San Marcos 3:11 - TÄ̧DO Ä̧CUÄ̧ I̧HUȨNȨ

¹¹ Ja̧'hua̧ta̧nö̧ espíritus suropätö ja̧u̧ru̧ tottomenä, chutä ä'ca jo̧mȩttö̧ ttihue'quiyunä kä̧mä̧dö̧ huopinätödo: —¡Ucumä Dios I̧tti̧jä̧!

Nuevo Testamento Uwotjüja

¹¹ Ja̧'wa̧ta̧nü̧, epíritu-tu̧ suropätü'i̧nä̧ ttiwe'kiyunä̧ ä'ka jo̧mȩ kka̧kuä̧mä̧rü̧. —¡Ukumä̧, Dio I̧tti̧jä̧! pä'ü wottinä̧ku̧.

San Marcos 3:11 Referans Kwoze

San Lucas 4:41

Recuätö na̧nȩpä̧tö̧ttö̧mä̧ espíritus suropätö rä'ächinätödo. Huopö pä'inätödo: —Ucumä Dios I̧tti̧jä̧. Ja̧'hua̧nö̧ ja̧'a̧nä̧ Jesús jahuätö espíritus suropätö ttucuocu juiyönä hueinä̧u̧do, chutä Cristo ja̧'a̧mä̧ ttu̧huo̧jua̧'a̧ttö̧.

San Lucas 8:28

Jesúsru topö, ä'ca jo̧mȩ ihue'quiyunä kä̧mä̧dö̧ huopinödo: —¿Tta̧'a̧nö̧ jȩcu̧'ä̧cua̧'a̧jä̧ttö̧ ttörö, Jesús Dios Ju'toju Ru̧hua̧ I̧tti̧? Ttö pä'ösä ucuru, suronämä ubara ttucuhue'ättö, —pä'inödo ja̧u̧ ubomä.

Santiago 2:19

Ucumä esetöjä Dios ya̧tȩtä̧ kö̧ pä'ö. Ja̧'hua̧nö̧ cuesetomenä, adiu esetöjä. Ja̧'hua̧nö̧ ja̧'a̧nä̧ espíritus suropätö'inä Diosrö esetö ttö̧'ä̧huä̧tö̧.

San Mateo 8:29

Jahuätö huopinätödo Jesúsru: —¿Tta̧'a̧nö̧ jȩcu̧'ä̧cua̧'a̧jä̧ttö̧ ujuturu, Jesús, Dios I̧tti̧? ¿Ujuturu jo̧mȩ päi'oca'anä ubara ttuta pä'ö jȩpö̧ ichäjijä tä̧ji̧?

San Mateo 4:3

Ja̧'hua̧nö̧ päi'omenä, ähuettä ichinödo Jesúsru suronä jȩa̧ pä'ö. Pä'inödo: —Iso päi'önä, Dios I̧tti̧ cu'uttumä, pidu inäduttu ire päi'önä jȩpi̧.

Hechos 16:17

Pablocu, ujutucu to'ca'anä ichö huo̧pä̧ri̧nä̧ju̧: —Pitö u̧mä̧tö̧mä̧, Dios Ju'toju Ru̧hua̧ jähuä adicuä ttö̧ja̧mä̧, ucuturu ji'ähuätö surojöttö ki̧'ä̧cuä̧huä̧ mä̧nä̧.

San Mateo 8:31

Ja̧'hua̧nö̧ ja̧'a̧ttö̧ espíritus suropätö pä'inätödo Jesúsru: —Ujuturu ya'opö cuicuttumä, cu̧chi̧tö̧nä̧ dodeta pä'ö hue'itö.

San Mateo 4:6

Juhua'attö ähuettä pä'inödo Jesúsru: —Iso päi'önä Dios I̧tti̧ cu'uttumä, ja̧'a̧tä̧ tö'i. Huȩyu̧cuä̧ Huȩnȩ päa'a: Dios huȩä̧cua̧ ángelesrö tta̧ttä̧ra̧ pä'ö ucuru. Ttu̧mö̧nä̧ cättepäcuotö ucuru, cu̧jä̧pö̧nä̧ ido'quittö tocuhue'ö juiyönä, —pä'inödo.

San Mateo 14:33

Ja̧'hua̧ ja̧'a̧ huoi'canä pȩji̧nä̧tö̧mä̧, Jesús ä'ca jo̧mȩ ttihue'quiyunä kä̧mä̧dö̧ pä'inätödo: —Iso päi'önä ucumä Dios I̧tti̧jä̧, —pä'inätödo.

San Marcos 1:1

Pa̧'a̧nö̧ ji̧na̧'a̧do äcuomenä Jesucristo, Dios I̧tti̧ i̧huȩnȩ.

1 Corintios 11:34

Ya̧tȩ ppäi rö̧jä̧cu̧mä̧, chutä ojusodenä u̧cuȩ ucuäcua'a̧nö̧, Dios ro̧ȩpö̧ juiya pä'ö ucuturu cuppäsähui'ätucuomenä. Koro juäi huȩnȩ ttötä chichomenä, chu̧cuo̧cuä̧cua̧sä̧.