San Marcos 10:14 - TÄ̧DO Ä̧CUÄ̧ I̧HUȨNȨ

¹⁴ Jesús ja̧'hua̧nö̧ jȩtta̧'a̧ tomenä, ra̧huä̧rö̧nä̧nö̧ pä'inödo jahuätörö: —Ppo̧'ä̧tö̧ huäinä ichätö ttörö. Ja̧'a̧tä̧ topätucui. Dios Tu̧ru̧hua̧ päi'önä kö̧ pä'ätömä, ppo̧'ä̧tö̧ jä̧'i̧nö̧'a̧nö̧ huotö.

Nuevo Testamento Uwotjüja

¹⁴ Ja̧'wa̧nü̧ yattokua'a topü Jesú-mä̧ üjü'kü juiyünä̧ päi'äku päinä̧u̧: —Ya̧kuo̧pä̧rä̧tu̧kuä̧tü̧, wä̧i̧nä̧ ttüku tticha'anä̧, ja̧'a̧tä̧ topätukui ppo̧'ä̧tü̧rü̧mä̧, Dio ru̧wa̧ weümä̧ juätürütä ä̧tȩkuä̧ ja̧'a̧.

San Marcos 10:14 Referans Kwoze

San Mateo 19:14

Ja̧'hua̧nö̧ ja̧'a̧ttö̧ Jesús pä'inödo: —Huäinä ichätö ttörö. Ja̧'a̧tä̧ topätucui. Dios Tu̧ru̧hua̧ päi'önä kö̧ pä'ätömä, ppo̧'ä̧tö̧ jä̧'i̧nö̧'a̧nö̧ huotö, —pä'inödo.

San Mateo 18:10

“Suronä cuamöcuädätucuä' pitö ppo̧'ä̧tö̧rö̧. Ucuturu pä'ösä, pitörö tta̧'ä̧rä̧tö̧ ángelesmä, Chä'o mo̧ro̧jä̧nä̧ kö̧ ä'ca jo̧mȩ ka̧cuä̧tö̧ 'cuäopönä.

San Mateo 18:4

Ja̧'hua̧nö̧ ja̧'a̧ttö̧, Dios Tu̧ru̧hua̧ päi'önä kö̧ pä'ätöttö, korotöttö'inä abonänö adihuä i̧sa̧mä̧ pide ji̧'qui̧cha̧hua̧ ta'anö a̧mö̧cuä̧dä̧cua̧. Ja̧'hua̧nö̧ ja̧'a̧nä̧ adihuä i̧sa̧sä̧ päoca'anä, ppä̧dä̧cua̧ korotörö.

1 Pedro 2:2

Ya̧tȩ ji̧'qui̧cha̧hua̧ ttatate isoya ahua pä'ö usu'a̧nö̧, usätucui ucutu'inä adihuä juäi huȩnȩ, juhua'a yabonö cujuruhuätucua pä'ö, ja̧'hua̧ta̧nö̧ Dios ucutu suronä jȩcu̧'ä̧tu̧cu̧ jȩpö̧ icua pä'ö.

2 Timoteo 3:15

Ucu ji̧nä̧ ji̧'qui̧cha̧huä̧ya̧ huo̧jui̧pi̧nö̧jä̧ adihuä Huȩyu̧cuä̧ Huȩnȩ. Ja̧u̧ Huȩyu̧cuä̧ Huȩnȩ ucuru huo̧juȩta̧'a̧. Ja̧'hua̧ta̧nö̧ ja̧u̧ Huȩyu̧cuä̧ Huȩnȩ cuesetomenä, Cristo Jesús suronä jȩcu̧'u̧ jȩpö̧ icu.

Apocalipsis 14:5

Ttättömä yoröiso yapareu ji'ähuocotö pi̧nä̧tö̧. Dios i̧dȩä̧cä̧ ä'ca jo̧mȩttö̧, surojö yoröiso juiyönä ka̧cuä̧tö̧.

2 Timoteo 1:5

Ttö 'cuäopönä amöcuädösä Diosrö adiu cueseta'a. Ucu cuä̧da̧ Loida pä'ö micuaju'inä, ucu cua̧ju̧ Eunice'inä ucu cuesetäcua'a ä'canä esetinätödo. Ttö huo̧jua̧sä̧, iso päi'önä ucu'inä esetöjä.

Efesios 4:26

Korotörö ra̧huä̧rö̧mä̧, suronämä jȩcu̧'ä̧tu̧cuä̧'. Mo̧ro̧ 'cuäopächönämä cu̧ra̧huä̧rä̧tu̧cuä̧'.

1 Corintios 14:20

Chö̧jä̧hua̧tö̧, ppo̧'ä̧tö̧ ttamöcuäda'a jä̧'i̧nö̧'a̧nö̧ cuamöcuädätucuä' ucutumä. Surojö jȩä̧cuä̧huä̧nä̧tä̧, ppo̧'ä̧tö̧ jȩttö̧'a̧nö̧ jȩpä̧tu̧cui̧. Juhuorö'inä adiunä jȩä̧cuä̧huä̧nä̧mä̧, tä̧mö̧ jȩttö̧'a̧nö̧ jȩpä̧tu̧cui̧.

