San Lucas 7:39 - TÄ̧DO Ä̧CUÄ̧ I̧HUȨNȨ

³⁹ Ja̧'hua̧nö̧ ja̧'a̧ fariseo i̧sa̧ Jesúsru o'ipäjimä topö, amöcuädinödo: “Chujua iso päi'önä Dios i̧huȩnȩ jiäcuähuä i̧sa̧ jö̧ttö̧mä̧, huo̧juä̧chi̧'a̧ji̧ mȩja̧'a̧mä̧. Ja̧'hua̧ta̧nö̧ yajutä jȩjö̧'i̧nä̧ huo̧jua̧ji̧. Ihueye suronä jȩpä̧ju̧ pä'aji.”

Nuevo Testamento Uwotjüja

³⁹ Ja̧'wa̧nü̧ jȩja̧'a̧ topü, fariseo wa̧ ji̧nä̧so ä̧tȩpä̧ji̧mä̧, a̧'kua̧nä̧ amükuädinü̧: Isopäi'ünä̧, pidemä̧ profeta wa̧ jü̧ttü̧mä̧, paju jȩjü̧'i̧nä̧, yajurutä'i̧nä̧ wo̧jua̧jü̧ 'kua̧ra̧'a̧, surojü jȩpä̧'i̧jä̧ju̧ mȩjä̧ku̧sä̧ pä'ü.

San Lucas 7:39 Referans Kwoze

San Lucas 7:16

Ja̧'hua̧nö̧ tottomenä, o'ca toi'önä ye'inätödo. Ja̧'hua̧nö̧ ja̧'a̧ttö̧ Diosrö eseunu ucuocuinätödo. Pä'inätödo: —Ya̧tȩ ucuo i̧sa̧, Dios i̧huȩnȩ jiäcuähuä i̧sa̧ i̧jȩcuä̧jä̧u̧jä̧ ujutu tö̧'quȩtȩttö̧. Ja̧'hua̧ta̧nö̧ pä'inätödo: —Dios umöhuäyotörö ppä'ädö ichäji.

San Lucas 15:2

Ja̧'hua̧nö̧ ja̧'a̧ fariseos huotö'inä, hueähuä huȩnȩ huo̧juȩtä̧tö̧'i̧nä̧ suronä pättä'chinäcudo. Pä'inätödo: —Chujuamä eseunu jȩpö̧ suronä jȩpä̧tö̧rö̧. Ja̧'hua̧ta̧nö̧ u̧cuȩ jahuätötäcu cu.

San Marcos 7:21

Ttö̧ja̧ jacuättö, ttami iso'quittö, räopa'a suronä amöcuädäcuähuä'inä, nä̧tö̧rö̧ suronä usähuä'inä, ka̧ra̧ irecuarö suronä jȩä̧cuä̧huä̧'i̧nä̧, ttö̧ja̧rö̧ cuä'ö icuähuä'inä räopa'ado.

San Juan 9:24

Ja̧'hua̧ ja̧'a̧ttö̧ judíos ttö̧ja̧ ja̧u̧ru̧ pä'äji ä̧to̧qui̧nö̧rö̧ huopö, pä'inätödo: —Dios ä'ca jo̧mȩttö̧ iso päi'önä ji'ähuitö. Ja̧u̧ ubomä suronä jȩpö̧ huo̧juä̧tö̧jä̧.

San Juan 7:12

Ja̧'hua̧ta̧nö̧ recuätö ttö̧ja̧ ttamönä ucuocuäcuähuinätödo ja̧u̧ru̧. Korotö pä'inätödo: “Ja̧u̧mä̧, adihuä i̧sa̧.” Korotö pä'inätödo: “Ja̧u̧mä̧, adihuä i̧sa̧cö̧. Ja̧u̧mä̧ yapareu ji'ähue'ä'chö ttö̧ja̧rö̧.”

San Juan 4:19

Ja̧'hua̧nö̧ kä̧ju̧cuo̧mȩnä̧, pä'inäjudo: —Ucumä Dios i̧huȩnȩ jiäcuähuä i̧sa̧jä̧ a̧'cua̧ra̧'a̧.

