San Marcos 14:36 - TÄ̧DO Ä̧CUÄ̧ I̧HUȨNȨ

³⁶ Ja̧'hua̧ta̧nö̧ Diosrö ucuocuinödo: —Ttö Chä'o, ucumä o'ca juiyönä jȩpö̧jä̧. Ucuru pä̧huä̧ rö̧jö̧ttö̧mä̧, pi̧yȩmä̧ ttö ubara ttudä̧cuȩmä̧, ubara ttudu juiya pä'ittö. Ja̧'hua̧ta̧nö̧ ja̧'a̧nä̧ ucuru pä̧huä̧ rö̧jö̧tä̧ jȩpi̧, ttörö pä̧huä̧ rö̧jö̧mä̧cö̧.

Nuevo Testamento Uwotjüja

³⁶ Ukuokumä̧ pä'inü̧: «Abbá», Chä'o ukumä̧ o'kajuiyünä̧ jȩ'ku̧tä̧ ja̧'a̧; pi̧yȩttü̧mä̧ chü̧ji̧pü̧nä̧ ppä'ädittü; ja̧'wa̧nü̧ ja̧'a̧nä̧, ttürü pä̧wä̧rü̧ja̧'a̧ku̧mä̧kü̧, ukuru pä̧wä̧rü̧jo̧mȩnä̧tä̧.

San Marcos 14:36 Referans Kwoze

Gálatas 4:6

Ja̧'hua̧nö̧ ja̧'a̧ttö̧ iso päi'önä chutä i̧tti̧mö̧ cu'ätucua'a cu̧huo̧juä̧tu̧cua̧ pä'ö, Espíritu Santorö iyinö cuami iso'quitucunä. Ja̧u̧ Espíritu Santo pä'ö: “¡Ttö Chä'o Dios!”

San Juan 5:30

Juhua'a yabonö pä'inödo Jesús: —Ttötä chamönä chamöcuädomenä, yoröiso jȩpo̧cö̧sä̧. Ttörö hueö'a̧nö̧ pä'ösä. Ja̧'hua̧ta̧nö̧ adiunätä pä'ösä. Ttörötä pä̧huä̧ rö̧jö̧tä̧ jȩcha̧ pä'ocösä. Chä'o, ttörö hue'inörö pä̧huä̧ rö̧jö̧tä̧ jȩcha̧ pä'ösä.

2 Timoteo 2:13

Churutä jaroti'a'anä, chutä ujuturu jaropi'ocö. Chutä Dios amönätämä ä̧ppö̧tä̧rä̧cuä̧huo̧cö̧.

San Juan 12:27

“Jitätä rö̧ȩnä̧ cha̧'cua̧ tta̧'ȩcu̧sä̧. ¿Tta̧'a̧nö̧ pädäcua'ajä̧ttö̧? “Chä'o, ttörö 'cuäopä̧cuȩmä̧ jȩpö̧ icuittö” ¿pädäcua'a tä̧ji̧? I̧socö̧. Ja̧'hua̧nö̧ ttörö 'cuäopa pä'ö ichinösä.

Tito 1:2

Ja̧'hua̧ta̧nö̧ kä̧cuä̧huä̧ i'co, Dios iya päinömä, tta̧ttä̧ra̧ pä'ö ji'äusä. Dios yoröiso yaparehuocö. Pi̧jä̧ juiyäi'inä, ja̧u̧ kä̧cuä̧huä̧ i'co iya pä'ö amöcuädinödo.

Filipenses 2:8

Ja̧u̧mä̧ ttö̧ja̧ i̧sa̧ ja̧'a̧nä̧, ji̧nä̧ isocu usurä i̧sa̧ ta'anö ki̧nö̧do. Ja̧u̧ o'ca juiyönä hueähuä'inä, uhuapare'inä jȩpi̧nö̧do. Ja̧u̧mä̧ dau isodänä kä̧nö̧ 'corupä'i'inödo.

