San Marcos 4:14 - TÄ̧DO Ä̧CUÄ̧ I̧HUȨNȨ

¹⁴ Ya̧tȩ ku̧nu̧ i̧'chi̧nö̧mä̧, ka̧ra̧ Dios i̧huȩnȩ jiähua'a jä̧'i̧nö̧'a̧nö̧ ja̧'a̧.

Nuevo Testamento Uwotjüja

¹⁴ Kku̧nä̧wä̧ i̧sa̧ päjimä̧ jareü wȩnȩ ji'äuru wȩnȩkuä̧cha̧'a̧.

San Marcos 4:14 Referans Kwoze

Hechos 8:4

Jerusalén ötahuiyättö dö'ecuächäjätömä korome, koromenö Jesucristo i̧huȩnȩ ji'äu 'chi̧nä̧tö̧do.

San Mateo 13:19

Korotömä Dios Ttu̧ru̧hua̧ päi'önä ö̧jä̧cuȩ huȩnȩ 'cucuächi'oca'a ä̧ju̧cuä̧tö̧mä̧ jacuä jähuä mä̧nä̧ jäyänä ma̧ä̧chö̧ jä̧'i̧nö̧'a̧nö̧ huotö. Ähuettä ichi'ö 'cho'ipö Dios i̧huȩnȩ ttami iso'quittö.

San Lucas 8:11

“Pi̧yȩ jä̧ koro juäi jä̧'i̧nö̧'a̧nö̧ jö̧ huȩnȩ pädäjimä. Jacuä jähuä jä̧ji̧mä̧ Dios i̧huȩnȩ.

San Mateo 13:37

Ja̧'hua̧ ja̧'a̧ Jesús pä'inödo: —Ja̧u̧ pätta ku̧ni̧nö̧mä̧, Ubo I̧tti̧ pi̧nö̧do.

San Marcos 4:3

—Pi̧yȩ huȩnȩ ä̧ju̧cuä̧tu̧cui̧. Ya̧tȩ ku̧nä̧huä̧ ru̧hua̧ ku̧nu̧ 'chi̧nö̧do.

San Marcos 2:2

Ttö̧ja̧ recuätö ichinätödo ö̧jode'inä suhuädi'önä. Äpate ä'ca'inä 'co̧ä̧chi̧'ö̧nä̧ ka̧cui̧nä̧tö̧do, korotö'inä 'cuättoi'ö juiyönä. Jahuätörö ji'ähuinödo Dios i̧huȩnȩ.

San Mateo 13:3

Jesús koro juäi jä̧'i̧nö̧'a̧nö̧ jö̧ huȩnȩ ji'äu, rö̧ȩnä̧ huo̧juȩti̧nö̧do jahuätörö. Pä'inödo: —Ya̧tȩ ku̧nä̧huä̧ ru̧hua̧ ku̧nu̧ 'chi̧nö̧do.

San Marcos 4:13

Jesús jahuätörö pä'inödo: —Ja̧u̧ koro juäi jä̧'i̧nö̧'a̧nö̧ jö̧ huȩnȩ ¿ä̧ju̧cuo̧co̧tö̧ päjätöjä tä̧ji̧? Ja̧u̧tä̧ juäi huȩnȩ, koro juäi jä̧'i̧nö̧'a̧nö̧ jö̧ huȩnȩ, koronö cuä̧ju̧cuä̧tu̧cuo̧mȩnä̧, ¿tta̧'a̧nö̧ cuä̧ju̧cuä̧tu̧cua̧'a̧jä̧ttö̧?

San Marcos 4:15

Korotömä, jacuä jähuä mä̧nä̧ jäyänä ma̧ä̧chö̧ jä̧'i̧nö̧'a̧nö̧ huotö. Dios i̧huȩnȩ ä̧ju̧cuä̧tö̧. Ja̧'hua̧nö̧ ja̧'a̧nä̧ ttä̧ju̧cu̧ o'ca'a, Satanás ichi'ö, 'cho'ipö Dios i̧huȩnȩ ttami iso'quittö.