San Marcos 12:31 - TÄ̧DO Ä̧CUÄ̧ I̧HUȨNȨ

³¹ Ja̧'hua̧ta̧nö̧ ja̧u̧ o'ca'a adihuä juäi hueähuä huȩnȩ yoräteunänö päa'a: “Cua̧hua̧ru̧hua̧rö̧ repe'i, ucutä cuamönä repecuhuäu ta'anö.” Hueähuä huȩnȩ pi̧yȩttö̧'i̧nä̧ abonänö adiumä juiya'a.

Nuevo Testamento Uwotjüja

³¹ Ja̧'wa̧ta̧nü̧ jua̧u̧ o'komȩnä̧ jäwämä̧, jua̧u̧ jü̧ta̧'a̧nü̧ ja̧'a̧: «Yotükupünä̧ tta̧wa̧ru̧wa̧rü̧mä̧ esewätukui, kua̧mü̧nä̧ repe'äkuäu kueseäkuäwätukuta'anü̧.» Pi̧yȩtä̧ ja̧'a̧ ji̧nä̧so ukuo jäwämä̧.

San Marcos 12:31 Referans Kwoze

San Mateo 22:39

Ja̧'hua̧ta̧nö̧ ja̧u̧ o'ca'a adihuä juäi hueähuä huȩnȩ yoräteunänö päa'a: “Cua̧hua̧ru̧hua̧rö̧ repe'i, ucutä cuamönä repecuhuäu ta'anö.”

San Lucas 10:27

Moisés hueähuä huȩnȩ huo̧juȩcuä̧ i̧sa̧ ädätinödo: —“Cuä̧do̧ ä̧cua̧ Cu̧ru̧hua̧ Diosrö cuami iso'quinä'inä, cua̧'cua̧ru̧hua̧nä̧'i̧nä̧, cujurunä'inä, cuamöcuädönä'inä o'ca juiyönä repe'i. Ja̧'hua̧ta̧nö̧ cuahuaruhuärö repe'i ucutä cuamönä repecuhuäu ta'anö.”

San Mateo 7:12

“Ja̧'hua̧nö̧ ja̧'a̧ttö̧ korotö ucuturu jȩtta̧ päcuhuätucumä, jahuätörötä ä'canä adiu jȩpä̧tu̧cui̧, ucutu jȩcu̧'ä̧tu̧cu̧ ta'anö jȩtta̧ pä'ö ucuturu. Iso päi'önä Moisés hueähuä huȩnȩ'i̧nä̧, Dios i̧huȩnȩ jiäcuähuä isotö pättinö huȩnȩ'i̧nä̧ ja̧'hua̧nö̧ päa'a, —pä'ö huo̧juȩti̧nö̧do Jesús.

Gálatas 5:14

O'ca juiyönä hueähuä huȩnȩmä̧ pi̧yȩ ji̧yȩtȩ hueähuänätä ttu̧huo̧ju̧: “Cua̧hua̧ru̧hua̧rö̧ repe'i, ucutä cuamönä repecuhuäu ta'anö.”

1 Juan 4:21

Dios ujuturu hueinömä päa'a: Diosrö repe'ömä, ö̧jä̧hua̧rö̧'i̧nä̧ repeö'a̧nö̧ ja̧'a̧.

San Marcos 12:32

Ja̧'hua̧ ja̧'a̧ttö̧ ja̧u̧ hueähuä huȩnȩ huo̧juȩtä̧tö̧ i̧sa̧ pä'inödo: —Adiu pä'öjä, Huo̧juȩcuä̧ I̧sa̧. Iso päi'önä pä'öjä, ya̧tȩtä̧ Dios kö̧. Ka̧ra̧mä̧ yoröiso toa'a.