San Marcos 12:38 - TÄ̧DO Ä̧CUÄ̧ I̧HUȨNȨ

³⁸ Jesús jahuätörö huo̧juȩti̧nö̧do: —Hueähuä huȩnȩ huo̧juȩtä̧tö̧rö̧ ttu̧ȩcuä̧nä̧ ka̧cuä̧tu̧cui̧. Jahuätö ttö̧'ca̧tä̧huä̧ta̧ o̧to̧ä̧ta̧ ra̧'a̧nä̧ cuettächa pä̧huä̧ rö̧jä̧u̧. Ja̧'hua̧ta̧nö̧ ötahuiyänä cuettächomenä, o'ca toi'önä ucuotönö tettähuatö pä'ätödo.

Nuevo Testamento Uwotjüja

³⁸ Ja̧'wa̧nü̧ ja̧'a̧, Jesú wo̧juȩtü̧ pä'inü̧: Weäwä wȩnȩ wo̧juȩkuä̧ isotürü ä'kuoyäkuäunu̧ tta̧'a̧rä̧kuä̧wä̧tu̧kui̧, juätümä̧ tti̧ä̧rȩta̧ o̧to̧ä̧ta̧ 'ka̧tä̧wi̧'ü̧ kkä̧kuä̧wä̧tä̧ kkü'kätü ja̧'wa̧ta̧nü̧ ttu̧kuȩ ȩmä̧wo̧mȩttü̧ rü̧ȩnä̧ ukuotünü̧ tettäwatütä pä'ätü.

San Marcos 12:38 Referans Kwoze

San Lucas 11:43

“Fariseos huotö, suronä 'cuäopäcua'a ucuturu. Judíos ttu̧huo̧jui̧'i̧nodehuiyättö, korotöttö'inä abonänö adihuä̧cä̧nä̧ cu̧'ä̧mä̧dä̧tu̧cua̧ pä'ätöjä. Ja̧'hua̧ta̧nö̧ ötahuiyänä cuecuhuächätucuomenä, ucuotönö tettähuätucuacu pä'ätöjä.

San Mateo 6:5

“Ja̧'hua̧ta̧nö̧ Diosrö cucuocuätucuomenä, korotö amönä judíos ttu̧huo̧jui̧'i̧nodettö'inä, ötahuiyättö'inä ttö̧ja̧ jahuätörö tottatö pä'ö jȩttö̧'a̧nö̧, jȩcu̧'ä̧tu̧cuä̧'. Iso päi'önä pä'ösä ucuturu, ja̧'hua̧nö̧ jȩtto̧mȩnä̧, ttö̧ja̧ jahuätörö tottomenä, ja̧u̧nu̧tä̧ ȩmä̧tö̧ ttucuocuäji micuä.

San Marcos 4:2

Jesús koro juäi jä̧'i̧nö̧'a̧nö̧ jö̧ huȩnȩ ji'äu, rö̧ȩnä̧ huo̧juȩti̧nö̧do jahuätörö. Huo̧juȩtö̧ pä'inödo:

San Mateo 10:17

Ttu̧ȩcuä̧nä̧ ka̧cuä̧tu̧cui̧. Korotömä ucuturu ruhuotörö ttiyäcuotö. Ja̧'hua̧ta̧nö̧ judíos ttu̧huo̧jui̧'i̧nodehuiyättö cuäcuättäcuotö ucuturu.

3 Juan 1:9

Iglesia ruhuärö, cuidepiyura̧'a̧ ka̧cuä̧tö̧rö̧, chi̧huȩnȩ huedinö, Diótrefesmä ä̧ju̧cu̧ esetocö pi̧nö̧. Chutätä cu̧ru̧hua̧tu̧cu̧ ö̧ja̧ pä̧huä̧ rö̧jä̧cu̧.

San Marcos 12:39

Jahuätömä judíos ttu̧huo̧jui̧'i̧nodehuiyättö'inä, ttu̧cuȩ ttucuomettö'inä, korotöttö'inä abonänö adihuä̧cä̧nä̧ ttö̧'ä̧mä̧da̧ pä'ätödo.