San Marcos 12:1 - TÄ̧DO Ä̧CUÄ̧ I̧HUȨNȨ

¹ Ja̧u̧nu̧ o'ca'a Jesús koro juäi jä̧'i̧nö̧'a̧nö̧ jö̧ huȩnȩ ucuocu pä'inödo: —Ya̧tȩ ubomä uva pätta rö̧ätta ku̧ni̧nö̧do. U̧ju̧nä̧ji̧ o'ca'a, jäyänä aditinödo i̧so̧ca̧. Isode'inä, uriyu'inä aditinödo, uva isoya ya̧tta̧ pä'ö. Ja̧u̧nu̧ o'ca'a isode ju'toju isode aditinödo, ya̧tȩ juhuodenä kä̧nö̧ to̧ä̧ra̧ pä'ö o'ca juiyönä ö'ätta. Ja̧u̧nu̧ o'ca'a adicuä ttö̧ja̧rö̧ hue'ipinödo. Chutä kara'atä cue'ächinödo.

Nuevo Testamento Uwotjüja

¹ Ja̧'wa̧ta̧nü̧ Jesú-mä̧ wȩnȩtä̧rü̧, kkä̧mä̧dü̧ ukuokuinä̧u̧: Ya̧tȩ, uwa pätta kku̧nu̧, jäyättanä̧ tto'epü kku̧ni̧pü̧; vino isoya adikuäkuomȩ'i̧nä̧ jo̧mȩnü̧ jȩpü̧ kku̧ni̧pü̧ ja̧'wa̧ta̧nü̧ o'kajuiyünä̧ to̧pä̧rü̧ wä̧kuä̧wäkä'i̧nä̧ jo̧mȩnü̧ aditü kku̧ni̧pü̧. Pätta adikuä isotürü mitäu kkä̧nü̧ ttadita pä'ü we'ipü kkara'a kue'ächü 'chi̧nü̧.

San Marcos 12:1 Referans Kwoze

San Marcos 13:34

Ya̧tȩ ubo cue'ächö 'chä̧nö̧, ojusodenä umöhuäyotörö hueipa'a jä̧'i̧nö̧'a̧nö̧ ja̧'a̧. Jahuätörö hue'ö ttaditähuä pö̧nä̧. Äpate ä'ca tta̧huä̧rä̧cuä̧huä̧ i̧sa̧rö̧'i̧nä̧ tta̧huä̧ra̧ pä'ö hue'ipö.

San Marcos 4:2

Jesús koro juäi jä̧'i̧nö̧'a̧nö̧ jö̧ huȩnȩ ji'äu, rö̧ȩnä̧ huo̧juȩti̧nö̧do jahuätörö. Huo̧juȩtö̧ pä'inödo:

San Mateo 25:14

Ja̧'hua̧ta̧nö̧ huo̧juȩti̧nö̧do Jesús: —Dios hueömä ya̧tȩ kara'a i̧'chä̧cua̧'a̧ ä'canä umöhuäyotörö huopö pärätä iyipa'a jä̧'i̧nö̧'a̧nö̧ ja̧'a̧.

Hechos 7:38

Ja̧u̧tä̧ Moisés ttö̧ja̧ tome ki̧nö̧do Israel ttö̧ja̧cu̧. Ja̧u̧ru̧ Sinaí inähuättö ángelcu ucuocuinömä tä̧do̧tö̧ mi̧nä̧cu̧ ki̧nö̧do. Ja̧u̧tä̧ Moisés ȩmi̧nö̧ kä̧cuä̧huä̧ huȩnȩ ujuturu iya pä'ö.

San Lucas 19:12

Ja̧'hua̧nö̧ ja̧'a̧ päinä̧u̧do: —Ya̧tȩ ki̧nö̧do ucuo i̧sa̧. Korotö tti̧rȩjä̧ra̧'a̧ i̧hui̧nö̧do ru̧hua̧ ttu̧ju̧na̧rö̧ pä'ö. Ju̧huȩnȩ o'comenä, ppa̧'ä̧chi̧nö̧do pä'äji ta'anö.

