San Marcos 8:34 - TÄ̧DO Ä̧CUÄ̧ I̧HUȨNȨ

³⁴ Ja̧'hua̧ ja̧'a̧ttö̧ u̧huo̧juȩtä̧u̧ru̧'i̧nä̧ ttö̧ja̧rö̧'i̧nä̧ huopö, pä'inödo Jesús: —Ya̧tȩ ttöcu cueächa pä'ömä, chutä amöcuädö jaropi'ö, ttö huedömä jȩpö̧ ja̧u̧ru̧ cuä'ö tticuttu'inä, ttöcu cuȩä̧chä̧cua̧.

Nuevo Testamento Uwotjüja

³⁴ Jua̧u̧nü̧ o'ka'a Jesú-mä̧, u̧wo̧juȩtä̧u̧rü'i̧nä̧, ttü̧ja̧rü̧'i̧nä̧ wopo'ü, pä'inü̧: —Ya̧tȩ cho'ka'anä̧ icha päüttümä̧, kua̧mü̧nä̧ jäwämä̧ unichi'i, mo̧ro̧ ji̧nü̧ a̧'u̧kuä̧ ü̧jo̧kä̧jäi ȩmi̧pü̧ täi ja̧'wa̧nü̧ jȩpü̧ cho'ka'anä̧ ichi.

San Marcos 8:34 Referans Kwoze

San Mateo 10:38

Ya̧tȩ o'ca juiyönä jaroi'a pä'ocömä ttöcu cueächa pä'ö, ttö chi̧tti̧ päi'a pä'ö adihuä i̧sa̧cö̧.

San Juan 10:27

Chä̧ji̧mö̧ o̧vȩja̧stö̧ chi̧huȩnȩ huo̧juä̧tö̧. Ttö'inä jahuätörö huo̧jua̧sä̧. Ttö cho'ca'anä cue'ächätö.

Gálatas 5:24

Iso päi'önä Cristorö esetätömä Cristocu daunä pȩ'o̧pö̧ ku̧ni̧nä̧tö̧ pi̧jä̧ jähuä jȩä̧cuä̧huä̧'i̧nä̧, jitötä ttamönä ttamöcuädö'inä.

Gálatas 2:20

Ttömä Cristocu 'corupä'i'inösä. Ja̧'hua̧nö̧ ja̧'a̧ttö̧ ttömäcö̧sä̧ jitä kö̧mä̧. Cristo ttörö kö̧mä̧. Jitä chö̧jö̧mä̧ Dios I̧tti̧rö̧ esetö kö̧sä̧. Ja̧u̧tä̧ hua'are iyähuinö ttörö rettö pä'ö.

1 Juan 3:16

Jesucristo ujuturu 'corupäi'ina'attö, huo̧juä̧tö̧jä̧ iso päi'önä repe'ö pä'ö. Ja̧'hua̧nö̧ ja̧'a̧ttö̧ ujutu ubara ttuta'anä'inä, 'corujuotächome jubö cä'ädö ppätädö'a̧nö̧ ja̧'a̧ tö̧jä̧hua̧tö̧rö̧.

San Mateo 16:24

Ja̧'hua̧nö̧ ja̧'a̧ttö̧ Jesús pä'inödo u̧huo̧juȩtä̧u̧ru̧: —Ya̧tȩ ttöcu cueächa pä'ömä, chutä amöcuädö jaropi'ö, ttö huedömä jȩpö̧, ubara ttuttu'inä, ttöcu cuȩä̧chä̧cua̧.

Filipenses 3:10

Ttömä Cristorö rö̧ȩnä̧ chu̧huo̧jua̧ pä'ösä. Ja̧'hua̧ta̧nö̧ hua'arettö ttoächinö ujuru chu̧ju̧nä̧ra̧ pä'ösä. Ja̧'hua̧ta̧nö̧ ubara ttuhuinö ta'anö, ubara ttuda pä'ösä. Ja̧'hua̧ta̧nö̧ chutä 'corupäi'inö ta'anö 'corupädi'a pä'ösä.

