San Lucas 9:16 - TÄ̧DO Ä̧CUÄ̧ I̧HUȨNȨ

¹⁶ Ja̧u̧nu̧ o'ca'a Jesús i̧ri̧si̧ ji̧mö̧tȩ jähuä ö̧si̧'i̧nä̧, po̧i̧ ta̧ju̧'i̧nä̧ u̧mö̧nä̧ 'chu̧'ä̧rö̧, mo̧ro̧jä̧ra̧'a̧ topö, Diosrö ucuocuinödo. Ja̧u̧nu̧ o'ca'a i̧ri̧si̧ 'tȩ'chä̧rö̧, iyinödo u̧huo̧juȩtä̧u̧ru̧, juhua'a yabo ttiya pä'ö ttö̧ja̧rö̧.

Nuevo Testamento Uwotjüja

¹⁶ Ja̧'wa̧nü̧ ja̧'a̧mä̧, pan o̧si̧ to̧si̧rȩ ȩmo̧po̧'ü̧ kkä̧nü̧, po̧i̧rü̧'i̧nä̧ ȩmo̧po̧'ü̧, ju'tojuku topü, Dio-rü ukuoku kä'ädü, 'toropo'ü, u̧wo̧juȩtä̧u̧rü iyinü̧, ttü̧ja̧rü̧ ttiyä'cha pä'ümä̧.

San Lucas 9:16 Referans Kwoze

San Mateo 14:19

Ja̧'hua̧nö̧ ja̧'a̧ttö̧ ttö̧ja̧rö̧ hue'inödo rȩjȩ ttö̧'ä̧mä̧da̧ pä'ö. Ja̧u̧nu̧ o'ca'a i̧ri̧si̧ ji̧mö̧tȩ jähuä ö̧si̧'i̧nä̧, po̧i̧ ta̧ju̧'i̧nä̧ u̧mö̧nä̧ 'chu̧'ä̧rö̧, mo̧ro̧jä̧ra̧'a̧ topö ucuocuinödo Diosrö. Ja̧u̧nu̧ o'ca'a 'tȩ'chä̧rö̧ iyinödo u̧huo̧juȩtä̧u̧ru̧, juhua'a yabo ttiya pä'ö ttö̧ja̧rö̧.

San Lucas 24:30

Ja̧u̧nu̧ o'ca'a jahuätöcu mesa isodänä ttö̧'ä̧mä̧do̧mȩnä̧, i̧ri̧si̧ u̧mö̧nä̧ ȩmö̧, Diosrö ucuocuinödo. Ucuocuäji'ca̧, 'tȩ'chä̧rö̧ iyinödo jahuätörö.

San Mateo 15:36

Po̧i̧'i̧nä̧, i̧ri̧si̧, ko̧ro̧mö̧ttö̧nö̧ to̧si̧rȩ'i̧nä̧ u̧mö̧nä̧ ȩmo̧po̧'ö̧ Jä'o Diosrö ucuocuinödo. Ja̧'hua̧ ja̧'a̧ 'tȩ'chä̧rö̧ iyinödo u̧huo̧juȩtä̧u̧ru̧, juhua'a yabo ttiya pä'ö ttö̧ja̧rö̧.

Romanos 14:6

Korotö ttu̧ȩcuä̧nä̧ ka̧cuä̧tö̧ ja̧u̧ juäi mo̧ro̧, koro juäi'inä aditocotö, Ttu̧ru̧hua̧rö̧ ucuotö. Ja̧'hua̧ta̧nö̧ korotö o'ca juiyönä mo̧ro̧ yorätehua'a amöcuädätö'inä, Ttu̧ru̧hua̧rö̧ ucuotätö. O'ca juiyönä cuätömä, Ttu̧ru̧hua̧rö̧ tta̧'cua̧ huȩnä̧rö̧nö̧ cuätö, Diosrö eseunu ucuocu. Ja̧'hua̧ta̧nö̧ o'ca juiyönä cuocotö'inä, Ttu̧ru̧hua̧rö̧ tta̧'cua̧ huȩnä̧rö̧nö̧ cuocotö, Diosrö eseunu ucuocu.

Hechos 27:35

Ja̧'hua̧nö̧ pä'ö, Pablo pan u̧mö̧nä̧ ȩmö̧ o'ca toi'önä ttä'ca jo̧mȩ Diosrö ucuocuinö. Ja̧'hua̧nö̧ jȩpö̧, 'te'ädö cuinö.

San Juan 6:23

Ja̧'hua̧nö̧ ja̧'a̧nä̧'i̧nä̧ koro huoi'quiyu Tiberias ötahuiyättö ichö, jahuätö ttö̧ja̧ i̧ri̧si̧ Jesús Diosrö ucuocuäji o'ca'a ttucuinome tö'cönänö huä̧mi̧pä̧chi̧nä̧tö̧do.

San Juan 6:11

Ja̧'hua̧ ja̧'a̧ Jesús u̧mö̧nä̧ i̧ri̧si̧ 'chu̧'ä̧rö̧, Diosrö ucuocuinödo. Ucuocuäji'ca̧ u̧huo̧juȩtä̧u̧ru̧ iyinödo, juhua'a yabo rȩjȩnä̧ pȩjä̧mä̧tö̧rö̧ ttiya pä'ö. Ja̧'hua̧ta̧nö̧ jȩpi̧nö̧do po̧i̧rö̧'i̧nä̧, suttädi'önä ttucua pä'ö.

San Lucas 22:19

Ja̧u̧nu̧ o'ca'a i̧ri̧si̧ u̧mö̧nä̧ 'chu̧'ä̧rö̧, Jä'o Diosrö ucuocuinödo. Ucuocuäji'ca̧ 'tȩ'chä̧rö̧ iyinödo jahuätörö. Pä'inödo: —Pi̧yȩmä̧ ttötä jä̧ttä̧pä̧ya̧sä̧, ucuturu ppä'ädö iyö icuä̧cuȩ. Ttörö amöcuädö jȩpä̧tu̧cui̧.

1 Corintios 11:24

Ja̧'hua̧nö̧ 'chu̧'ä̧rö̧ Diosrö ucuocuäji'ca̧, 'tȩ'chä̧rö̧ iyinödo i̧ri̧si̧. Pa̧'a̧nö̧ pä'inödo: “Cuätucui. Pi̧yȩmä̧ ttötä jä̧ttä̧pä̧ya̧sä̧ ucuturu ppä'ädö iyö icuä̧cuȩ. Ttörö amöcuädö jȩpä̧tu̧cui̧.”

1 Corintios 10:30

Ttö koro juäi cuä̧nö̧, Diosrö eseunu chucuocuttumä, ¿tta̧'a̧nö̧ pä'ö suronä ttucuocua'ajä̧ttö̧ ttörömä?

San Marcos 7:34

Ja̧u̧nu̧ o'ca'a mo̧ro̧jä̧ra̧'a̧ topö, juäpö pä'inödo ja̧u̧ uborö: —¡Efata! —Ja̧'hua̧nö̧ päomenä: ¡Ba'ecuächirö! päa'a.

San Lucas 9:15

Ja̧'hua̧nö̧ jȩpi̧nä̧tö̧do. O'ca toi'önä pȩjä̧mi̧nä̧tö̧do.

San Lucas 9:17

O'ca toi'önä suttädi'önä cuinätödo. Ja̧'hua̧nö̧ ja̧'a̧nä̧ uru'tiyu ttö̧jä̧pö̧ttö̧nö̧ to'tare suhuädi'önä ȩni̧nä̧tö̧do ttucua'anä ka̧cui̧pä̧ji̧mä̧.