Biblia Todo Logo
Bib sou entènèt

- Piblisite -




San Marcos 14:22 - TÄ̧DO Ä̧CUÄ̧ I̧HUȨNȨ

22 Ja̧'hua̧nö̧ ttu̧cuȩ ttucuomenä, Jesús i̧ri̧si̧ u̧mö̧nä̧ 'chu̧'ä̧rö̧, Jä'o Diosrö ucuocuinödo. Ucuocuäji'ca̧, 'tȩ'chä̧rö̧ iyinödo u̧huo̧juȩtä̧u̧ru̧. Jahuätörö pä'inödo: —Ja̧ja̧. Pi̧yȩmä̧ ttötä jä̧ttä̧pä̧ya̧sä̧.

Gade chapit la Kopi

Nuevo Testamento Uwotjüja

22 Ja̧'wa̧nü̧, ttu̧kuȩ ttukuomȩ 'kä̧tȩnä̧, trigo i̧ri̧si̧ ȩmo̧po̧'ü̧, Dio ppäda pä'ü jä'epäji'ka̧, 'te'ädü iyükkä̧nü̧, päinä̧u̧: —Ja̧já̧, pi̧yȩmä̧ ttütä jä̧ttä̧pä̧ya̧ ja̧'a̧.

Gade chapit la Kopi




San Marcos 14:22
18 Referans Kwoze  

Jahuätörö pä'inödo: —Pi̧yȩmä̧ ttö chucuoja ja̧'a̧, jareö huȩnȩ chiya pä'ö ucuturu. Pi̧yȩ chucuojamä eräcua'a recuätörö ppäda pä'ö.


Ja̧u̧nu̧ o'ca'a jahuätöcu mesa isodänä ttö̧'ä̧mä̧do̧mȩnä̧, i̧ri̧si̧ u̧mö̧nä̧ ȩmö̧, Diosrö ucuocuinödo. Ucuocuäji'ca̧, 'tȩ'chä̧rö̧ iyinödo jahuätörö.


Ja̧'hua̧nö̧ ja̧'a̧nä̧'i̧nä̧ koro huoi'quiyu Tiberias ötahuiyättö ichö, jahuätö ttö̧ja̧ i̧ri̧si̧ Jesús Diosrö ucuocuäji o'ca'a ttucuinome tö'cönänö huä̧mi̧pä̧chi̧nä̧tö̧do.


Ja̧u̧nu̧ o'ca'a Jesús i̧ri̧si̧ ji̧mö̧tȩ jähuä ö̧si̧'i̧nä̧, po̧i̧ ta̧ju̧'i̧nä̧ u̧mö̧nä̧ 'chu̧'ä̧rö̧, mo̧ro̧jä̧ra̧'a̧ topö ucuocuinödo Diosrö. Ja̧u̧nu̧ o'ca'a i̧ri̧si̧ tȩ'chä̧rö̧ iyinödo u̧huo̧juȩtä̧u̧ru̧, juhua'a yabo ttiya pä'ö ttö̧ja̧rö̧. Ja̧'hua̧ta̧nö̧ po̧i̧ ta̧ju̧ru̧'i̧nä̧ tȩ'chä̧rö̧ iyinödo o'ca toi'önä ttö̧ja̧rö̧.


Ja̧'hua̧nö̧ ja̧'a̧ttö̧ ttö̧ja̧rö̧ hue'inödo rȩjȩ ttö̧'ä̧mä̧da̧ pä'ö. Ja̧u̧nu̧ o'ca'a i̧ri̧si̧ ji̧mö̧tȩ jähuä ö̧si̧'i̧nä̧, po̧i̧ ta̧ju̧'i̧nä̧ u̧mö̧nä̧ 'chu̧'ä̧rö̧, mo̧ro̧jä̧ra̧'a̧ topö ucuocuinödo Diosrö. Ja̧u̧nu̧ o'ca'a 'tȩ'chä̧rö̧ iyinödo u̧huo̧juȩtä̧u̧ru̧, juhua'a yabo ttiya pä'ö ttö̧ja̧rö̧.


Agarrö pä'ö päömä Arabia rȩjȩ kä'ca möä'ca Sinaí pä'ö micuä'ca pä'ö päa'a. Ja̧'hua̧ta̧nö̧ jitä tu̧huo̧juo̧mȩ Jerusalén ötahuiyä pä'ö päa'a. Ja̧u̧ ötahuiyä'inä ttö̧ja̧tä̧cu̧ korotö ttumöhuäyotö päi'önä ka̧cuä̧tö̧ jitä.


Ja̧'hua̧ta̧nö̧ o'ca toi'önä ttahua pä'ö'inä, Dios iyömä ji̧nä̧ yo̧mȩtȩ ahuinätödo. Jahuätö inähuättö, Dios iyinähuättö räoi'oya ahuinätödo. Ja̧u̧ inähuämä Cristo pi̧nö̧do. Ja̧u̧mä̧ jahuätöcu 'chi̧nö̧do.


Ja̧u̧nu̧ o'ca'a ppo̧'ä̧tö̧rö̧ 'chu'ädö, u̧mö̧nä̧ mȩ'ö̧, Diosrö ucuocuinödo Dios jahuätörö ppäda pä'ö.


Ubo I̧tti̧ Huȩyu̧cuä̧ Huȩnȩ päö'a̧nö̧ 'co̧ru̧juo̧ä̧chä̧cua̧. Ja̧'hua̧ ja̧'a̧nä̧ ja̧u̧ru̧, suronä jȩpä̧tö̧rö̧ i̧yä̧cua̧rö̧, suronä 'cuäopäcua'a. Ttörö i̧yä̧cua̧mä̧, yoröiso uhuäpächinö juiyöttömä, adihuaja'a.


Ja̧u̧nu̧ o'ca'a i̧so̧'ta̧ u̧mö̧nä̧ 'chu̧'ä̧rö̧, Jä'o Diosrö ucuocuäji'ca̧, iyinödo jahuätörö. Jahuätö o'ca toi'önä ahuinätödo.


Ja̧'hua̧ ja̧'a̧ i̧so̧'ta̧ u̧mö̧nä̧ 'chu̧'ä̧rö̧, Jä'o Diosrö ucuocuäji'ca̧ pä'inödo: —Pi̧yȩ iyä'chäcuäu ahuätucui ucutu o'ca toi'önä.


Swiv nou:

Piblisite


Piblisite