San Marcos 1:5 - TÄ̧DO Ä̧CUÄ̧ I̧HUȨNȨ

⁵ O'ca toi'önä Judea rȩjȩttö̧'i̧nä̧, Jerusalén ötahuiyättö'inä ichinätödo, ja̧u̧ jiähua'a ttä̧ju̧cua̧ pä'ö. Ja̧'hua̧ta̧nö̧ suronä jȩtti̧nö̧mä̧ ji'äu tticuomenä, Juan bautizando jȩi̧nä̧u̧do Jordán ajettö.

Nuevo Testamento Uwotjüja

⁵ Ja̧'wa̧nü̧ ja̧'a̧ttü̧ Judea rȩjȩ ttü̧ja̧'i̧nä̧, Jerusarȩ́ ttü̧ja̧'i̧nä̧, o'katoi'ünä̧ ichinä̧tü̧ Ju̧a̧ jiäu ä̧ju̧ku̧mä̧. Ja̧'wa̧ta̧nü̧ o'katoi'ünä̧ suronä̧ jȩttä̧'i̧jü̧ ji'äu ikuätürümä̧, Jordán ajettü, Ju̧a̧-mä̧ bautizo jȩi̧nä̧u̧.

San Marcos 1:5 Referans Kwoze

Hechos 19:18

Ja̧'hua̧ta̧nö̧ recuätö Jesucristorö esetätömä ichö, suronä jȩtti̧nö̧ ji'ähuinätödo.

Hechos 2:38

Ja̧'hua̧nö̧ ja̧'a̧ Pedro ädätinödo: —Pärocuäcutä amöcuädätucui. O'ca toi'önä Jesucristo i̧mi̧nä̧ bautizado pä'i'ätucui, Dios suronä jȩcu̧'i̧nä̧tu̧cu̧ jȩpö̧ icuätucuacu. Ja̧'hua̧nö̧ jȩcu̧'ä̧tu̧cuo̧mȩnä̧, ucuturu i̧yä̧cua̧ Espíritu Santorö Diosmä.

San Juan 3:23

Juan'inä, Enón ötahuiyänä Salim ötahuiyä tö'cönänöttö, ttö̧ja̧rö̧ bautizando jȩpö̧ ki̧nö̧do. Enón ötahuiyänä ajiya rö̧ȩnä̧ a̧cui̧na̧'a̧do. Juhua'atä recuätö ttö̧ja̧ ichi'ö, bautizando jȩpi̧nä̧tö̧do.

San Juan 1:28

Pi̧yȩmä̧ o'ca juiyönä 'cuäopina'ado Betábara pä'ö micuome, Jordán aje ji̧jȩcu̧ ji̧no̧mȩ. Juanmä juhua'attötä bautizando jȩpi̧nö̧do ttö̧ja̧rö̧.

San Mateo 4:25

Ja̧'hua̧ta̧nö̧ Jesús o'ca'anä recuätö 'chi̧nä̧tö̧do. Galilea rȩjȩttö̧'i̧nä̧, Decápolis rȩjȩttö̧'i̧nä̧, Jerusalén ötahuiyättö'inä, Judea rȩjȩttö̧'i̧nä̧, Jordán aje ji̧jȩcu̧ttu̧'i̧nä̧ Jesús o'ca'anä 'chi̧nä̧tö̧do.

San Marcos 1:4

Juan ichö, bautizando jȩpi̧nö̧do ttö̧ja̧rö̧, de'anä cue'ächö. Jahuätörö pä'inödo: —Pärocuäcutä amöcuädö, bautizando jȩpä̧tu̧cui̧, suronä jȩcu̧'ä̧tu̧cu̧mä̧ jȩpö̧ icuätucuacu pä'ö Dios, —pä'inödo.

San Marcos 1:6

Ja̧u̧tä̧ Juan ö̧'ca̧tä̧huä̧ti̧yu̧ camello uhuo'chettö adicua'a 'ca̧tä̧hui̧nö̧do. Ja̧'hua̧ta̧nö̧ äcä isäya ja̧u̧tä̧ juäi i̧jȩta̧ttö̧ adicua'a ru̧nä̧ri̧nö̧do. U̧cuȩmä̧ cä̧'ö̧rö̧tä̧ cuinödo. Mayatä ahuinödo.

San Juan 5:35

Juan koro lámpara adiu cuo'ö tȩa̧hua̧'a̧ jä̧'i̧nö̧'a̧nö̧ ki̧nö̧do. Ucutumä ja̧u̧ tȩa̧u̧nä̧ beometä eseunu cu̧ja̧cuä̧tu̧cua̧ pä'inätöjä.

Santiago 5:16

Ja̧'hua̧nö̧ ja̧'a̧ttö̧ korotörö ji'ähuätucui suronä jȩcu̧'i̧nä̧tu̧cu̧. Ja̧'hua̧ta̧nö̧ Diosrö korotörö ppä'ädö ucuocuätucui, surojö aditö icuatö pä'ö Dios. Adiu esetömä Diosrö ucuocuomenä, i̧huȩnȩ iso päi'önä micuähua'a.