San Marcos 12:29 - TÄ̧DO Ä̧CUÄ̧ I̧HUȨNȨ

²⁹ Jesús ädätinäcudo: —Korottö'inä abonänö adihuä juäi hueähuä huȩnȩ pi̧yȩjä̧: “Ä̧ju̧cuä̧tu̧cui̧ Israel ttö̧ja̧, Tu̧ru̧hua̧ Diostä, ya̧tȩtä̧ Tu̧ru̧hua̧mä̧.

Nuevo Testamento Uwotjüja

²⁹ Jesú-mä̧, ädätinä̧ku̧: —Weäwä wȩnȩ o'kajuiyünä̧ttü̧ ji̧nä̧so ukuo jäwämä̧ pi̧yȩ ja̧'a̧: «Irae ttü̧ja̧, ä̧ju̧kuä̧tu̧kui̧: Tu̧ru̧wa̧ Tü̧ä̧nä̧wa̧mä̧, ya̧tȩtä̧, Ru̧wa̧ ja̧'a̧.

San Marcos 12:29 Referans Kwoze

San Lucas 10:27

Moisés hueähuä huȩnȩ huo̧juȩcuä̧ i̧sa̧ ädätinödo: —“Cuä̧do̧ ä̧cua̧ Cu̧ru̧hua̧ Diosrö cuami iso'quinä'inä, cua̧'cua̧ru̧hua̧nä̧'i̧nä̧, cujurunä'inä, cuamöcuädönä'inä o'ca juiyönä repe'i. Ja̧'hua̧ta̧nö̧ cuahuaruhuärö repe'i ucutä cuamönä repecuhuäu ta'anö.”

Gálatas 3:20

Ja̧'hua̧nö̧ ja̧'a̧nä̧ yoröiso recuä rö̧jo̧co̧u̧jä̧ ya̧tȩrö̧tä̧ tucuocuomenä. Iso päi'önä Diosmä ya̧tȩtä̧do.

Romanos 3:30

Toa'a ka̧ra̧ Diosmä. Yoröiso ya̧tȩä̧tä̧ kö̧. Ja̧u̧mä̧ Jesucristorö esetätörö jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö judíos ttö̧ja̧rö̧'i̧nä̧, judíos huocotörö'inä.

1 Corintios 8:4

Ja̧'hua̧ ja̧'a̧ttö̧ cuäcuähuä ttucuäcua'a ä'canä, ttu̧mö̧nä̧ adicuä juäi ttä'ca ttucuocuomenä, yoröiso micuähuoca'a huo̧juä̧tö̧jä̧. Iso päi'önä huo̧juä̧tö̧jä̧ ya̧tȩä̧tä̧ kö̧ Diosmä.

Santiago 2:19

Ucumä esetöjä Dios ya̧tȩtä̧ kö̧ pä'ö. Ja̧'hua̧nö̧ cuesetomenä, adiu esetöjä. Ja̧'hua̧nö̧ ja̧'a̧nä̧ espíritus suropätö'inä Diosrö esetö ttö̧'ä̧huä̧tö̧.

1 Timoteo 2:5

Ya̧tȩtä̧ kö̧ Dios. Ja̧'hua̧ta̧nö̧ ya̧tȩtä̧ Dios ä'ca jo̧mȩttö̧ pi̧jä̧ ttö̧ja̧ ttucuocuomenä ji'äu. Ja̧u̧ ubomä Jesucristo.

1 Timoteo 1:5

Iso päi'önä pi̧yȩ huȩnȩ cu̧huo̧juȩtö̧'a̧nö̧ ja̧'a̧ Timoteo, tami iso'qui surojö juiyönä kä̧nö̧, adiu amöcuädö kä̧nö̧, Diosrö adiu esetö kä̧nö̧, tahuaruhuärö repetäcuä'a̧nö̧.

San Mateo 23:9

Pi̧jä̧nä̧ ka̧cuä̧tö̧rö̧ “Chä'o” päcuhuätucuä'. Ya̧tȩrö̧tä̧ Cuä'o mo̧ro̧jä̧nä̧ kö̧rö̧tä̧ ku̧nä̧rä̧tö̧jä̧.

San Mateo 10:37

“Ya̧tȩ jä'orö'inä, ja̧ju̧ru̧'i̧nä̧, ttöttö'inä abonänö repeöttömä, ttö chi̧tti̧ päi'a pä'ö adihuä i̧sa̧cö̧. Ja̧'hua̧ta̧nö̧ ya̧tȩ i̧tti̧rö̧'i̧nä̧, ittijuru'inä, ttöttö'inä abonänö repeöttömä, ttö chi̧tti̧ päi'a pä'ö adihuä i̧sa̧cö̧.