San Lucas 15:13

A̧'u̧cu̧nä̧tä̧ mo̧ro̧ o'come i̧tti̧ röji ru̧hua̧ öäre o'ca juiyönä ca̧ca̧ti̧'ö̧, i̧hui̧nö̧do korotö tti̧rȩjä̧ra̧'a̧ juhuorö oto. Juhua'atä kä̧nö̧ suronä jȩpö̧, öäre pärätä be'ecu icuinödo.

San Lucas 8:10

Ja̧'hua̧ ja̧'a̧ päinä̧u̧do: —Dios iyinödo ucuturu Dios Cu̧ru̧hua̧ päi'önä ö̧jä̧cuȩ huȩnȩ, ttö̧ja̧ ttieru huȩnȩ, cu̧huo̧juä̧tu̧cua̧ pä'ö. Ja̧'hua̧nö̧ ja̧'a̧nä̧ korotörömä ucuocusä koro juäi jä̧'i̧nö̧'a̧nö̧ jö̧ huȩnȩnä̧. Ja̧'hua̧nö̧ ä̧ju̧cu̧ to̧ttä̧ro̧mȩnä̧, topocotö. Ttä̧ju̧cuä̧ro̧mȩnä̧, 'cucuächi'oca'a ä̧ju̧cuä̧tö̧.

San Mateo 21:28

Ja̧'hua̧ta̧nö̧ Jesús päinä̧u̧do: —Pi̧yȩ huȩnȩmä̧ ¿tta̧'a̧nö̧ cuamöcuädätucuättö? Ya̧tȩ i̧tti̧mö̧rö̧ ta̧ju̧ru̧ ku̧nä̧ri̧nö̧do. Ya̧tȩrö̧ pä'inödo: “Chi̧tti̧, jitä mo̧ro̧ chö'ättanä aditäji.”

San Lucas 22:9

Jahuätö jä'epinätödo: —¿Tottö jȩtä̧cua̧'a̧jä̧ttö̧?

San Mateo 13:3

Jesús koro juäi jä̧'i̧nö̧'a̧nö̧ jö̧ huȩnȩ ji'äu, rö̧ȩnä̧ huo̧juȩti̧nö̧do jahuätörö. Pä'inödo: —Ya̧tȩ ku̧nä̧huä̧ ru̧hua̧ ku̧nu̧ 'chi̧nö̧do.

San Mateo 21:33

“Pi̧yȩ koro juäi jä̧'i̧nö̧'a̧nö̧ jö̧ huȩnȩ'i̧nä̧ ä̧ju̧cuä̧tu̧cui̧. Ya̧tȩ ubomä uva pätta ku̧ni̧nö̧do. U̧ju̧nä̧ji̧ o'ca'a jäyänä aditinödo i̧so̧ca̧. Isode'inä, uriyu'inä aditinödo uva isoya ya̧tta̧ pä'ö. Ja̧u̧nu̧ o'ca'a isode ju'toju isode aditinödo ya̧tȩ juhuodenä kä̧nö̧ to̧ä̧ra̧ pä'ö o'ca juiyönä ö'ätta. Ja̧u̧nu̧ o'ca'a adicuä ttö̧ja̧rö̧ hue'ipinödo. Chutä kara'atä cue'ächinödo.

San Mateo 21:34

Uvamä täcö tädomenä, pätta ru̧hua̧ umöhuäyotöttö yotöcunä hue'inödo chutä u̧cuȩ uva ttȩma̧ja̧ pä'ö adicuä ttö̧ja̧rö̧ jä'epö.

San Marcos 3:23

Ja̧'hua̧ ja̧'a̧ Jesús jahuätörö huopö, koro juäi jä̧'i̧nö̧'a̧nö̧ jö̧ huȩnȩ ucuocu, pä'inödo: —Satanásmä, ¿tta̧'a̧nö̧ pä'ö, rä'epö icua'ajä̧ttö̧ chutä Satanásrö?

San Marcos 11:33

Ja̧'hua̧ ja̧'a̧ttö̧ Jesúsru pä'inätödo: —Ujutu jerupätöjä. Ja̧'hua̧nö̧ pättomenä, chutä ädätinödo: —Ja̧u̧ttu̧mä̧ ttörö hue'inörömä ji'ähuocösä, —ädätinödo Jesús.