San Marcos 10:37 - TÄ̧DO Ä̧CUÄ̧ I̧HUȨNȨ

³⁷ Jahuätö pä'inätödo: —Ucu cu̧jo̧mȩ adihuomettö ya̧tȩ cu̧huo̧jua̧'a̧nä̧, ka̧ra̧mä̧ cuieruhua'anä tö̧'ä̧mä̧da̧ pä'ö huecuhuatö pä'ätöjä.

Nuevo Testamento Uwotjüja

³⁷ Jäepomȩnä̧, pättinä̧ku̧: —Kuruwonä̧ ku̧'ä̧mä̧do̧mȩnä̧mä̧, ya̧tȩrü̧mä̧ ku̧wo̧jua̧'a̧ku̧nä̧, kka̧ra̧rü̧tä̧ ku'owe ja̧'a̧ku̧nä̧ tü̧'ä̧mä̧dü̧nä̧ kutatü pä'ätüjä̧.

San Marcos 10:37 Referans Kwoze

San Mateo 19:28

Jesús ädätinödo: —Iso päi'önä pä'ösä ucuturu, yodoji pä̧nä̧ o'ca juiyönä jareönä ttaditö mo̧ro̧, Ubo I̧tti̧ adihuä i̧dȩä̧cä̧nä̧ o'ca toi'önä Ttu̧ru̧hua̧ päi'önä ö̧ja̧ pä'ö ö̧'ä̧mä̧dä̧cua̧. Ja̧u̧nu̧ mo̧ro̧ ucutu ttöcu cue'ächinätömä cu̧'ä̧mä̧dä̧cuo̧tö̧jä̧ ttö̧jä̧pö̧ttö̧nö̧ tocäre adihuä cui̧dȩä̧cä̧tu̧cu̧nä̧ Israel ttö̧ja̧rö̧ huecuhuätucua pä'ö.

San Lucas 24:26

Chutä Cristo adihuä öadihuänä ö̧jä̧cua̧'a̧ ä'canä, ¿ja̧u̧ juäi ubara ttu'u juiyö'a̧nö̧ ja̧'a̧ tä̧ji̧?

San Marcos 16:19

Jahuätörö ucuocuäji'ca̧, Tu̧ru̧hua̧ Jesús mo̧ro̧jä̧ra̧'a̧ cä'ecuächinödo. Dios u̧huo̧jua̧'a̧nä̧ pä̧mä̧di̧nö̧do.

1 Pedro 1:11

Espíritu Santo ä'canä u̧huo̧juȩti̧nä̧u̧do jahuätörö Cristo ubara ttuhuä̧cuȩ huȩnȩ. Ja̧'hua̧ta̧nö̧ ubara ttuhuäji o'ca'a, eseäcuähuä huȩnȩ'i̧nä̧ u̧huo̧juȩti̧nä̧u̧do. Jahuätö jä'epinätödo: “¿Dirö ucuocua'attö pi̧yȩmä̧?” Ja̧'hua̧ta̧nö̧: “Ja̧u̧mä̧, ¿ti̧yȩnö̧ jä̧cuȩttö̧?” pä'ö jä'epinätödo.

San Marcos 8:38

Ja̧'hua̧ta̧nö̧ ya̧tȩ pitö ttö̧ja̧, suronä jȩpä̧tö̧ ttö̧ja̧, ttä'ca jo̧mȩ ödäpecuttumä ttörö'inä, adihuä chi̧huȩnȩttö̧'i̧nä̧, Ubo I̧tti̧'i̧nä̧ Jä'o öadihuänä'inä, adihuänä ángeles ttöadihuänä'inä ichomenä, ö̧dä̧pȩcuä̧cua̧ ja̧u̧ru̧, —pä'inödo Jesús.

San Mateo 25:31

Juhua'a yabonö pä'inödo Jesús: —Ubo I̧tti̧ o'ca toi'önä umöhuäyotö ángelescu, adihuä Ru̧hua̧ päi'önä ichomenä, chutä adihuä i̧dȩä̧cä̧nä̧ ö̧'ä̧mä̧dä̧cua̧.

San Marcos 10:36

Ja̧'hua̧nö̧ pättomenä, chutä jä'epinödo: —¿Däje jȩcha̧ päcuhuätucuättö?