San Marcos 11:14 - TÄ̧DO Ä̧CUÄ̧ I̧HUȨNȨ

¹⁴ Ja̧'hua̧ ja̧'a̧ Jesús pä'inödo: —Korotö'inä yoröiso ttucuocoijä cu̧huä̧ju̧mä̧. Ja̧'hua̧nö̧ päomenä, u̧huo̧juȩtä̧u̧mä̧ ä̧ju̧cui̧nä̧tö̧do.

Nuevo Testamento Uwotjüja

¹⁴ Ja̧'wa̧nü̧ ji̧yä̧ku̧, Jesú-mä̧ higo kuäwäi pätetü pä'inü̧: —¡Yoriso, ya̧tȩ'i̧nä̧, pä'äjita'anü̧ ku̧wä̧ju̧ttü̧mä̧ kuäkuäwokoi jä̧kuäijä̧! Pä'a, ä̧ju̧kui̧nä̧tü̧ u̧wo̧juȩtä̧u̧mä̧.

San Marcos 11:14 Referans Kwoze

San Mateo 21:19

Mä̧nä̧ jäyänä topinödo cuäcuähuäi, higuera pä'ö micuäi. Tö'cönänö 'chä̧hui̧'ö̧ tomenä, u̧huä̧ju̧mä̧ juiyina'ado. Ojiyätä ji̧na̧'a̧do. Ja̧'hua̧ ja̧'a̧ Jesús pä'inödo: —Korotö'inä yoröiso ttucuocoijä cu̧huä̧ju̧mä̧. Yotäcu päomenä, juhuäi hua'ö icuina'ado.

San Juan 15:6

Koro ä̧na̧jui̧yä̧ do'opö tticu joipö o'ca'a, ca̧ca̧tö̧ ocuränä ku tticua'a jä̧'i̧nö̧'a̧nö̧, 'cuä̧o̧pä̧cua̧ ttörö todeunä ko̧cö̧mä̧.

San Mateo 7:19

O'ca juiyönä dauhuiyä adihuä juäi huȩjo̧cö̧mä̧, ku̧'u̧ icu, ku tticu'a̧nö̧ ja̧'a̧ ocuränä.

San Mateo 3:10

I̧da̧pä̧'quȩ täcö jo̧mȩ päi'a'a dauhuiyä ku̧'u̧ icua pä'ö. Ja̧'hua̧ta̧nö̧ o'ca juiyö dauhuiyä adihuä juäi cuäcuähuä huȩjo̧cö̧mä̧, ku̧'u̧ icuipö ku i̧cuä̧cua̧ ocuränä.

Apocalipsis 22:11

Ja̧'hua̧ ja̧'a̧ suronä jȩpä̧tö̧mä̧, huäinä suronä jȩpä̧tö̧. Koro juäi idicu juäi jȩpä̧tö̧mä̧, huäinä jȩpä̧tö̧. Ja̧'hua̧nö̧ ja̧'a̧nä̧ adiu jȩpö̧mä̧, adihuä juäi jȩä̧cua̧'a̧nö̧. Ja̧'hua̧ta̧nö̧ Dios ä'ca jo̧mȩttö̧ adihuä i̧sa̧mä̧, Diosrötä amöcuädö ö̧jä̧cua̧'a̧nö̧.

San Mateo 21:44

Ja̧'hua̧ta̧nö̧ juhuähuänä ma̧'ä̧tö̧mä̧, 'tattipäcuotö. Ja̧'hua̧ta̧nö̧ juhuähuä korotörö ma̧ö̧ttö̧mä̧, i̧sa̧ppȩ päi'önä ttunu'cuächi'äcuotö, —pä'inödo Jesús.

2 Pedro 2:20

Tu̧ru̧hua̧ Jesucristorö huo̧juä̧tö̧mä̧, suronä ttö̧ja̧cui̧nö̧ttö̧ rä'opächinätö. Ja̧'hua̧nö̧ ja̧'a̧ pä'äji ta'anö suronä jȩpö̧ ppa̧ttä̧chö̧ttö̧mä̧, äcuomenä ttö̧ja̧cui̧nö̧ttö̧'i̧nä̧ abonänö suronä ka̧cuä̧tö̧.

San Mateo 21:33

“Pi̧yȩ koro juäi jä̧'i̧nö̧'a̧nö̧ jö̧ huȩnȩ'i̧nä̧ ä̧ju̧cuä̧tu̧cui̧. Ya̧tȩ ubomä uva pätta ku̧ni̧nö̧do. U̧ju̧nä̧ji̧ o'ca'a jäyänä aditinödo i̧so̧ca̧. Isode'inä, uriyu'inä aditinödo uva isoya ya̧tta̧ pä'ö. Ja̧u̧nu̧ o'ca'a isode ju'toju isode aditinödo ya̧tȩ juhuodenä kä̧nö̧ to̧ä̧ra̧ pä'ö o'ca juiyönä ö'ätta. Ja̧u̧nu̧ o'ca'a adicuä ttö̧ja̧rö̧ hue'ipinödo. Chutä kara'atä cue'ächinödo.

San Marcos 11:13

Mä̧nä̧ttö̧ otomenänö topinödo cuäcuähuäi, higuera pä'ö micuäi, ojiyä ppöröhuäi. U̧huä̧ju̧ huȩja̧ pä'ö topö 'chi̧nö̧do. 'Chä̧hui̧'ö̧ tomenä, ojiyätä ji̧na̧'a̧do, u̧huä̧ju̧ huȩjo̧cö̧ pä̧nä̧ ja̧'a̧ttö̧.

San Marcos 11:15

Jerusalén ötahuiyära̧'a̧ 'chä̧hui̧'i̧nä̧tö̧do. Jesús Diosrö ucuocuäcuähuodenä do'ächi'ö, o'ca toi'önä ttȩmä̧'i̧jä̧u̧ru̧'i̧nä̧, ttiyä'ijä̧u̧ru̧'i̧nä̧ dochäu icuinödo. Pärätä päroäcuähuä isotö ttöäre mesa isodä ä̧ppä̧tö̧ icuinödo. U̧nu̧cu̧tu̧ru̧ ttiyä'ijö ttöäre päcuähuodiyä'inä ä̧ppä̧tö̧ icuinödo.