San Marcos 13:32 - TÄ̧DO Ä̧CUÄ̧ I̧HUȨNȨ

³² “Ja̧'hua̧nö̧ ja̧'a̧nä̧ ichä̧cuȩ mo̧ro̧mä̧ yoröiso jerupätö. Angeles, mo̧ro̧jä̧nä̧ ka̧cuä̧tö̧'i̧nä̧, Dios I̧tti̧'i̧nä̧ jerupätö. Ya̧tȩtä̧ Tä'o Diostä ichä̧cuȩ mo̧ro̧ huo̧jua̧.

Nuevo Testamento Uwotjüja

³² Ja̧'wa̧nü̧ ja̧'a̧nä̧, jä̧kuȩ mo̧ro̧'i̧nä̧, jä̧kuȩ hora'i̧nä̧ tü'kümä̧ ya̧tȩ'i̧nä̧ yoriso jeruäkuäwa'a, mo̧ro̧jä̧nä̧ kka̧kuä̧tü̧ á̧gȩrȩ'i̧nä̧, I̧tti̧'i̧nä̧ jerupätü. Ja̧'wa̧nü̧ ja̧'a̧nä̧, Jä'otätä ja̧'a̧ wo̧jua̧mä̧.

San Marcos 13:32 Referans Kwoze

Hechos 1:7

Ja̧'hua̧nö̧ jättepomenä, ädätinödo Jesús: —Ja̧u̧ huȩä̧cuȩ mo̧ro̧ ucutu huo̧juo̧co̧tö̧jä̧. Chä'o hueömä, churutä pä̧huä̧ rö̧jo̧mȩnä̧tä̧ huȩä̧cua̧.

San Mateo 25:13

Ja̧'hua̧ ja̧'a̧ ucutu'inä to̧pä̧rö̧ ka̧cuä̧tu̧cui̧. Ubo I̧tti̧ ichäcuome yoröiso jerupätöjä, —pä'ö huo̧juȩti̧nö̧do Jesús.

Apocalipsis 3:3

Cu̧huo̧jui̧'i̧nö̧ huȩnȩ amöcuädi. Ja̧u̧ huȩnȩ päö'a̧nö̧ jȩpi̧. Pärocuäcutä amöcuädi. Cu'orächi'ö juiyöttömä, ya̧tȩ nä̧u̧cuä̧rö̧ i̧sa̧ ucu cuieruhuomenä ichö'a̧nö̧, chi̧chä̧cua̧sä̧ ucuru.

San Mateo 25:6

Ja̧u̧nu̧ o'ca'a yodo kä'co päi'omenä, huotta'a ä̧ju̧cui̧nä̧tö̧do: “¡Irecuarö ȩmö̧mä̧ täcö ichö! ¡Tocu'ätucua pä'ö rä'opätucui!”

2 Pedro 3:10

Tta̧ttä̧ro̧cö̧ mo̧ro̧ i̧chä̧cua̧do Tu̧ru̧hua̧mä̧. Nä̧u̧cuä̧rä̧tö̧ yodo ttichö'a̧nö̧, i̧chä̧cua̧do. Mo̧ro̧jä̧ra̧'a̧ttö̧ juruhuächi'ö ucuocuäcua'ado. Mo̧ro̧jä̧nä̧ ka̧cuä̧tö̧mä̧ kä̧hua̧tö̧'i̧nä̧, si̧ri̧'cö̧'i̧nä̧ o'ca toi'önä ocuränä cuo'ö icu bettipächäcuotödo. Pi̧jä̧ rȩjȩ'i̧nä̧, pi̧jä̧nä̧ ka̧cu̧'i̧nä̧ o'ca juiyönä cuo'ö icu beipächä̧cuȩdo.

San Mateo 25:19

“Recuo mo̧ro̧ o'ca'a, chutä ru̧hua̧ ppa̧'ä̧chi̧nö̧do jahuätö umöhuäyotö ttimitarö pä'ö.

Apocalipsis 1:1

Pi̧yȩ huȩnȩ, Dios Jesucristorö u̧huo̧juȩti̧nö̧ huȩnȩ, juhua'a yabonö, yodoji chutä umöhuäyotörö u̧huo̧juȩta̧ pä'ö huo̧juȩti̧nö̧do. Jesucristo pi̧yȩ huȩnȩ, yodoji 'cuäopä̧cuȩ huȩnȩ, juhua'a yabonö huo̧juȩti̧nö̧do Juanrö, chutä u̧mö̧huä̧ya̧rö̧, ángel jiähua'anä.

San Marcos 13:31

Mo̧ro̧jä̧'i̧nä̧, pi̧jä̧'i̧nä̧ beipächäcua'a. Ttö chi̧huȩnȩmä̧ yoröiso beipocö.