San Marcos 10:41 - TÄ̧DO Ä̧CUÄ̧ I̧HUȨNȨ

⁴¹ Korotö u̧huo̧juȩtä̧u̧mä̧ to̧mö̧rȩ ruhuä ja̧'hua̧nö̧ ttä̧ju̧cuo̧mȩnä̧, Jacobonörö, Juannörö ra̧huä̧ri̧nä̧tö̧do.

Nuevo Testamento Uwotjüja

⁴¹ Ja̧'wa̧nü̧ ä̧ju̧ku̧, kkorotü u̧wo̧juȩtä̧u̧ to̧mü̧rȩ ruwämä̧, Jacobo-rü'i̧nä̧ Ju̧a̧-rü̧'i̧nä̧ ra̧wä̧ri̧pi̧nä̧tü̧.

San Marcos 10:41 Referans Kwoze

Filipenses 2:3

Yoröiso ucutu cuamönätucunä a'cuoyäu amöcuädö jȩcu̧'ä̧tu̧cuä̧'. Usurä i̧sa̧ jö̧'a̧nö̧ amöcuädö cu̧ja̧cuä̧tu̧cua̧ja̧. Korotörö, ttöttö'inä abonänö adihuä isotö pä'ö, amöcuädätucui.

Romanos 12:10

Korotö korotönörö repe'ätucui cuamönä cu̧jä̧hua̧tö̧rö̧ repecuhuätucu ta'anö. Ucuotönö ka̧cuä̧tu̧cui̧ korotö korotöcu.

Santiago 4:5

Amönä huȩnȩcö̧ Dios i̧huȩnȩ päömä: Espíritu Santomä, Dios ujutucu ö̧ja̧ pä'ö hueinäcumä, ujuturu a'cuoyäunu repe'ö tta̧'ä̧rö̧.

San Lucas 22:24

Ja̧u̧nu̧ o'ca'a jahuätö ttamönätä ucuocuinätödo dijä̧ttö̧ korotöttö'inä abonänö adihuä i̧sa̧mä̧ pä'ö.

San Mateo 20:24

Korotö u̧huo̧juȩtä̧u̧mä̧ to̧mö̧rȩ ruhuä ja̧'hua̧nö̧ ttä̧ju̧cuo̧mȩnä̧, Jacobonörö, Juannörö ra̧huä̧ri̧nä̧tö̧do.

San Marcos 10:42

Jesús jahuätörö o'ipö pä'inödo: —Ucutu huo̧juä̧tö̧jä̧, korotö ttö̧ja̧ ji̧nä̧ isocu tturuhuotömä pä̧i̧cu̧nä̧ hue'ätö ttumöhuäyotörö. Ja̧'hua̧ta̧nö̧ ttumöhuäyotö ppeyä ruhuotö'inä, juhua'a yabonä pä̧i̧cu̧nä̧ hue'ätö tö̧ja̧rö̧.

San Lucas 22:25

Ja̧'hua̧nö̧ pättomenä, Jesús päinä̧u̧do: —Pi̧jä̧ ttö̧ja̧ tturuhuotö ttamönä ttahuaruhuärö huettö'a̧nö̧ hue'ätödo ttö̧ja̧rö̧. Ja̧'hua̧ta̧nö̧ “U̧mä̧tö̧rö̧ adiunä jȩpä̧tö̧do”, pä'ätö ttö̧ja̧ tturuhuotörö.