1 Corintios 7:14

Ya̧tȩ Diosrö esetocömä, irecua Diosrö esetäjucu ö̧jo̧mȩnä̧, Dios a̧'cua̧ tta̧ jö̧nä̧ topö ja̧u̧ru̧. Ja̧'hua̧ta̧nö̧ yajute Diosrö esetocojumä, kirecuo Diosrö esetöcu kö̧jo̧mȩnä̧, Dios a̧'cua̧ tta̧ jö̧nä̧ topö jahuäjuru. Ja̧'hua̧nö̧ ja̧'a̧ttö̧ Dios a̧'cua̧ tta̧ jö̧nä̧ topö jahuätö tti̧tti̧mö̧rö̧, korotö ja̧u̧ru̧ esetätö tti̧tti̧mö̧rö̧ toö ta'anö.

Romanos 11:28

Adihuä huȩnȩ jarode'inätö judíos ttö̧ja̧. Ja̧'hua̧nö̧ ja̧'a̧ttö̧ Dios aboiyotö hui̧nä̧tö̧. Ja̧'hua̧nö̧ ji̧na̧'a̧ ucutu judíos huocotö cuesetätucua pä'ö. Ja̧'hua̧nö̧ ja̧'a̧nä̧ Dios ji̧nä̧ repe'ö jahuätörö, ttä̧do̧tö̧ mi̧nä̧rö̧ ȩmi̧na̧'a̧ttö̧.

Romanos 11:16

Äcuomenä i̧ri̧si̧ Dios jähuä jö̧ttö̧mä̧, o'ca juiyönä i̧sa̧ppȩ'i̧nä̧ Dios jähuä. Ja̧'hua̧ta̧nö̧ dau ujupo'tiyä Dios jähuä jö̧ttö̧mä̧, ä̧na̧jui̧yä̧'i̧nä̧ ja̧u̧tä̧ jähuä.

Hechos 3:25

Dios iya päinömä, i̧huȩnȩ jiäcuähuä isotörö päinömä, ucuturu'inä pä'inö. Ja̧'hua̧ta̧nö̧ ucutu cuä̧do̧tö̧ mi̧nä̧cu̧ amöcuädäcuähuä ucuocuomenä, Dios ucuturu'inä amöcuädinö. Ja̧'hua̧nö̧ pä'inö Abrahamrö: “Ucuttu isotöttö ppä̧dä̧dä̧cua̧sä̧ o'ca toi'önärö ruhuäcuiyä pa̧ja̧cu̧nä̧ ttö̧ja̧rö̧.”

Hechos 2:39

Ja̧'hua̧nö̧ iya pä'inö ucuturu'inä, cui̧tti̧mö̧rö̧'i̧nä̧, o'ca toi'önä oto ka̧cuä̧tö̧rö̧'i̧nä̧, o'ca toi'önä Tu̧ru̧hua̧ Dios huoä̧u̧ru̧mä̧, —pä'ö ädätinödo Pedro.

San Marcos 8:33

Ja̧'hua̧ ja̧'a̧ Jesús kärächi'ö, u̧huo̧juȩtä̧u̧ru̧ topö, Pedrorö pä'inödo: —Ttöttö 'quȩ'i̧pä̧chi̧, Satanás. Dios amöcuädö ta'anö, yoröiso amöcuädocöjä. Pi̧jä̧ ttö̧ja̧ ttamöcuädö ta'anötä, amöcuädöjä.

San Marcos 3:5

Ja̧'hua̧ ja̧'a̧ttö̧ jahuätö ttu̧huo̧jua̧ pättoca'attö, ra̧huä̧rö̧nä̧nö̧ a̧'cua̧ tta̧'ȩcu̧nu̧ toinä̧u̧do. Ja̧u̧ u̧mö̧ joi'inäcuru pä'inödo: —Cu̧mö̧ te'ädi. U̧mö̧ te'ädinödo. Ja̧'hua̧nö̧ teädomenä, adiu päi'inäcudo.

San Mateo 5:3

—Dios adiunätä ppädatö pä'ätömä, eseunu ttö̧ja̧cuä̧cuo̧tö̧, Dios Ttu̧ru̧hua̧ päi'önä ö̧ja̧'a̧ttö̧.

San Mateo 5:10

“Korotörö, Diosrö tteseta'attö, korotö ya̧'ä̧huȩ'ö̧ jȩttä̧'cho̧mȩnä̧, adiunätä ka̧cuä̧tö̧mä̧, eseunu ttö̧ja̧cuä̧cuo̧tö̧, Dios Ttu̧ru̧hua̧ päi'önä ö̧ja̧'a̧ttö̧.

San Juan 3:3

Ja̧'hua̧ ja̧'a̧ Jesús ja̧u̧ru̧ pä'inödo: —Iso päi'önä pä'ösä ucuru, ya̧tȩ jareönä uhuäpächö juiyöttömä, yoröiso do'ächocö jä̧cua̧ Dios ö̧jo̧mȩcu̧.

San Juan 3:5

Ja̧'hua̧ ja̧'a̧ Jesús ädätinäcudo: —Iso päi'önä pä'ösä ucuru, ya̧tȩ ajiyattö'inä, Espíritu Santottö'inä uhuäpächocömä, Dios ö̧jo̧mȩcu̧ yoröiso do'ächocö jä̧cua̧.