San Lucas 9:26 - TÄ̧DO Ä̧CUÄ̧ I̧HUȨNȨ

²⁶ Ja̧'hua̧ta̧nö̧ ya̧tȩ ödäpecuttumä ttörö'inä, adihuä chi̧huȩnȩttö̧'i̧nä̧, Ubo I̧tti̧'i̧nä̧ ru̧hua̧ ö̧ja̧ päi'önä Jä'o öadihuänä'inä, adihuänä ángeles ttöadihuänä'inä ichomenä, ö̧dä̧pȩcuä̧cua̧ ja̧u̧ru̧.

Nuevo Testamento Uwotjüja

²⁶ Ja̧'wa̧ta̧nü̧ ya̧tȩ ttü chütü'kü'i̧nä̧, chi̧wȩnȩ'i̧nä̧ udäpekuttümä̧ ja̧'wa̧ta̧nü̧ Ttü ubo I̧tti̧'i̧nä̧ jua̧u̧ ütü'kümä̧ chü̧dä̧pȩkuä̧kua̧, Chä'o ujuruku, uruwoku, á̧gȩrȩ-ku̧ chichomȩnä̧.

San Lucas 9:26 Referans Kwoze

2 Timoteo 2:12

Chutäcu ubara ttututtumä, chutäcu huetäcuotöjä. Churu tä̧ppö̧tä̧rö̧ttö̧mä̧, chutä ujuturu ä̧ppö̧tä̧rä̧cua̧.

Romanos 1:16

Ttömä dä'äcuocösä adihuä huȩnȩmä̧. Ja̧u̧ huȩnȩ esetätörö suronä jȩttö̧ jȩpö̧ icu Dios, äcuomenä judíos ttö̧ja̧rö̧'i̧nä̧, ja̧'hua̧ta̧nö̧ judíos huocotörö'inä.

San Marcos 8:38

Ja̧'hua̧ta̧nö̧ ya̧tȩ pitö ttö̧ja̧, suronä jȩpä̧tö̧ ttö̧ja̧, ttä'ca jo̧mȩ ödäpecuttumä ttörö'inä, adihuä chi̧huȩnȩttö̧'i̧nä̧, Ubo I̧tti̧'i̧nä̧ Jä'o öadihuänä'inä, adihuänä ángeles ttöadihuänä'inä ichomenä, ö̧dä̧pȩcuä̧cua̧ ja̧u̧ru̧, —pä'inödo Jesús.

Apocalipsis 21:8

Ja̧'hua̧nö̧ ja̧'a̧nä̧ ye'ecuätö'inä, esetocotö'inä, ttahuaruhuärö kö'cocotö'inä, korotörö cuä'ö icuätö'inä, nä̧tö̧rö̧ suronä usätö'inä, märirö esetö jȩpä̧tö̧'i̧nä̧, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esetö ucuocuätö'inä, o'ca toi'önä yapareu ji'ähuätö'inä, ocurä rö̧arära̧'a̧, azufrenä cuoarära̧'a̧ tti̧'chä̧cuo̧tö̧. Ja̧u̧ todärenä 'corupäi'äcuähuä ja̧'a̧.

San Mateo 16:27

Ubo I̧tti̧mä̧ Jä'o esehua'attö, i̧chä̧cua̧ ángelescu o'ca toi'önä jȩtti̧nö̧ ji'äu. Adiu jȩpi̧nä̧tö̧rö̧'i̧nä̧ adiu pä̧cua̧. Suronä jȩpi̧nä̧tö̧rö̧'i̧nä̧ suronä pä̧cua̧.

San Mateo 25:31

Juhua'a yabonö pä'inödo Jesús: —Ubo I̧tti̧ o'ca toi'önä umöhuäyotö ángelescu, adihuä Ru̧hua̧ päi'önä ichomenä, chutä adihuä i̧dȩä̧cä̧nä̧ ö̧'ä̧mä̧dä̧cua̧.

San Juan 12:43

Jahuätömä Diosttö ucuotäcuähuättö'inä abonänö kö'cätödo pi̧jä̧ ttö̧ja̧ ucuotäcuähuä.

