San Marcos 6:55 - TÄ̧DO Ä̧CUÄ̧ I̧HUȨNȨ

⁵⁵ O'ca juiyönä ötahuiyänä jope'ö kä̧nö̧ ji'ähuinätödo Jesús icha'a. Jahuätö na̧'ä̧chä̧tö̧rö̧ ttö̧rä̧sa̧nä̧ ttö̧ra̧'a̧ i'cächinätödo Jesús ö̧jo̧mȩ.

Nuevo Testamento Uwotjüja

⁵⁵ Juä̧jä̧ rȩjȩ o'kajuiyünä̧ kue'ächinä̧tü̧ ja̧'wa̧nü̧ jo̧mȩnä̧ na̧nȩpä̧tü̧rü̧mä̧ na̧'ä̧chü̧ ttü̧'ȩjü̧ obänä̧ ttü̧'ȩja̧'a̧nä̧, Jesú ü̧ja̧'a̧ ttä̧ju̧kuo̧mȩmä̧ jua'atätä ȩpi̧nä̧tü̧.

San Marcos 6:55 Referans Kwoze

San Mateo 4:24

Ja̧'hua̧nö̧ cueächomenä, o'ca juiyönä Siria rȩjȩnä̧'i̧nä̧ ä̧ju̧cui̧nä̧tö̧do Jesúsru. Ja̧'hua̧nö̧ ja̧'a̧ttö̧ o'ca toi'önärö na̧'ä̧chä̧tö̧rö̧'i̧nä̧, koro juäi surojö ubara ttu'ätörö'inä, espíritus suropätörö ku̧nä̧rä̧tö̧rö̧'i̧nä̧, koro juäi na̧'ä̧chi̧pä̧rä̧tö̧rö̧'i̧nä̧, 'cuä'ätörö'inä i'cächinätödo Jesúsru. Jesús aditö icuinödo jahuätörö.

San Marcos 6:54

Huoi'cattö ttu̧huä̧mi̧'a̧'a̧, ttö̧ja̧ ttu̧huo̧jui̧nä̧cu̧do.

San Marcos 6:56

Ötahuiyä bäreunä'inä, ppo̧ö̧nä̧'i̧nä̧ Jesús i̧'chä̧cua̧'a̧cu̧ ä'canä i'cächö rötinätödo na̧'ä̧chä̧tö̧rö̧ mä̧nä̧ jäyä. Jahuätömä na̧'ä̧chä̧tö̧mä̧ ö̧'ca̧tä̧huä̧ta̧'i̧nä̧ mȩtta̧ pä'ö jä'epinätödo. O'ca toi'önä ja̧u̧ ö̧'ca̧tä̧huä̧ta̧ mȩ'ä̧tö̧'i̧nä̧ aditö icuinä̧u̧do.

Hechos 5:15

Na̧nȩpä̧tö̧rö̧ mä̧ni̧yä̧nä̧ rä'epö rötinätödo sabana'cuanä'inä, huä̧ri̧sa̧nä̧'i̧nä̧, Pedro 'cuäopomenä a̧'cua̧juä̧ yotöcunä ttuhuämenä 'cuäo'a pä'ö.