Romanos 8:17

Dios i̧tti̧mö̧ päti'a'attö, Dios iya päinömä tȩmä̧cuo̧tö̧jä̧. Ja̧'hua̧ta̧nö̧ Cristorö iyö'inä, yoräteunä tȩmä̧cuo̧tö̧jä̧. Cristo ubara ttuhuinö ta'anö, ubara ttututtumä, Cristocu eseäcuähuä tȩmä̧cuo̧tö̧jä̧.

San Lucas 9:23

Ja̧u̧nu̧ o'ca'a o'ca toi'önärö pä'inödo: —Ya̧tȩ ttöcu cueächa pä'ömä, chutä amöcuädö jaropi'ö, mo̧ro̧ji̧nö̧ a̧'u̧cuä̧ ttö huedömä jȩpö̧, ubara ttuttu'inä, ttöcu cuȩä̧chä̧cua̧.

Colosenses 3:5

Pä'äji jähuä, pi̧jä̧ jähuä, jȩcu̧'i̧nä̧tu̧cu̧mä̧, jitämä amöcuädö jȩcu̧'ä̧tu̧cuä̧'. Ka̧ra̧ irecuarö suronä jȩcu̧'ä̧tu̧cuä̧'. Suronämä amöcuädö jȩcu̧'ä̧tu̧cuä̧'. Ucutuätä pä̧huä̧ rö̧jö̧tä̧ jȩcu̧'ä̧tu̧cuä̧'. Korotöttö'inä abonänö cu̧ju̧nä̧ra̧ pä'ö cuamöcuädätucuä'. Ttu̧mö̧nä̧ adicuä juäi pä̧huä̧ rö̧jö̧nä̧ tocu'ätucuä'.

Filipenses 3:7

Ja̧'hua̧nö̧ ja̧'a̧nä̧ ja̧u̧ juäi o'ca juiyönä pä'äji rö̧ȩnä̧ chesetinömä, jitämä yoröiso micuähuocö jä̧'i̧nö̧'a̧nö̧ jä̧cu̧sä̧, Cristorö cheseta'attö.

1 Pedro 4:1

Ja̧'hua̧nö̧ ja̧'a̧ttö̧ Cristo chutä amönä jä̧ttä̧pä̧ya̧ ubara ttuhuinö ta'anö, ucutu'inä ubara ttucuhuätucuäcua'a̧nö̧. Ya̧tȩ, chutä amönä jä̧ttä̧pä̧ya̧ ubara ttu'u, suronä jȩä̧cuä̧huä̧ jaropi'ö, hua'ö icuome jubö päi'önä Diosrö pä̧huä̧ rö̧jo̧mȩnä̧ adiunä ö̧ja̧ pä'ö, chutä amöcuädö jȩö̧ juiya pä'ö.

Gálatas 6:14

Ttömä ucuturu chu̧huo̧juȩti̧nö̧mä̧ adiu huo̧juȩti̧nö̧sä̧ päda pä'ocösä. Ji̧yȩä̧cuȩtä̧ Chu̧ru̧hua̧ Jesucristo dau isodänä 'corupäi'inötä, ja̧u̧tä̧, adiu chucuocua pä'ösä. Ja̧u̧ Cristorö chesetomenä, pi̧jä̧ jähuä 'corupäi'ina'a jä̧cu̧sä̧ ttömä. Ja̧'hua̧ta̧nö̧ pi̧jä̧ jähuä pä̧huä̧ juida'anä 'corupädi'ina'a ja̧'a̧.

1 Corintios 15:31

'Cuäopönä pä'ösä: “Jitä mo̧ro̧ 'co̧ru̧pä̧di̧'ä̧cua̧sä̧cö̧.” Ja̧'hua̧nö̧ ja̧'a̧ttö̧ chö̧jä̧hua̧tö̧, ja̧'hua̧nö̧ pä'ösä ucuturu eseunu amöcuädö Tu̧ru̧hua̧ Jesucristorö cuesetiniyätucuäcu.

