San Marcos 3:21 - TÄ̧DO Ä̧CUÄ̧ I̧HUȨNȨ

²¹ Ttö̧ja̧ “Ja̧u̧mä̧ suripächöto” pätta'a ä̧ju̧cu̧, Jesús ahuaruhuä isotö otticharö pä'ö ichinätödo.

Nuevo Testamento Uwotjüja

²¹ Jua̧u̧ jȩü̧ ä̧ju̧kui̧päjä'kotü, Jesú awaruwämä̧, amükuädü jui'ächächü 'kua̧ra̧'a̧, pä'ü ȩmü̧ ttichinä̧ku̧.

San Marcos 3:21 Referans Kwoze

Hechos 26:24

Pablo ja̧'hua̧nö̧ ädätö päomenä, Festo huopinödo: —¡Suripächö pä'öjä, Pablo! Ttu̧huo̧juȩti̧nö̧ rö̧ȩnä̧ cu̧huo̧jui̧'i̧na̧'a̧ttö̧ suripächöjä.

San Juan 10:20

Jahuätöttö recuätö pä'inätödo: Ja̧u̧ espíritu su̧ro̧pa̧rö̧ u̧ju̧nä̧ra̧'a̧ttö̧ suripächö ucuocumä, ¿dä̧bö̧ cuä̧ju̧cuä̧rä̧tu̧cuä̧rö̧ttö̧ ja̧u̧ päömä?

San Marcos 3:31

Ja̧'hua̧nö̧ 'cuäopa'anä Jesús ja̧ju̧'i̧nä̧, ö̧jä̧hua̧tö̧'i̧nä̧ ichi'inätödo. Ja̧'hua̧nö̧ ja̧'a̧nä̧ u̧mi̧nä̧ kä̧nö̧ hue'inätödo Jesúsru jittähua pä'ö.

2 Corintios 5:13

Iso päi'önä ujutu ttu̧'ȩpä̧ro̧co̧tö̧ ttö̧jö̧'a̧nö̧ tö̧jö̧ttö̧mä̧, Diosrö pä̧huä̧ rö̧jö̧ jȩta̧ pä'ö jȩpä̧tö̧jä̧. Ja̧'hua̧ta̧nö̧ ujutumä ttu̧'ȩpä̧rä̧tö̧ ttö̧jö̧'a̧nö̧ tö̧jö̧ttö̧mä̧, ucuturu ppätäda pä'ö jȩpä̧tö̧jä̧.