San Marcos 12:34 - TÄ̧DO Ä̧CUÄ̧ I̧HUȨNȨ

³⁴ Ja̧'hua̧nö̧ päomenä, adiu ädätäja'a ä̧ju̧cu̧, Jesús päinäcudo: —Dios Cu̧ru̧hua̧ päi'önä ö̧ja̧cua̧ cueseta pä'ö otohuocöjä. Ja̧u̧nu̧ o'ca'a juhua'a yabo jä'epö ä̧ju̧cuo̧co̧tö̧ pi̧nä̧tö̧do Jesúsru.

Nuevo Testamento Uwotjüja

³⁴ Ja̧'wa̧nü̧ ja̧'a̧ttü̧, adiu wo̧juȩku̧nä̧ ädätäjiyäku, Jesú-mä̧ päinä̧ku̧: —Ru̧wa̧ Dio weomȩttü̧mä̧ otomä̧ kko̧kü̧jä̧. Jua̧u̧nü̧ o'ka'amä̧, ya̧tȩ'i̧nä̧ jä'epü ttä̧ju̧kua̧ pättokoku pinü̧.

San Marcos 12:34 Referans Kwoze

Colosenses 4:6

Cucuocuätucuomenä, 'corujuäinä ucuocuätucui huo̧ju̧nä̧, korotö ttö̧ra̧huä̧rö̧ juiyäcua'a̧nö̧. Ja̧'hua̧ta̧nö̧ ädätäcuähuänä'inä huo̧ju̧nä̧ ädätätucui o'ca toi'önärö.

San Lucas 20:40

Ja̧u̧nu̧ o'ca'a ja̧u̧ru̧ yoröiso jättepococu pi̧nö̧do.

San Mateo 22:46

Ja̧'hua̧nö̧ päomenä, yoröiso ji̧'qui̧cha̧nö̧'i̧nä̧ ädätocotö pi̧nä̧tö̧do. Ja̧'hua̧ta̧nö̧ ja̧u̧nu̧ o'ca'a juhua'a yabo jä'epö ä̧ju̧cuo̧co̧tö̧ pi̧nä̧tö̧do Jesúsru.

Gálatas 2:19

Moisés hueähuä huȩnȩmä̧ jȩcho̧mȩnä̧, 'corujuo'ächätö jä̧'i̧nö̧'a̧nö̧ jä̧cu̧sä̧ ttömä. Ja̧u̧tä̧ Moisés hueähuä huȩnȩ 'corupädi'önä jȩä̧cu̧sä̧ Dioscu chö̧ja̧ pä'ömä.

Romanos 7:9

Pä'äjimä hueähuä huȩnȩ juiyönä ki̧nö̧sä̧. Ja̧'hua̧nö̧ ja̧'a̧nä̧ hueähuä huȩnȩ rȩbȩhuo̧mȩnä̧, surojö rö̧ä̧chi̧na̧'a̧ ttörö. Ja̧'hua̧nö̧ päi'omenä, 'corupä'i'ätö jä̧'i̧nö̧'a̧nö̧ ki̧nö̧sä̧.

San Mateo 12:20

Koro nä̧yö̧na̧ su̧ro̧jä̧na̧'i̧nä̧ yoröiso 'te'ädocö jä̧cua̧. Tejähuore adiunä cuocore'inä, yoröiso na̧'ȩpo̧cö̧ jä̧cua̧. Ja̧u̧ hueome jubö päi'önä ja̧'hua̧nö̧ jȩpo̧cö̧ jä̧cua̧.

San Mateo 12:15

Jesús ja̧'hua̧nö̧ ttucuocua'a ä̧ju̧cu̧, juhua'attö rä'opächinödo. Ttö̧ja̧ recuätö o'ca'anä 'chi̧nä̧tö̧do. O'ca toi'önä na̧'ä̧chä̧tö̧rö̧ aditö icuinödo.