi

Nuevo Testamento Uwotjüja

18 Jua̧u̧ epíritu su̧ro̧pa̧ jȩo̧mȩnä̧mä̧ 'poächünä̧ jȩä̧'i̧jä̧ku̧, ä'i̧nä̧ tteyu'kuanü̧tä̧, aku norü juei'ünätä̧. Ku̧wo̧juȩtä̧u̧rü rä'epü ttikuiyattü pä'ü wedäja'anä̧, weyekuäjätü.

Gade chapit la Kopi




San Marcos 9:18
16 Referans Kwoze  

Iso päi'önä pä'ösä ucuturu, ya̧tȩ ji'caja möä'ca päomenä: “Pporächi'ö jacuoto ma̧'ä̧chi̧”, jarodäcuähuä juiyönä ami iso'quinä esetö, päji ta'anö 'cuäopäcua'a pä'ö esetö päöttömä, ji'caja pporächi'ö jacuoto ma̧ä̧chä̧cua̧'a̧.


Ja̧'hua̧nö̧ päomenä, espíritu su̧ro̧pa̧mä̧ huopinödo. Pä'äji ta'anö 'corupätti'a'a jä̧'i̧nö̧'a̧nö̧ na̧huä̧chi̧pö̧nä̧ jȩi̧nä̧cu̧do rä'opächö kä̧nö̧. Ju̧huȩnȩ ka̧cuä̧tö̧mä̧: —'Corupä'i'ö, —pä'inätödo.


Ja̧'hua̧nö̧ päomenä, ja̧u̧ mö̧ä̧ya̧rö̧ i'cächinätödo. Espíritu su̧ro̧pa̧ Jesúsru tomenä, mö̧ä̧ya̧ na̧huä̧chi̧pö̧nä̧ jȩi̧nä̧cu̧do. Ja̧u̧ mö̧ä̧ya̧ rȩjȩ ma̧'ä̧mö̧ borepinödo. Änä tteyuhuoppa räopinäcudo.


Cu̧huo̧juȩtä̧u̧ru̧ chi'cächomenä, yoröiso aditö icuocotö pä'äjätö.


Judíos ttö̧ja̧ Esteban jiähua'a ttä̧ju̧cuo̧mȩnä̧, ttacu yö̧'i̧pö̧ ra̧huä̧ri̧nä̧tö̧do.


Idäyä pä̧i̧cu̧nä̧ töepa'a jä̧'i̧nö̧'a̧nö̧ huotö. Idäyä itteyuppa räopö'a̧nö̧, jitötä suronä jȩttö̧mä̧ dä'ä juiyönä räopä̧u̧. Si̧ri̧'cö̧ ttu̧mä̧nä̧ttö̧ re'tehuächätö jä̧'i̧nö̧'a̧nö̧ huotö. 'Cuäopönä juiyo yo̧a̧'a̧ jacuä ttö̧ja̧cuä̧cuo̧tö̧.


Yajute isaju, cananea ttö̧ja̧ isaju, juhua'a ki̧nä̧ju̧do. Jahuäju Jesúsru ichi'ö huopinäjudo: —¡Chu̧ru̧hua̧, David I̧tti̧, ttörö re rö̧jö̧nä̧ topittö! Chittijumä espíritu su̧ro̧pa̧rö̧ ku̧nä̧rä̧ju̧. Rö̧ȩnä̧ ubara ttu'äju.


Ja̧'hua̧nö̧ ja̧'a̧nä̧ recuätömä judíos ttö̧ja̧ttö̧mä̧, Dios ö̧jo̧mȩcu̧ tti̧'chö̧'a̧nö̧ huotömä, yoröiso u̧mi̧cu̧ yo̧mȩcu̧ do'opö i̧cuä̧cuä̧u̧do. Juhua'attö, yo̧a̧'a̧ jacuättö, rö̧ȩnä̧ ubara ttu'u ajuäunu ttacu ä̧chi̧jö̧nä̧ jȩttä̧cuo̧tö̧.


Ja̧'hua̧nö̧ ja̧'a̧ ya̧tȩ ubo ttö̧ja̧ ttö̧'quȩtȩttö̧ ädätinödo: —Huo̧juȩcuä̧ I̧sa̧, pȩnȩ i'cächäjisä chi̧tti̧rö̧, espíritu su̧ro̧pa̧rö̧ ku̧nä̧rö̧rö̧, i̧huȩnȩ juiyönä jȩi̧nä̧cu̧ru̧.


Jesús ädätinödo: —¡Ucutu ttö̧ja̧ yoröiso esetocotöjä! ¿Tta̧'a̧nö̧ recuo chö̧jä̧cua̧'a̧jä̧ttö̧ ucutucu? ¿Tta̧'a̧nö̧ recuo chami 'quidächi'äcua'ajä̧ttö̧ ucuturu? Ja̧u̧ mö̧ä̧ya̧rö̧ i'cächätucui pocu.


Swiv nou:

Piblisite


Piblisite