San Juan 18:11

Ja̧'hua̧nö̧ jȩo̧mȩnä̧, Jesús Pedrorö pä'inödo: —Cucurodä hua'adö ku̧ni̧. Chä'orö pä̧huä̧ rö̧jö̧ttö̧mä̧ pi̧yȩ surojö 'cuädopa pä'ö, ¿ja̧u̧ru̧tä̧ amöcuädö 'cuädopö juiyäcua'a tä̧ji̧?

San Marcos 10:27

Jesús jahuätörö topö pä'inödo: —Pi̧jä̧ ttö̧ja̧ ja̧'hua̧nö̧ jȩpo̧co̧tö̧. Ya̧tȩtä̧ Diostä ja̧'hua̧nö̧ jȩpö̧, o'ca juiyönä jȩa̧'a̧ttö̧.

San Juan 4:34

Jesús jahuätörö pä'inödo: —Ttörö hue'inörö pä̧huä̧ rö̧jö̧tä̧ jȩcho̧mȩnä̧, ja̧u̧tä̧ ttö chu̧cuȩmä̧. Chutä aditähuä'inä cädädomenä, ja̧u̧tä̧ ttö chu̧cuȩmä̧.

San Mateo 26:39

Ja̧u̧nu̧ o'ca'a Jesús yabonänö 'chä̧nö̧, ö'ä rȩjȩcu̧ ja̧rȩyu̧nu̧ pä'i'ö Diosrö ucuocuinödo. Pä'inödo: —Ttö Chä'o, ucuru pä̧huä̧ rö̧jö̧ttö̧mä̧ pi̧yȩmä̧ ttö ubara ttudä̧cuȩmä̧ ubara ttudu juiya pä'ittö. Ja̧'hua̧ta̧nö̧ ja̧'a̧nä̧ ucuru pä̧huä̧ rö̧jö̧tä̧ jȩpi̧, ttörö pä̧huä̧ rö̧jö̧mä̧cö̧.

San Mateo 6:9

Ja̧'hua̧nö̧ ja̧'a̧ttö̧ pa̧'a̧nö̧ ucuocuätucui: Tä'o Dios, mo̧ro̧jä̧ra̧'a̧ kö̧jä̧. Ucu cui̧mi̧mä̧ adihuä cui̧mi̧ pä'ö ttucuotaja.

Hebreos 6:18

Ja̧'hua̧nö̧ ja̧'a̧ttö̧ koro juäi todäre jo̧mȩnä̧mä̧, yoröiso pärohuocö ja̧'a̧. Ja̧u̧ juäimä, Diosmä yoröiso yapareu pä'ocö. Ja̧u̧ juäi amöcuädö, Diosrö esetö kä̧nö̧, ujuturu ppä'ädö eseunu tö̧ja̧cua̧ pä'ö Dios iya päinö tta̧tä̧ro̧mȩnä̧.

San Mateo 26:42

Todärenä päi'önä ucuocu 'chi̧nö̧do. Pä'inödo: —Ttö Chä'o, ttö ubara ttudä̧cuȩmä̧ ubara ttudu juiya pä̧huä̧ juiyöttömä, ucurutä pä̧huä̧ rö̧jo̧mȩnä̧ jȩpi̧.

San Marcos 14:37

Ja̧'hua̧nö̧ ucuocu cä'ädi'ö, u̧huo̧juȩtä̧u̧ ttö̧'ö̧jo̧mȩ ppa̧'ä̧chi̧'i̧nö̧do. Jahuätö ä'ö ttö̧'ö̧ja̧'a̧ toinä̧u̧do. Pedrorö pä'inödo: —Simón, ¿ä'öjä? ¿A̧'u̧cua̧'a̧ to̧pä̧rö̧ cu'u juiyönä hua̧jä̧ tä̧ji̧?

San Marcos 10:39

Ja̧'hua̧nö̧ päomenä, ädätinätödo: —A̧, jȩtä̧cuo̧tö̧jä̧. Ja̧u̧nu̧ o'ca'a jahuätörö pä'inödo: —Iso päi'önä ttö ubara ttudu ta'anö, ubara ttucuhuäcuotöjä.