San Marcos 7:21 - TÄ̧DO Ä̧CUÄ̧ I̧HUȨNȨ

²¹ Ttö̧ja̧ jacuättö, ttami iso'quittö, räopa'a suronä amöcuädäcuähuä'inä, nä̧tö̧rö̧ suronä usähuä'inä, ka̧ra̧ irecuarö suronä jȩä̧cuä̧huä̧'i̧nä̧, ttö̧ja̧rö̧ cuä'ö icuähuä'inä räopa'ado.

Nuevo Testamento Uwotjüja

²¹ Jua'amä̧, ttü̧ja̧ tta̧mi̧ iso'kittütä räopa'a suronä̧ amükuädäkuäwämä̧, nä̧tü̧ku̧'i̧nä̧, u̧mä̧tu̧ku̧'i̧nä̧ jȩä̧'chä̧kuä̧wä̧mä̧, nä̧u̧kuä̧rä̧kuä̧wä̧mä̧, ttü̧ja̧rü̧ kuä'ü ikuäwämä̧,

San Marcos 7:21 Referans Kwoze

San Mateo 15:19

Suronä amöcuädäcuähuä'inä, ttö̧ja̧rö̧ cuä'ö icuähuä'inä, nä̧tö̧rö̧ suronä usähuä'inä, ka̧ra̧ irecuarö suronä jȩä̧cuä̧huä̧'i̧nä̧, nä̧u̧cuä̧cuä̧huä̧'i̧nä̧, yapareu ucuocuäcuähuä'inä, korotörö suronä ucuocuäcuähuä'inä räopa'a ttö̧ja̧ ttami iso'qui jacuättö.

Hechos 8:22

Ja̧'hua̧nö̧ ja̧'a̧ pärocuäcutä amöcuädi. Suronä cuamöcuädä'. Diosrö ucuocui, cuami iso'quinä cuamöcuädäji unichi'a pä'ö.

San Mateo 9:4

Ja̧'hua̧nö̧ ttamöcuädomenä, Jesús huo̧jui̧nö̧do ttamöcuädömä. Jahuätörö pä'inödo: —¿Dä̧bö̧ suronä cuamöcuädätucuättö?

Santiago 2:4

Ja̧'hua̧nö̧ päcuhuätucuomenä, yoräteunä amöcuädocotöjä. Suronä amöcuädätöjä.

San Lucas 16:15

Ja̧'hua̧nö̧ ja̧'a̧ Jesús päinä̧u̧do: —Ucututä ttö̧ja̧ ttä'ca jo̧mȩttö̧ adiu jȩpä̧tö̧mä̧ ttö̧ja̧ tottönä. Ja̧'hua̧nö̧ ja̧'a̧nä̧ Diosmä huo̧jua̧ cuami iso'quitucunä. Ttö̧ja̧ ttucuo kö̧nä̧ ttamöcuädömä, Diosmä kö'cocö.

Romanos 7:8

Hueähuä huȩnȩ ka̧'a̧ttö̧, surojö rö̧ä̧chi̧na̧'a̧. Rö̧ȩnä̧ suronä chamöcuäda pä'ö hueina'a ttörö. Ja̧'hua̧ta̧nö̧ hueähuä huȩnȩ juiyomenä, surojö juiyuhua'a.

Hechos 5:4

Cuiyäcua'a ä'coji, ¿ucu cui̧rȩjä̧ tä̧ji̧? Iyö icu, cuȩmä̧ji̧mä̧ ¿ucutä cuhuäre pärätä tä̧ji̧? ¿Dä̧bö̧ ja̧'hua̧nö̧ yapareu cuamöcuädäjä? Pi̧jä̧ ttö̧ja̧rö̧tä̧mä̧ yapareu jȩpo̧cö̧ päjijä. Diosrötä yapareu jȩpä̧ji̧jä̧, —pä'inödo Pedro.

Romanos 7:5

Äcuomenä ujututä tidepä pä̧huä̧ rö̧jö̧ jȩpö̧ tö̧ja̧cuo̧mȩnä̧, hueähuä huȩnȩ hueina'a ujuturu, suronä amöcuädö jȩta̧ pä'ö. Ja̧u̧ juäi hua'aretä i'cächinö ujuturu.

Tito 3:3

Iso päi'önä täbocö ujutumä ja̧'a̧tä̧ cue'ächö, Diosrö esetocotö pi̧nä̧tö̧jä̧. Re'tehuächätö cuettächö'a̧nö̧ cue'ächinätöjä. Ujutumä suronä amöcuädö cue'ächinätöjä. Ja̧'hua̧ta̧nö̧ suronä jȩpi̧nä̧tö̧jä̧ korotörö. Korotö ttu̧ju̧nä̧rö̧ ta'anö, tu̧ju̧nä̧ra̧ pä'inätöjä. Korotörö pä̧huä̧ juiyönä topö cue'ächinätöjä.

San Marcos 7:20

Ja̧'hua̧ta̧nö̧ Jesús pä'inödo: —Ya̧tȩ ubottö räopötä, ja̧u̧tä̧ idicuächömä.

San Marcos 7:22

Ja̧'hua̧ta̧nö̧ nä̧u̧cuä̧cuä̧huä̧'i̧nä̧, korotö ttu̧ju̧nä̧rö̧mä̧ pä̧huä̧ rö̧jö̧nä̧ amöcuädäcuähuä'inä suronä jȩä̧cuä̧huä̧'i̧nä̧, yapareu ucuocuäcuähuä'inä, ttamönä pä̧huä̧ rö̧jo̧mȩnä̧ jȩä̧cuä̧huä̧'i̧nä̧, a'cuoyäunu amöcuädäcuähuä'inä, korotörö suronä ucuocuäcuähuä'inä, ka̧ra̧ttö̧'i̧nä̧ abonänö adihuä i̧sa̧sä̧ pä'ö amöcuädäcuähuä'inä, tta̧'cua̧ pö̧nö̧ kä̧cuä̧huo̧cö̧ huȩnȩ'i̧nä̧ räopa'a ttö̧ja̧ ttami iso'quittö.

Colosenses 3:5

Pä'äji jähuä, pi̧jä̧ jähuä, jȩcu̧'i̧nä̧tu̧cu̧mä̧, jitämä amöcuädö jȩcu̧'ä̧tu̧cuä̧'. Ka̧ra̧ irecuarö suronä jȩcu̧'ä̧tu̧cuä̧'. Suronämä amöcuädö jȩcu̧'ä̧tu̧cuä̧'. Ucutuätä pä̧huä̧ rö̧jö̧tä̧ jȩcu̧'ä̧tu̧cuä̧'. Korotöttö'inä abonänö cu̧ju̧nä̧ra̧ pä'ö cuamöcuädätucuä'. Ttu̧mö̧nä̧ adicuä juäi pä̧huä̧ rö̧jö̧nä̧ tocu'ätucuä'.