Romanos 6:6

Ujutu huo̧juä̧tö̧jä̧ täbocö tö̧ji̧nö̧mä̧ Cristocu daunä pȩ'o̧pö̧ u̧ju̧ni̧na̧'a̧, suronä jȩä̧cuä̧huä̧ be'epö icua pä'ö, suronä hueö jȩä̧cuä̧huä̧ isotö tö juiyäcua'a̧nö̧.

San Lucas 14:33

Ja̧'hua̧ta̧nö̧ ucututtu ya̧tȩ u̧ju̧nä̧rö̧ o'ca juiyönä jaroi'ö juiyöttömä, chu̧huo̧juȩtä̧cu̧ pä'i'ocö.

2 Pedro 1:14

Täcö hua'ö chicuäcuome tö'cöhuächa'a u̧huo̧juȩti̧nä̧cu̧sä̧ Tu̧ru̧hua̧ Jesucristo.

1 Pedro 4:13

Pärocua'acu, Cristo ubara ttuhuinö'a̧nö̧ ubara ttu'u, cua̧'cua̧ tta̧cu̧huȩcuä̧tu̧cuo̧mȩnä̧, Cristo ichö mo̧ro̧ rö̧ȩnä̧ cuesehuätucuäcua'a amöcuädö esehuäcuähuätucui.

Tito 2:12

Ja̧u̧ Dios ppädäcuähuä ujuturu huo̧juȩta̧'a̧ churutä esetö kä̧nö̧, pi̧jä̧ jähuä jaroti'a pä'ö. Ja̧'hua̧ta̧nö̧ ta̧'cua̧ pö̧nö̧, adiunätä jȩpö̧ Diosrö tamöcuäda pä'ö huo̧juȩta̧'a̧.

Colosenses 1:24

Jitä ucuturu ppä'ädö, eseunu ubara ttu'usä. Ttömä ja̧'hua̧nö̧ ubara ttudomenä, Cristo jä̧ttä̧pä̧ya̧ huotörö, churutä esetätörö, ppä'ädö ubara ttuhuinö ta'anö, ttö'inä ppä'ädö ubara ttu'usä.

Hechos 14:22

Koro ötahuiyänä'inä, koro ötahuiyänä'inä Jesucristorö esetätörö huo̧juȩtö̧ ji'ähuinätödo, juhua'a yabonö adiu tteseta pä'ö. —Adiu esetö cu̧ja̧cuä̧tu̧cu̧'a̧nö̧ ja̧'a̧. Rö̧ȩnä̧ surojö 'cuäopäcua'a ujuturu, Dios ö̧jo̧mȩ dotächäcua'a ä'canä, —pä'inätödo.

San Lucas 18:22

Ja̧'hua̧nö̧ päa'a ä̧ju̧cu̧, Jesús päinäcudo: —Ja̧'hua̧ ja̧'a̧ ji̧yȩtȩtä̧ jȩpo̧cö̧jä̧. Cuhuäre o'ca juiyönä cu̧ju̧nä̧rö̧mä̧ iyö icuäji. Ja̧u̧ iyö cuicuäji micuämä, usurä isotörö iyi. Ja̧'hua̧nö̧ jȩpö̧, mo̧ro̧jä̧ra̧'a̧ adihuä juäi cu̧ju̧nä̧rä̧cua̧jä̧. Ja̧u̧nu̧ o'ca'a ppa̧'ä̧chö̧, ttöcu cue'ächi.

San Lucas 13:24

—Äpate ji̧'qui̧cha̧jatenä do'ächätucui. Ttö pädä̧u̧jä̧, recuätö dottächa pätta'anä, dottächö juiyönä jä̧cuo̧tö̧.

San Mateo 27:32

Ru̧hua̧ ojusodettö rättopomenä, ya̧tȩ Cirene ttö̧ja̧ i̧sa̧rö̧ po̧cui̧pi̧nä̧tö̧do. Ja̧u̧mä̧ Simón pä'ö mi̧cui̧nö̧do. Ja̧u̧ru̧ hue'inätödo Jesúsru pȩ'o̧pö̧ ttu̧ju̧nä̧cuodä ȩpa̧ pä'ö.

