San Lucas 6:38 - TÄ̧DO Ä̧CUÄ̧ I̧HUȨNȨ

³⁸ Iyätucui korotörö, Dios'inä iyäcua'a̧nö̧ ucuturu. Koro juäi isäbanä jä̧'i̧nö̧'a̧nö̧ adiu pa̧ja̧cuä̧cho̧mȩnä̧ i̧nȩpö̧nä̧nö̧, yȩ'ȩpö̧nä̧nö̧, yoröiso suhuädi'önä i̧yä̧cua̧ ucuturu. Iso päi'önä korotörö päcuhuätucu ta'anö, Dios pä̧cua̧ ucuturu'inä.

Nuevo Testamento Uwotjüja

³⁸ Iyätukui, ukuturu'i̧nä̧ iyäwi'äkua'anü̧. Isopäi'ünä̧ Dio-mä̧ kkorotürü kuiyätukuta'anü̧ i̧yä̧kuä̧u̧jä̧. Trigo kuiyätukuttumä̧, trigo ȩkä̧yü su̧'pȩnü̧, ti̧'ä̧dü̧ ȩnä̧wa̧'a̧ iyäwi'ä̧kuä̧u̧jä̧, ȩmü̧mä̧ kui̧'chä̧tu̧kuo̧'ka̧'a̧nä̧tä̧.

San Lucas 6:38 Referans Kwoze

San Marcos 4:24

Ja̧'hua̧ta̧nö̧ pä'inödo jahuätörö: —Cuä̧ju̧cuä̧tu̧cu̧mä̧ a̧mö̧cuä̧rä̧tu̧cui̧. Ucutu korotörö päcuhuätucu ta'anö, Dios pä̧cua̧ ucuturu'inä. Ucutu ä̧ju̧cuä̧tö̧rö̧, rö̧ȩnä̧nö̧ i̧yä̧cua̧.

San Mateo 7:2

Korotörö päcuhuätucu ta'anö, ucuturu'inä pä̧cua̧. Iso päi'önä korotörö päcuhuätucu ta'anö, pä̧cua̧ ucuturu'inä.

San Mateo 10:42

Ja̧'hua̧ta̧nö̧ pä'ösä, ya̧tȩ, ttöcu cue'ächörö ajiya ji̧'qui̧cha̧nö̧tä̧ eseunu iyöttömä, ja̧u̧'i̧nä̧ adihuä juäi ȩmä̧cua̧, —pä'inödo Jesús.

San Lucas 6:30

Ja̧'hua̧ta̧nö̧ ya̧tȩ koro juäi jäepöttömä, iyirö. Ja̧'hua̧ta̧nö̧ cuhuäre 'choipomenä, ppa̧huä̧da̧ pä'ö jäcuhue'ärö.

Santiago 2:13

Re juiyönä topätörö, re juiyönä ö̧tä̧bo̧tä̧cua̧ Diosmä. Korotömä re rö̧jö̧nä̧ topö ppä'ädätömä, ye'ecuocotö Dios ö̧tä̧bo̧tä̧cuȩmä̧.