San Lucas 18:4

Recuo ja̧'a̧nä̧ ja̧u̧ ru̧hua̧ yoröiso ppädococua pi̧nä̧ju̧do. Ju̧huȩnȩ o'comenä, amöcuädinödo: “Diosrö'inä, ttö̧ja̧rö̧'i̧nä̧ chucuotoca'anä, paju recua yabonö suronä jäjepa'attö ppädädaju, yabonö kichö juiyäcua'a̧nö̧, 'cuädächi'önä jä̧jȩpä̧rö̧ juiyäcua'a̧nö̧.”

San Lucas 16:3

Ja̧'hua̧nö̧ ja̧'a̧ järe ru̧hua̧ ippeyä ru̧hua̧ amöcuädi'inödo: “¿Däjetä jȩchä̧cua̧'a̧jä̧ttö̧ jitämä, chu̧ru̧hua̧ chaditähuättö rä'epö icua'amä? Rȩjȩ sahuähuänä chijuiyuhua'amä, ja̧'hua̧ta̧nö̧ mippoönä jä̧'ȩpä̧rö̧mä̧ dä'ä rö̧jä̧cu̧sä̧.

San Lucas 7:37

Ja̧'hua̧ ja̧'a̧ttö̧ ja̧u̧ ötahuiyänä ki̧nä̧ju̧do yajute isaju, suronä jȩpä̧ju̧. Jesús fariseo i̧sa̧ ojusodenä u̧cuȩ cuä̧nö̧ i̧'chä̧ja̧'a̧ ä̧ju̧cu̧, adihuä juäi alabastro ido'quittö adicuä̧yu̧, amehuoya a̧cuä̧yu̧, 'chu̧huä̧rä̧nö̧ 'chi̧nä̧ju̧do.

San Lucas 3:8

Iso päi'önä pärocuäcutä cuamöcuädätucuttumä, adiunä ttu̧huo̧jua̧ pä'ö jȩpä̧tu̧cui̧. Cuamönätucunä cuamöcuädätucuä': “Ujutumä Abraham ahuaruhuä o'cotöjä.” Ttö pä'ösä ucuturu, pidu inäduttu Diosmä Abraham ahuaruhuä o'cotörö aditö'a̧nö̧ ja̧'a̧.

San Lucas 12:17

Ja̧'hua̧nö̧ ja̧'a̧ chutä järe ru̧hua̧ amöcuädinö: “¿Tta̧'a̧nö̧ jȩchä̧cua̧'a̧jä̧ttö̧ chu̧cuȩ ya̧mö̧nä̧mä̧? Chu̧cuȩ ya̧mö̧ hua'adö ku̧nä̧huo̧mȩ juiya'amä.”

San Mateo 20:16

Ja̧'hua̧ta̧nö̧ jä̧cua̧'a̧do. Röjinä pä'i'ätö, ä'canä pätti'äcuotö. Ja̧'hua̧ta̧nö̧ ä'canä pä'i'ätö, röjinä pätti'äcuotö. Dios recuätörö huomenä, a̧'u̧cu̧nä̧tä̧ esetätö, —pä'inödo Jesús.

San Mateo 21:11

Ja̧'hua̧nö̧ jättepomenä, ttö̧ja̧ pä'inätödo: —Ja̧u̧mä̧ Dios i̧huȩnȩ jiäcuähuä i̧sa̧ Jesús. Nazaret ötahuiyä, Galilea rȩjȩttö̧ ichinödo.

San Lucas 7:38

Ja̧'hua̧ta̧nö̧ ajuäu kä̧nö̧, Jesús ö̧jä̧pö̧ kada'ca ki̧'chȩrȩja̧nä̧ acuäbe'ö, kuhuo'chenä 'ca̧'ö̧ icuinäjudo ö̧jä̧pö̧mä̧. Ja̧u̧nu̧ o'ca'a ö̧jä̧pö̧ mȩ'ö̧, ameu to'inäjudo ja̧u̧ ö̧jä̧pö̧nä̧.

San Lucas 7:40

Ja̧'hua̧nö̧ ja̧'a̧ Jesús pä'inödo fariseo i̧sa̧rö̧: —Simón, koro juäi jidähua pädäcujä. Fariseo i̧sa̧ ädätinödo: —Ji'ähuittö, Huo̧juȩcuä̧ I̧sa̧.