Apocalipsis 20:11

Ja̧'hua̧ ja̧'a̧ttö̧ adihuä i̧dȩä̧cä̧ tȩä̧cä̧ topinösä. Ja̧'hua̧ta̧nö̧ ju̧huä̧cä̧nä̧ ya̧tȩ pi̧nö̧. Ju̧huȩnȩ dȩä̧cä̧nä̧ pö̧ ä'ca jo̧mȩttö̧ pi̧jä̧'i̧nä̧, mo̧ro̧jä̧'i̧nä̧ juiyönä toei'ina'a. Ttö̧jo̧mȩ yoröiso juiyina'a.

Judas 1:14

Adán ä'canä ki̧nö̧do. Adán isotöttö uhuäpächinätö ji̧mö̧tȩ ruhuä. Ttuhuäpächinö o'ca'a, ki̧nö̧ Enoc pä'ö micuinö. Ja̧u̧ Enoc Diosrö jarode'ätörömä Dios päinö ji'äu pa̧'a̧nö̧ pä'inödo. “Topinösä Tu̧ru̧hua̧ ichomenä 'cuäopä̧cuȩ. Recuätö ángelescu ichinö o'ca toi'önärö Diosrö jarode'ätömä ttu̧huo̧jua̧ pä'ö o'ca juiyö ttöarodö jȩä̧cuä̧huä̧ jarode'ö jȩtti̧nö̧'i̧nä̧, o'ca juiyönä suräjuä huȩnȩ Diosrö jarode'ö ttucuocuinö'inä. Jahuätö o'ca toi'önärö ö̧tä̧bo̧ta̧ pä'ö ichinö.”

2 Timoteo 1:12

Ja̧'hua̧nö̧ ja̧'a̧ttö̧ jitä ubara ttu'usä. Ja̧'hua̧nö̧ ja̧'a̧nä̧ dä'äcuocösä. Ttö cha̧'cua̧ chu̧huȩnä̧rä̧cu̧ru̧ huo̧jua̧sä̧. Ja̧'hua̧ta̧nö̧ ttörö iyinömä, röji mo̧ro̧ päi'omenä tta̧huä̧rä̧cua̧'a̧ huo̧jua̧sä̧.

Apocalipsis 3:5

O'ca toi'önä pi̧jä̧ttö̧'i̧nä̧ abonänö juruhuätömä ttö̧'ca̧tä̧huä̧ti̧yu̧ teönä ttö̧'ca̧tä̧huä̧cuo̧tö̧. Kä̧cuä̧huä̧ i'co cuyäru'tänä tti̧mi̧ pa̧'a̧mä̧ yoröiso jȩpö̧ icuocösä. Chä'o ä'ca jo̧mȩttö̧'i̧nä̧, ángeles ttä'ca jo̧mȩttö̧'i̧nä̧ jahuätörö ucuocu chȩsȩhuä̧cua̧sä̧.

Apocalipsis 1:7

¡Topätucui! Cristomä ajiya isoppanä i̧chä̧cua̧. O'ca toi'önä, churu suronä jȩpi̧nä̧tö̧'i̧nä̧, ja̧u̧ru̧ tottäcuotö. O'ca toi'önä pi̧jä̧ pa̧ja̧cu̧nä̧ ttö̧ja̧ ja̧u̧ru̧ topö ttajuähuäcuotö. Iso päi'önä pa̧'a̧nö̧ 'cuäopäcua'a. Amén.

Gálatas 6:14

Ttömä ucuturu chu̧huo̧juȩti̧nö̧mä̧ adiu huo̧juȩti̧nö̧sä̧ päda pä'ocösä. Ji̧yȩä̧cuȩtä̧ Chu̧ru̧hua̧ Jesucristo dau isodänä 'corupäi'inötä, ja̧u̧tä̧, adiu chucuocua pä'ösä. Ja̧u̧ Cristorö chesetomenä, pi̧jä̧ jähuä 'corupäi'ina'a jä̧cu̧sä̧ ttömä. Ja̧'hua̧ta̧nö̧ pi̧jä̧ jähuä pä̧huä̧ juida'anä 'corupädi'ina'a ja̧'a̧.