Apocalipsis 2:10

Koronö ubara ttucuhuä̧cuȩmä̧ amöcuädö, yecuhuecuä'. Korotörö, ucututtu, ähuettämä cärenä ö̧tä̧cua̧, cuami 'qui'ächi'ö cu̧ja̧cuä̧tu̧cua̧ pä'ö. To̧mö̧rȩ mo̧ro̧ jo̧mȩnä̧, ubara ttucuhuäcuotöjä. Ja̧'hua̧nö̧ ja̧'a̧nä̧ hua'ö cuicuome jubö päi'önä, adiunätä kä̧nö̧ cue'ächi. Ja̧u̧nu̧ micuä päi'önä chi̧yä̧cua̧jä̧ kä̧cuä̧huä̧ i'co.

Hebreos 13:13

Ja̧'hua̧ ja̧'a̧ttö̧ ötahuiyä abocu Jesús ö̧jo̧mȩcu̧ ti̧'chä̧tu̧cua̧do, chutä ubara ttuhuinö'a̧nö̧ ubara ttu'u kä̧nö̧.

2 Tesalonicenses 3:11

Korotö ji'ähuinätö ujuturu, ucututtu yotöte ttaditoca'a ka̧cuä̧tö̧. Jahuätö korode korodenötä amönä huȩnȩ ucuocu cue'ächätö pä'ö.

1 Corintios 9:19

Ttömä ka̧ra̧ huȩ'ä̧hua̧mä̧cö̧sä̧. Juhuorö'inä o'ca toi'önä Cristorö tteseta pä'ö, huȩ'ä̧hua̧ i̧sa̧ jö̧'a̧nö̧ kö̧sä̧.

1 Corintios 8:13

Ja̧'hua̧ ja̧'a̧ttö̧ ttömä koro juäi chucuomenä, ya̧tȩ chö̧jä̧hua̧mä̧ ttörö topö suronä amöcuädöttömä, ja̧u̧nu̧ o'ca'a ttömä yoröiso cuocösä idepämä, korotö ttörö topö suronä ttamöcuädö juiyäcua'a̧nö̧.

San Juan 19:17

Jesús, churutä dau isodä pȩ'o̧pö̧ ttu̧ju̧nä̧cuodä ȩpö̧ rä'epinödo, La Calavera, U Isose Pi̧no̧mȩ pättomecu 'chä̧nö̧. Ju̧huȩnȩmä̧ hebreos tti̧huȩnȩnä̧ Gólgota pä'ätö.

San Lucas 20:45

Jesús u̧huo̧juȩtä̧u̧ru̧ jiähuomenä, o'ca toi'önä ttö̧ja̧ ä̧ju̧cuä̧ri̧nä̧tö̧do.

San Marcos 10:21

Jesús ja̧u̧ru̧ repe'ö topö, päinäcudo: —Ja̧'hua̧ ja̧'a̧ ji̧yȩtȩtä̧ jȩpo̧cö̧jä̧. Cuhuäre o'ca juiyönä cu̧ju̧nä̧rö̧mä̧ iyö icuäji. Ja̧u̧ iyö cuicuäji micuämä, usurä isotörö iyi. Ja̧'hua̧nö̧ jȩpö̧, mo̧ro̧jä̧ra̧'a̧ adihuä juäi cu̧ju̧nä̧rä̧cua̧jä̧. Ja̧u̧nu̧ o'ca'a ucuru cuä'ö tticuttu'inä ppa̧'ä̧chö̧ ttöcu cue'ächi.

San Marcos 7:14

Pä'äji ta'anö ttö̧ja̧rö̧ huopö, Jesús pä'inödo jahuätörö: —Ttö pädömä, o'ca toi'önä adiu ä̧ju̧cuä̧tu̧cui̧.