San Marcos 14:20 - TÄ̧DO Ä̧CUÄ̧ I̧HUȨNȨ

²⁰ Jesús jahuätörö ädätinödo: —Ucutu ttö̧jä̧pö̧ttö̧nö̧ ta̧ju̧nu̧ttu̧ ttöcu ji̧nä̧ ji̧bä̧tȩ sä̧rä̧bä̧nä̧ cu, ja̧u̧tä̧ ttörö i̧yä̧cua̧ suronä jȩpä̧tö̧rö̧.

Nuevo Testamento Uwotjüja

²⁰ Pättä'chiyäku, Jesú-mä̧ päinä̧u̧: —Jua̧u̧mä̧, doce-nü̧ wotüttü ya̧tȩ, ttütäku, ji̧nä̧ ji̧bä̧tȩnä̧ trigo i̧ri̧si̧ 'ti̧'ü̧ jä̧kua̧'a̧.

San Marcos 14:20 Referans Kwoze

San Juan 13:26

Jesús ja̧u̧ru̧ ädätinödo: —I̧ri̧si̧ ji̧'qui̧cha̧nö̧tä̧ ajiyanä pötädo'ö chiyäcu, ja̧u̧tä̧do. Ja̧'hua̧nö̧ pä'äji'ca̧ i̧ri̧si̧ ji̧'qui̧cha̧nö̧tä̧ ȩmo̧po̧'ö̧, ajiyanä pötädo'ö iyinödo Judas Iscarioterö, Simón i̧tti̧rö̧.

San Juan 6:71

Ja̧'hua̧nö̧ päomenä, Simón i̧tti̧rö̧, Judas Iscarioterö, ucuocuinödo. Ja̧u̧mä̧ u̧huo̧juȩtä̧u̧ ttö̧jä̧pö̧ttö̧nö̧ ta̧ju̧nu̧ huotö ja̧'a̧nä̧, Jesúsru suronä jȩpä̧tö̧rö̧ i̧yä̧cua̧ ji̧nö̧do.

San Lucas 22:47

Jesús ji̧nä̧ ucuocua'anä, recuätö ttö̧ja̧ ichinätödo. Chutä Judas pä'ö mi̧cua̧, ttö̧jä̧pö̧ttö̧nö̧ ta̧ju̧nu̧ u̧huo̧juȩtä̧u̧ttu̧ i̧sa̧ pi̧nö̧mä̧, ttä'canä ichinödo. Jesúsru hua'adi'a pä'ö tö'cönänö 'chä̧hui̧'i̧nö̧do.

San Marcos 14:43

Jesús ji̧nä̧ ucuocua'anä, Judas, ttö̧jä̧pö̧ttö̧nö̧ ta̧ju̧nu̧ u̧huo̧juȩtä̧u̧ttu̧ i̧sa̧ pi̧nö̧mä̧, ichinödo. Ja̧u̧cu̧ recuätö ttö̧ja̧ curodiyä'inä, dauhuiyä'inä 'chu̧huä̧rä̧nö̧ ichinätödo. Sacerdotes ruhuotö'inä, hueähuä huȩnȩ huo̧juȩtä̧tö̧'i̧nä̧, judíos ttö̧ja̧ ancianos huotö'inä huettäjä̧u̧mä̧ ichinätödo.

San Mateo 26:47

Jesús ji̧nä̧ ucuocuomenä, Judas, ttö̧jä̧pö̧ttö̧nö̧ ta̧ju̧nu̧ u̧huo̧juȩtä̧u̧ttu̧ i̧sa̧ pi̧nö̧ ichinödo. Ja̧u̧cu̧ recuätö ttö̧ja̧ curodiyä'inä, dauhuiyä'inä 'chu̧huä̧rä̧nö̧ ichinätödo. Sacerdotes ruhuotö'inä, judíos ttö̧ja̧ ancianos huotö'inä huettäjä̧u̧mä̧ ichinätödo.

San Mateo 26:23

Ja̧'hua̧ ja̧'a̧ Jesús jahuätörö ädätinödo: —Ttöcu ji̧nä̧ ji̧bä̧tȩ sä̧rä̧bä̧nä̧ cu, ja̧u̧tä̧ ttörö i̧yä̧cua̧ suronä jȩpä̧tö̧rö̧.

San Marcos 14:19

Ja̧'hua̧nö̧ ä̧ju̧cu̧ tta̧'cua̧ tta̧'ȩcui̧pi̧nä̧tö̧do. Ka̧ra̧'i̧nä̧, ka̧ra̧'i̧nä̧ jä'epinätödo: —¿Dijä̧ttö̧, ttö tä̧ji̧? Ka̧ra̧'i̧nä̧ jä'epinödo: —¿Dijä̧ttö̧, ttö tä̧ji̧?

San Marcos 14:21

Ubo I̧tti̧ Huȩyu̧cuä̧ Huȩnȩ päö'a̧nö̧ 'co̧ru̧juo̧ä̧chä̧cua̧. Ja̧'hua̧ ja̧'a̧nä̧ ja̧u̧ru̧, suronä jȩpä̧tö̧rö̧ i̧yä̧cua̧rö̧, suronä 'cuäopäcua'a. Ttörö i̧yä̧cua̧mä̧, yoröiso uhuäpächinö juiyöttömä, adihuaja'a.