San Mateo 26:64

Ja̧'hua̧ ja̧'a̧ Jesús pä'inödo: —A̧, päcu ta'anö ttötäsä. Ja̧'hua̧ta̧nö̧ pä'ösä ucuturu, Ubo I̧tti̧rö̧ Dios, o'ca juiyömä ju̧ru̧hua̧mä̧ u̧huo̧jua̧'a̧nä̧ ö̧'a̧'a̧ tocu'äcuotöjä ucutumä. Ja̧'hua̧ta̧nö̧ mo̧ro̧jä̧ra̧'a̧ttö̧ ajiya isoppanä i̧mȩyȩhuo̧mȩnä̧, tocu'äcuotöjä ucutumä.

Hebreos 13:13

Ja̧'hua̧ ja̧'a̧ttö̧ ötahuiyä abocu Jesús ö̧jo̧mȩcu̧ ti̧'chä̧tu̧cua̧do, chutä ubara ttuhuinö'a̧nö̧ ubara ttu'u kä̧nö̧.

Hebreos 11:26

Cristorö rö̧ȩnä̧ chesetomenä ubara ttuda'attö, Egipto rȩjȩnä̧ o'ca juiyönä rö̧ȩnä̧ micuäu juäi chu̧ju̧nä̧rä̧cuȩttö̧'i̧nä̧ abonänö rö̧ȩnä̧ chu̧ju̧nä̧rä̧cua̧sä̧ pä'ö amöcuädinödo. Chutä Dios ja̧u̧ru̧ adihuä juäi iyä̧cuȩ amöcuäda'attö, ja̧'hua̧nö̧ pä'inödo.

2 Corintios 12:10

Ja̧'hua̧nö̧ ja̧'a̧ttö̧ Cristorö esetö kä̧nö̧, o'ca juiyönä ubara ttudinömä eseusä. Ja̧'hua̧ta̧nö̧ chijuiyuhua'anä'inä, ttörö suronä ttucuocuinö'inä, koro juiyönä chö̧ji̧nö̧'i̧nä̧, ttörö suronä jȩtti̧nö̧'i̧nä̧, ttörö suronä 'cuäopinö'inä amöcuädö eseusä. Iso päi'önä rö̧ȩnä̧ chijuiyuhuomenä, ji̧nä̧ isocu ju̧ru̧hua̧sä̧ cha̧'cua̧ru̧hua̧nä̧.

San Juan 5:44

Ucutu pi̧jä̧ ttö̧ja̧ ttucuocutä usu, Dios chu ä̧cua̧tä̧ i̧huȩnȩ cusätucuoca'anä, ¿tta̧'a̧nö̧ pä'ö cuesetätucua'ajä̧ttö̧?

Hechos 10:22

Ja̧'hua̧nö̧ ja̧'a̧ u̧mä̧tö̧ ädätinätödo: —Su̧ro̧da̧u̧ ttu̧ru̧hua̧ Cornelio ujuturu hue'äji. Chutä adihuä i̧sa̧ ja̧'a̧ttö̧, Diosrö ye'ecu. Judíos ttö̧ja̧ o'ca toi'önä ja̧u̧ru̧ adiu ucuotätö. Ya̧tȩ ángel, Dios huȩ'ä̧hua̧, ja̧u̧ru̧ ji'ähuäji huea pä'ö ucu cui̧'cha̧ pä'ö ojusodera̧'a̧, jicuhuähua'a ä̧ju̧cua̧ pä'ö.

1 Timoteo 5:21

Dios ä'ca jo̧mȩttö̧, Tu̧ru̧hua̧ Jesucristo ä'ca jo̧mȩttö̧, chutä ȩmi̧nä̧u̧ ángeles ttä'ca jo̧mȩttö̧ pi̧yȩ huȩnȩ cu̧huo̧juȩta̧ pä'ö hue'ösä ucuru. Ka̧ra̧rö̧ ka̧ra̧ttö̧'i̧nä̧ abonänö adihuä i̧sa̧ pä'ö cuamöcuädä'.