San Lucas 6:44 - TÄ̧DO Ä̧CUÄ̧ I̧HUȨNȨ

⁴⁴ Dauhuiyä jicunämä huo̧juä̧huä̧ u̧huä̧ju̧mä̧. Higo pättö juäi huȩjo̧cö̧do so̧i̧nä̧mä̧. Ja̧'hua̧ta̧nö̧ uva u̧huä̧ju̧mä̧ so̧adenämä huȩjo̧cö̧do.

Nuevo Testamento Uwotjüja

⁴⁴ Dauwiyämä̧ jíkunä̧, u̧wä̧ju̧ttü̧ topü wo̧juä̧wä̧tü̧jä̧. So̧u̧ dauttumä̧, uwa wȩja̧'a̧mä̧ ȩmä̧wo̧kü̧ ja̧'wa̧ta̧nü̧ higo wȩja̧'a̧ 'to'ümä̧ kuokotüjä̧.

San Lucas 6:44 Referans Kwoze

Santiago 3:12

Chö̧jä̧hua̧tö̧, ¿jumari daunä, nu̧'ä̧ huȩja̧'a̧ tä̧ji̧? Ja̧'hua̧ta̧nö̧ ¿uva huipo daunä, jumari huȩja̧'a̧ tä̧ji̧? Ja̧'hua̧ta̧nö̧ reoya räopomettö räopoca'a sa̧do̧ya̧.

San Mateo 12:33

Juhua'a yabonö fariseos huotörö pä'inödo Jesús: —Koro dau, adihuä juäi dau, u̧huä̧ju̧mä̧ adihuä juäitä huȩjö̧do. Ja̧'hua̧ta̧nö̧ suräjuäi dau, u̧huä̧ju̧mä̧ suräjuäitä huȩjö̧do. Ja̧'hua̧nö̧ ja̧'a̧ttö̧ dau u̧huä̧ju̧ koro adihuä juäi pä'ö huo̧juä̧tö̧jä̧.

Judas 1:12

Ucutu ji̧nä̧ yo̧mȩtȩ ca̧ca̧cu̧ cu̧cuȩ cucuätucuomenä, jahuätö dä'ä juiyönä eseunu ttu̧cuȩ cuätö, au'inä ahuätö korotörö ttucuotö juiyönä. Jitöröätä pä̧huä̧ rö̧jo̧mȩnä̧ jȩpä̧tö̧. Isoppa, ajiya juiyoppa kä̧ru̧'coppa ȩpö̧'a̧nö̧ huotö jahuätömä. Dauhuiyä u̧huä̧ju̧ huȩjö̧ pä̧nä̧ koroi pö̧nä̧ huȩjo̧ca̧'a̧ jö̧'a̧nö̧ huotö. Dauhuiyä ujupo'tiyä böcuächi'ö jo'ö icuäi jä̧'i̧nö̧'a̧nö̧ huotö.

San Mateo 7:16

Ucutumä jahuätö jȩttö̧ topö cu̧huo̧juä̧cuo̧tö̧jä̧. Iso päi'önä uva sa̧dö̧ juäi huȩjo̧cö̧do so̧i̧nä̧mä̧. Ja̧'hua̧ta̧nö̧ soadenämä huȩjo̧cö̧do araramä.

San Mateo 7:20

Ja̧'hua̧nö̧ ja̧'a̧ttö̧ ja̧'hua̧nö̧ jȩpä̧tö̧ topö cu̧huo̧juä̧cuo̧tö̧jä̧ jahuätörö. —pä'ö huo̧juȩti̧nö̧do Jesús.