San Marcos 10:20 - TÄ̧DO Ä̧CUÄ̧ I̧HUȨNȨ

²⁰ Ja̧'hua̧ ja̧'a̧ ja̧u̧ ubomä pä'inödo: —Huo̧juȩcuä̧ I̧sa̧, ji̧'qui̧cha̧chȩi̧'i̧nä̧, ja̧u̧ o'ca juiyönä jȩpä̧'i̧jö̧sä̧.

Nuevo Testamento Uwotjüja

²⁰ Päkumä̧, ädätinä̧ku̧: —Wo̧juȩkuä̧ i̧sa̧, jua̧u̧mä̧ o'kajuiyünä̧ cha̧'u̧kuä̧i̧ttü̧tä̧ päi'ünä̧ jȩpä̧'i̧jü̧sä̧.

San Marcos 10:20 Referans Kwoze

2 Timoteo 3:5

Dios i̧huȩnȩ esetätöjä pätta'anä, Dios i̧huȩnȩ ujuru ttä̧ppö̧tä̧rä̧cuo̧tö̧. Ja̧'hua̧nö̧ jȩpä̧tö̧ttö̧ 'quȩ'i̧pä̧chi̧.

Filipenses 3:6

Ja̧'hua̧nö̧ jȩpö̧, yoröiso suronä jȩpi̧nö̧sä̧ Diosrö esetinätörö. Judíos ttö̧ja̧ hueähuä huȩnȩ adiu jȩpö̧ kä̧cuä̧huä̧nä̧ adiu chö̧ja̧'a̧ttö̧, korotömä yoröiso suronä ucuocuocotö pi̧nä̧tö̧ ttörö.

Romanos 7:9

Pä'äjimä hueähuä huȩnȩ juiyönä ki̧nö̧sä̧. Ja̧'hua̧nö̧ ja̧'a̧nä̧ hueähuä huȩnȩ rȩbȩhuo̧mȩnä̧, surojö rö̧ä̧chi̧na̧'a̧ ttörö. Ja̧'hua̧nö̧ päi'omenä, 'corupä'i'ätö jä̧'i̧nö̧'a̧nö̧ ki̧nö̧sä̧.

San Mateo 19:20

Ja̧'hua̧ ja̧'a̧ ja̧u̧ mö̧ä̧ya̧ pä'inödo: —Ji̧'qui̧cha̧chȩi̧'i̧nä̧, ja̧u̧ o'ca juiyönä jȩpä̧'i̧jö̧sä̧. Koromä, ¿däje jȩchä̧cua̧'a̧jä̧ttö̧?

San Lucas 10:29

Ja̧'hua̧nö̧ ja̧'a̧nä̧ Moisés hueähuä huȩnȩ huo̧juȩcuä̧ i̧sa̧ ji̧nä̧ ädätarö pä'inödo. Ja̧'hua̧ ja̧'a̧ pä'inödo Jesúsru: —¿Dijä̧ttö̧ cha̧hua̧ru̧hua̧mä̧?

San Marcos 10:21

Jesús ja̧u̧ru̧ repe'ö topö, päinäcudo: —Ja̧'hua̧ ja̧'a̧ ji̧yȩtȩtä̧ jȩpo̧cö̧jä̧. Cuhuäre o'ca juiyönä cu̧ju̧nä̧rö̧mä̧ iyö icuäji. Ja̧u̧ iyö cuicuäji micuämä, usurä isotörö iyi. Ja̧'hua̧nö̧ jȩpö̧, mo̧ro̧jä̧ra̧'a̧ adihuä juäi cu̧ju̧nä̧rä̧cua̧jä̧. Ja̧u̧nu̧ o'ca'a ucuru cuä'ö tticuttu'inä ppa̧'ä̧chö̧ ttöcu cue'ächi.