San Marcos 2:5 - TÄ̧DO Ä̧CUÄ̧ I̧HUȨNȨ

⁵ Ja̧u̧ru̧ i'cächäjätörö rö̧ȩnä̧ tteseta'a topö, Jesús pä'inödo ja̧u̧ 'cuä̧'a̧rö̧: —Chi̧tti̧, suronä jȩcu̧'i̧nö̧mä̧ jȩpö̧ icusä.

Nuevo Testamento Uwotjüja

⁵ Ja̧'wa̧nü̧ tta̧'kua̧ wȩnä̧rü̧ tti'chächäja'a topü, Jesú-mä̧, jua̧u̧ru̧ pä'inü̧: —Chi̧tti̧, suronä̧ jȩ'kuä̧'i̧jü̧mä̧ jȩä̧chä̧ku̧jä̧.

San Marcos 2:5 Referans Kwoze

San Mateo 9:2

Juhua'a ö̧jo̧mȩnä̧, ya̧tȩ yoröiso 'cuä̧'a̧rö̧, ö̧rä̧sa̧nä̧ ö̧ra̧'a̧ ȩpi̧nä̧tö̧do Jesús ö̧ja̧'a̧cu̧. Ja̧u̧ru̧ i'cächäjätörö rö̧ȩnä̧ tteseta'a topö, Jesús pä'inödo ja̧u̧ 'cuä̧'a̧rö̧: —Chi̧tti̧, esehui. Suronä jȩcu̧'i̧nö̧mä̧ jȩpö̧ icusä.

Santiago 5:15

Diosrö esetö ttucuocuomenä, na̧'ä̧chö̧mä̧ ö̧'i̧pä̧cua̧. Dios ja̧u̧ na̧'ä̧chö̧rö̧ aditö i̧cuä̧cua̧. Suronä jȩi̧nö̧ttö̧mä̧, jȩpö̧ icu Diosmä.

San Mateo 9:22

Ja̧'hua̧nö̧ mȩja̧'a̧, Jesús kärächi'ö jahuäjuru topö päinäcuado: —Esehui, chittiju. Ucu cueseta'attö, aditö chicuäjäcujä. Iso päi'önä Jesús päji ta'anö yotäcu pi̧'i̧nä̧ju̧do.

Efesios 2:8

Iso päi'önä Dios ucuturu repea'attö, suronä jȩcu̧'ä̧tu̧cu̧ jȩpö̧ icuinö, Cristorö cuesetätucuomenä. Ucutu cuamönätucunä esetocotö pi̧nä̧tö̧jä̧. Diostä ja̧'hua̧nö̧ mippoönä iyinä̧u̧jä̧ cuesetätucua pä'ö.

Hechos 5:31

Ja̧u̧ru̧ tto'ädö, Dios u̧huo̧jua̧'a̧nä̧ hueinäcu ru̧hua̧ ö̧ja̧ pä'ö, suronä jȩttö̧ jȩpö̧ icu ö̧ja̧ pä'ö, Israel ttö̧ja̧ pärocuäcutä ttamöcuädomenä, suronä jȩtti̧nö̧ jȩpö̧ icua pä'ö.

San Juan 5:14

Ja̧u̧nu̧ o'ca'a, Jesús ja̧u̧ uborö Diosrö ucuocuäcuähuodenä topinödo. Ja̧u̧ru̧ pä'inödo: —Ä̧ju̧cui̧. Täcö na̧cu̧huä̧chä̧ji̧ttö̧ cu̧'i̧pä̧ji̧ o'ca'a, pä'äji ta'anö suronämä jȩcu̧'ä̧', pä'äji na̧cu̧huä̧chi̧nö̧ttö̧'i̧nä̧ abonänö rö̧ȩnä̧ na̧cu̧huä̧cha̧'a̧cu̧.

San Lucas 5:20

Ja̧u̧ru̧ i'cächäjätörö rö̧ȩnä̧ tteseta'a topö, Jesús pä'inödo ja̧u̧ 'cuä̧'a̧rö̧: —Cha̧hua̧ru̧hua̧, suronä jȩcu̧'i̧nö̧mä̧ jȩpö̧ icusä.

