San Marcos 8:29 - TÄ̧DO Ä̧CUÄ̧ I̧HUȨNȨ

²⁹ Ja̧'hua̧nö̧ ja̧'a̧ jäepinä̧u̧do: —Ucutumä, ¿tta̧'a̧nö̧ päcuhuätucuättö ttörömä? Ja̧'hua̧nö̧ ja̧'a̧ Pedro ädätinödo: —Ucumä Cristojä.

Nuevo Testamento Uwotjüja

²⁹ Ja̧'wa̧nü̧ pätta'anä̧ ukuturumä̧, ¿dí cha'ajä̧ttü̧, ttümä̧? pä'ü jäepomȩnä̧. Peduru-mä̧ ädätinü̧: —Ukumä̧ Crito-jä̧.

San Marcos 8:29 Referans Kwoze

1 Juan 4:15

Jesúsmä Dios I̧tti̧ ja̧'a̧ pä'ö ji'ähuätöcu kö̧ Diosmä. Jahuätötä Dioscu ka̧cuä̧tö̧.

1 Juan 5:1

O'ca toi'önä Jesúsmä Cristo ja̧'a̧ pä'ö esetätömä, Dios i̧tti̧mö̧. Ya̧tȩ ta̧hua̧ru̧hua̧ i̧tti̧mö̧ ku̧nä̧rö̧rö̧ repetöttömä, ja̧u̧tä̧ i̧tti̧mö̧rö̧'i̧nä̧ repe'ätöjä.

San Juan 11:27

Jahuäju pä'inäjudo: —A̧'a̧, Chu̧ru̧hua̧. Ucumä Cristojä, Dios I̧tti̧ pi̧jä̧ra̧'a̧ i̧chä̧cua̧ pättinäcu esetäjusä.

San Lucas 9:20

Ja̧'hua̧nö̧ ja̧'a̧ jäepinä̧u̧do: —Ucutumä, ¿tta̧'a̧nö̧ päcuhuätucuättö ttörömä? Ja̧'hua̧nö̧ ja̧'a̧ Pedro ädätinödo: —Ucumä Cristojä, Dios huȩ'ä̧hua̧jä̧.

Hechos 9:20

Ja̧'hua̧nö̧ ja̧'a̧ Saulo judíos ttu̧huo̧jui̧'i̧nodehuiyänä Jesúsmä iso päi'önä Dios I̧tti̧ pä'ö ji'ähuinödo.

San Juan 4:42

Ja̧u̧nu̧ o'ca'a jahuäju isajuru pä'inätödo: —Jitämä adiu esetätöjä. Ucutä jicuhuähuomenätä ä̧ju̧cu̧ esetocotöjä. Ujutu'inä ja̧u̧ru̧ ä̧ju̧cuä̧jä̧tö̧jä̧. Täcö huo̧juä̧tö̧jä̧, ja̧u̧mä̧ iso päi'önä Cristodo, pi̧jä̧ ttö̧ja̧ suronä jȩttö̧ jȩpö̧ i̧cuä̧cua̧.

1 Pedro 2:7

Ucutu esetätörömä, ja̧u̧ inähuä rö̧ȩnä̧ micuähua'ado. Esetocotörömä pi̧yȩ Huȩyu̧cuä̧ Huȩnȩ päö ta'anö 'cuäopa'a: Jitötä adicuä ttö̧ja̧mä̧ ttöjö'cocohuä ji̧nähuä, jueö isä'ca jä̧'i̧nö̧'a̧nö̧ kähuä jitämä.

San Juan 6:69

Ujutu täcö esetinätöjä. Ucumä Dios kö̧ I̧tti̧ Cristojä, huo̧juä̧tö̧jä̧ ujutumä.

Hechos 8:36

Dubora iso'u 'cuättopomenä, ruhuaju kippeyä ru̧hua̧ pä'inödo: —Pȩnȩ iso'u ra̧'a̧. Ttö bautizado pädi'a pä̧huä̧ rö̧jä̧cu̧sä̧.

San Marcos 4:11

Jahuätörö pä'inödo: —Dios iyinödo ucuturu Dios Cu̧ru̧hua̧ päi'önä ö̧jä̧cuȩ huȩnȩ, ttö̧ja̧ ttieru huȩnȩ, cu̧huo̧juä̧tu̧cua̧ pä'ö. Ja̧'hua̧nö̧ ja̧'a̧nä̧ u̧mi̧nä̧ ka̧cuä̧tö̧rö̧, o'ca juiyönä koro juäi jä̧'i̧nö̧'a̧nö̧ jö̧ huȩnȩnä̧ jidäu'a̧nö̧ ja̧'a̧.

San Juan 6:68

Simón Pedro ädätö pä'inödo: —Tu̧ru̧hua̧, ucuru jaroti'öttömä, ¿dirö tesetäcua'ajä̧ttö̧? Ucutä kä̧cuä̧huä̧ i'co huȩnȩ huo̧juȩtö̧jä̧.