San Marcos 1:20 - TÄ̧DO Ä̧CUÄ̧ I̧HUȨNȨ

²⁰ Jahuätörö o'ipinödo. Jahuätö ttä'o Zebedeorö umöhuäyotöcu huoi'canä ö̧'a̧'a̧ jaropi'ö, Jesúscu 'chi̧nä̧tö̧do.

Nuevo Testamento Uwotjüja

²⁰ Juätü'i̧nä̧ wo̧ä̧u̧, yotäku, ttä'o Zebedeo-rümä̧ umüwäyotükutä woi'kanä̧ ü̧ji̧pa̧'a̧nä̧, Jesú-ku 'chi̧nä̧tü̧.

San Marcos 1:20 Referans Kwoze

San Lucas 14:26

—Ya̧tȩ ttöcu ichömä, jä'orö'inä, ja̧ju̧ru̧'i̧nä̧, esehuomettö'inä abonänö ȩsȩhuä̧cua̧ ttörö. Ja̧'hua̧ta̧nö̧ irecuarö'inä, i̧tti̧mö̧rö̧'i̧nä̧ esehuomettö'inä abonänö ȩsȩhuä̧cua̧ ttörö. Ja̧'hua̧ta̧nö̧ u̧bö̧o̧tö̧rö̧'i̧nä̧, ö̧jä̧hua̧tö̧rö̧'i̧nä̧ esehuomettö'inä abonänö ȩsȩhuä̧cua̧ ttörö. Ja̧'hua̧ta̧nö̧ chutä ö̧jö̧ttö̧ esehuomettö'inä abonänö ȩsȩhuä̧cua̧ ttörö. Ja̧'hua̧nö̧ jȩö̧ juiyöttömä, chu̧huo̧juȩtä̧cu̧ pä'i'ocö.

San Marcos 10:29

Jesús ädätinödo: —Iso päi'önä pä'ösä ucuturu, ya̧tȩ ojusode'inä, ö̧jä̧hua̧tö̧rö̧'i̧nä̧, jä'orö'inä, ja̧ju̧ru̧'i̧nä̧, irecuarö'inä, i̧tti̧mö̧rö̧'i̧nä̧, idepiyu'inä jaroi'öttömä ttöcu i̧'cha̧ pä'ö, ttö̧ja̧ suronä jȩttö̧ jȩpö̧ icu huȩnȩ eseta pä'ö, o'ca, o'ca juiyönä ojusode'inä, ö̧jä̧hua̧tö̧rö̧'i̧nä̧, ja̧ju̧tu̧ru̧'i̧nä̧, i̧tti̧mö̧rö̧'i̧nä̧, idepiyu'inä ttörö eseta'attö suronä 'cuäopa'anä kä̧nö̧ jaroi'inöttö'inä abonänö rö̧ȩnä̧ ȩmä̧cua̧. Jitä ko̧ro̧jä̧ i̧chä̧cuȩjä̧ttö̧'i̧nä̧ abonänö rö̧ȩnä̧ ȩmä̧cua̧.

San Mateo 10:37

“Ya̧tȩ jä'orö'inä, ja̧ju̧ru̧'i̧nä̧, ttöttö'inä abonänö repeöttömä, ttö chi̧tti̧ päi'a pä'ö adihuä i̧sa̧cö̧. Ja̧'hua̧ta̧nö̧ ya̧tȩ i̧tti̧rö̧'i̧nä̧, ittijuru'inä, ttöttö'inä abonänö repeöttömä, ttö chi̧tti̧ päi'a pä'ö adihuä i̧sa̧cö̧.

2 Corintios 5:16

Ja̧'hua̧nö̧ ja̧'a̧ttö̧ jitämä pi̧jä̧ ttö̧ja̧ ttamöcuädö ta'anö, korotörö amöcuädocotöjä. Pä'äjimä Cristorö amöcuädö, pi̧jä̧ ttö̧ja̧ ttamöcuädö ta'anö, amöcuädinätöjä ujutu'inä. Jitämä ja̧'hua̧nö̧mä̧ amöcuädocotöjä ja̧u̧ru̧.

San Marcos 1:19

Ja̧'hua̧ ja̧'a̧ Jesús yabonänö 'chä̧nö̧ topinödo Zebedeo i̧tti̧ Jacoborö, ö̧jä̧hua̧ Juancu huoi'canä ö̧'a̧'a̧. Jahuätömä ttöäre ma'ayä ti̧'chö̧ pȩji̧nä̧tö̧do.

San Marcos 1:21

Ja̧'hua̧ ja̧'a̧ Capernaum ötahuiyära̧'a̧ 'chä̧hui̧'i̧nä̧tö̧do. Ttö̧ja̧ 'cuättächi'ö̧ mo̧ro̧ päi'omenä, Jesús judíos ttu̧huo̧jui̧'i̧nodenä do'ächi'ö, huo̧juȩti̧nö̧do.

San Lucas 5:11

Ja̧'hua̧ ja̧'a̧ttö̧ huoi'quiyu jäyoracu ttȩpä̧ja̧'a̧, o'ca juiyönä jaropi'ö, Jesúscu 'chi̧nä̧tö̧do.