San Marcos 8:33 - TÄ̧DO Ä̧CUÄ̧ I̧HUȨNȨ

³³ Ja̧'hua̧ ja̧'a̧ Jesús kärächi'ö, u̧huo̧juȩtä̧u̧ru̧ topö, Pedrorö pä'inödo: —Ttöttö 'quȩ'i̧pä̧chi̧, Satanás. Dios amöcuädö ta'anö, yoröiso amöcuädocöjä. Pi̧jä̧ ttö̧ja̧ ttamöcuädö ta'anötä, amöcuädöjä.

Nuevo Testamento Uwotjüja

³³ Ja̧'wa̧nü̧ päku Jesú-mä̧ kkärächi'ü u̧wo̧juȩtä̧u̧rü topü, Peduru-rü ra̧wä̧ri̧pü̧nü̧ pä'inü̧: —¡Ttüttümä̧ 'kȩ'i̧pä̧chi̧ Satanás-jä̧! ukumä̧, Dio jäwä to'kua pä'ümä̧ amükuädoküjä̧, suro pi̧jä̧ ttü̧ja̧ tottü'anü̧tä̧ topüjä̧.

San Marcos 8:33 Referans Kwoze

San Mateo 4:10

Ja̧'hua̧nö̧ ja̧'a̧ttö̧ Jesús ädätinäcudo: —Satanás, täi. Huȩyu̧cuä̧ Huȩnȩ päa'a: “Chu̧ru̧hua̧ Diosrötä cua̧'cua̧ huȩnä̧ri̧. Ja̧'hua̧ta̧nö̧ ja̧u̧tä̧ päömä jȩpi̧,” —ädätinäcudo.

1 Juan 2:15

Pi̧jä̧ jähuä'inä, pi̧jä̧nä̧ ka̧cu̧'i̧nä̧ pä̧huä̧ rö̧jö̧ cuamöcuädätucuä'. Pi̧jä̧ jähuä pä̧huä̧ rö̧jö̧ amöcuädömä, Tä'o Diosrö repe'ocö.

Filipenses 3:19

Jahuätömä yoröiso ttottei'äcuotö. Jahuätömä cuä̧nö̧ ttu̧cuä̧ba̧ jähuätä amöcuädätö. Jahuätö koro juäi dä'äcu jȩä̧cuä̧huä̧ juäi, yoröiso eseunu jȩpä̧tö̧. Pi̧jä̧ jähuätä amöcuädätö.

Apocalipsis 3:19

Ttömä o'ca toi'önärö repedä̧u̧ru̧ ro̧'ȩpö̧ tä̧bo̧tö̧sä̧. Ja̧'hua̧nö̧ ja̧'a̧ttö̧ adiunä amöcuädö jȩpö̧, pärocuäcutä amöcuädi.

1 Pedro 4:1

Ja̧'hua̧nö̧ ja̧'a̧ttö̧ Cristo chutä amönä jä̧ttä̧pä̧ya̧ ubara ttuhuinö ta'anö, ucutu'inä ubara ttucuhuätucuäcua'a̧nö̧. Ya̧tȩ, chutä amönä jä̧ttä̧pä̧ya̧ ubara ttu'u, suronä jȩä̧cuä̧huä̧ jaropi'ö, hua'ö icuome jubö päi'önä Diosrö pä̧huä̧ rö̧jo̧mȩnä̧ adiunä ö̧ja̧ pä'ö, chutä amöcuädö jȩö̧ juiya pä'ö.

1 Timoteo 5:20

Ja̧'hua̧nö̧ ja̧'a̧nä̧ korotö ancianos huotö suronä jȩpä̧tö̧rö̧ o'ca toi'önä ttä'ca jo̧mȩttö̧ tä̧bo̧ti̧, korotö'inä topö yettecuäcua'a̧nö̧.

1 Corintios 5:5

Ja̧'hua̧nö̧ ppäsähuipö, ja̧u̧ru̧ iyätucuirö Satanásrö, chutä jä̧ttä̧pä̧ya̧ toei'äcua'a̧nö̧, a̧'cua̧ru̧hua̧ ö̧ji̧pa̧'a̧nä̧, Tu̧ru̧hua̧ Jesús ichomenä.

San Lucas 22:61

Äcärä ja̧'hua̧nö̧ huomenä, Jesús kärächi'ö topinödo Pedrorö. Ja̧'hua̧nö̧ päi'omenä, Pedro amöcuädinödo Jesús ucuocuäjimä: “Jitä yodo äcärä huoäcua'a ä'canä, ucumä huäbodäcuä jo̧mȩnä̧ cuä̧ppö̧tä̧rä̧cua̧jä̧ ttörö.”

San Marcos 3:34

Ja̧'hua̧nö̧ pä'äji'ca̧, ö̧jo̧mȩ tö'cö pȩjä̧tö̧rö̧ topö, pä'inödo: —Pitötä cha̧ju̧'i̧nä̧, chö̧jä̧hua̧tö̧'i̧nä̧.

San Marcos 3:5

Ja̧'hua̧ ja̧'a̧ttö̧ jahuätö ttu̧huo̧jua̧ pättoca'attö, ra̧huä̧rö̧nä̧nö̧ a̧'cua̧ tta̧'ȩcu̧nu̧ toinä̧u̧do. Ja̧u̧ u̧mö̧ joi'inäcuru pä'inödo: —Cu̧mö̧ te'ädi. U̧mö̧ te'ädinödo. Ja̧'hua̧nö̧ teädomenä, adiu päi'inäcudo.

San Mateo 15:23

Jesús jahuäjuru ädätocö pi̧nö̧do. Ja̧'hua̧ ja̧'a̧nä̧ u̧huo̧juȩtä̧u̧ ichi'ö pä'inätödo: —Ki̧'cha̧ pä'ö hue'iju. To'ca'anä huopö cue'ächäju.

Tito 1:13

Ja̧'hua̧nö̧ päinömä, iso päi'önä pä'inö. Ja̧'hua̧nö̧ ja̧'a̧ttö̧ juruhuächi'ö huo̧juȩti̧tö̧ adiu esetö ttö̧ja̧cuä̧cua̧'a̧nö̧.

San Lucas 9:55

Ja̧'hua̧nö̧ ja̧'a̧ jahuätörö topö, pa̧'a̧nö̧ pä'ö ro̧'ȩpi̧nö̧do Jesús: —¿Ucutumä jerupätöjä tä̧ji̧ dittö huȩ'ä̧hua̧ espírituru cu̧ju̧nä̧rä̧tu̧cua̧'a̧jä̧ttö̧?

San Lucas 4:8

Ja̧'hua̧nö̧ ja̧'a̧ttö̧ Jesús ädätinödo: —Ttöttömä 'quȩ'i̧pä̧chi̧, Satanás. Huȩyu̧cuä̧ Huȩnȩ päa'a: “Cu̧ru̧hua̧ Diosrötä cua̧'cua̧ huȩnä̧ri̧. Ja̧'hua̧ta̧nö̧ ja̧u̧tä̧ päömä jȩpi̧.”

San Mateo 16:23

Ja̧'hua̧ ja̧'a̧ Jesús kärächi'ö pä'inödo Pedrorö: —¡Ttöttö 'quȩ'i̧pä̧chi̧, Satanás! Ttörö suronä pä'öjä. Dios amöcuädö ta'anö, yoröiso amöcuädocöjä. Pi̧jä̧ ttö̧ja̧ ttamöcuädö ta'anötä amöcuädöjä.