Colosenses 3:13

Korotörö cuami 'qui'ächi'önö ppä'ädätucui. Korotömä suronä jȩtto̧mȩnä̧ ucuturu, unichi'ätucui cu̧ra̧huä̧rä̧tu̧cuo̧ca̧'a̧. Cristo ucuturu suronä jȩcu̧'ä̧tu̧cu̧ unichi'inö ta'anö, unichi'ätucui korotörö.

2 Corintios 2:10

Jitämä ucutumä suronä jȩpö̧rö̧ cunichi'ätucuomenä, ttö'inä ja̧u̧ru̧ chu̧ni̧chi̧'ä̧cua̧sä̧. Ttö chunichi'ö kö̧ttö̧mä̧, Cristo ä'ca jo̧mȩttö̧ ucuturu amöcuädö unichi'inösä, Satanás suronä jȩa̧'a̧cu̧ ujuturu. O'ca toi'önä ujutu huo̧juä̧tö̧jä̧ ja̧u̧ jȩö̧mä̧.

1 Corintios 11:30

Iso päi'önä ja̧'hua̧nö̧ amöcuädäcuähuä juiyönä jȩtto̧mȩnä̧, ucututtu recuätö ka̧cuä̧tö̧ na̧'ä̧chä̧tö̧'i̧nä̧, juiyupätö'inä. Ja̧'hua̧ta̧nö̧ yotöte ja̧'hua̧nö̧ jȩpö̧ hua'ö icuinätödo.

Hechos 14:9

Ja̧u̧mä̧ adiu ä̧ju̧cui̧nö̧do Pablo ucuocua'a. Pablo ja̧u̧ru̧ topö huo̧jui̧nö̧do ja̧u̧ cue'ächocömä, Dios ttörö aditö i̧cuä̧cua̧ pä'ö esetäji.

Hechos 11:23

Bernabé juhua'a i̧'chi̧'o̧mȩnä̧, Diosmä ttö̧ja̧rö̧ adiu ppädina'a topö, esehuinödo. O'ca toi'önärö adiu ppä'ädö ucuocuinödo. Ji'ähuinödo Tu̧ru̧hua̧rö̧ adiu esetö ttö̧ja̧cua̧ pä'ö jarotti'ö juiyönä.

San Juan 2:25

Korotömä pi̧jä̧ ttö̧ja̧ ttö̧jö̧mä̧ jittähuarö pä'ö, pä'ocö pi̧nö̧do. Ja̧u̧mä̧ pi̧jä̧ ttö̧ja̧ ttami iso'quinä ttamöcuädömä huo̧jui̧nö̧do.

San Lucas 8:48

Jesús pä'inödo jahuäjuru: —Chittiju, cuesetäja'attö na̧cu̧huä̧chä̧ji̧mä̧ pi̧'ä̧jä̧ju̧jä̧. Jitämä cua̧'cua̧ adiunätä kä̧hui̧.

San Marcos 5:34

Jesús pä'inödo jahuäjuru: —Chittiju, cuesetäja'attö na̧cu̧huä̧chä̧ji̧mä̧ pi̧'ä̧jä̧ju̧jä̧. Jitämä cua̧'cua̧ adiunätä kä̧hui̧. Pä'äji ta'anö na̧cu̧hua̧cho̧ca̧'a̧ 'cu̧jä̧cua̧ju̧jä̧.

San Mateo 9:5

¿Tta̧'a̧nö̧ pätta'ajä̧ttö̧ ja̧u̧ 'cuä̧'a̧rö̧mä̧? “Ucu suronä jȩcu̧'u̧mä̧ jȩpö̧ icuäjisä” ¿jö̧nä̧cö̧? “Ä̧rä̧mi̧'ö̧ täi” ¿pätta'acö̧?

San Marcos 2:6

Ja̧'hua̧nö̧ ja̧'a̧nä̧ korotö hueähuä huȩnȩ huo̧juȩtä̧tö̧mä̧, ju̧huȩnȩ pȩjä̧tö̧mä̧, amöcuädinätödo: