San Lucas 6:30 - TÄ̧DO Ä̧CUÄ̧ I̧HUȨNȨ

³⁰ Ja̧'hua̧ta̧nö̧ ya̧tȩ koro juäi jäepöttömä, iyirö. Ja̧'hua̧ta̧nö̧ cuhuäre 'choipomenä, ppa̧huä̧da̧ pä'ö jäcuhue'ärö.

Nuevo Testamento Uwotjüja

³⁰ Kkorojuei ya̧tȩ jäepüttümä̧, iyirü; kuiäre ya̧tȩ ȩmi̧pü̧ttü̧mä̧ ppa̧kuä̧dä̧rü̧.

San Lucas 6:30 Referans Kwoze

2 Corintios 8:9

Ucutumä täcö huo̧juä̧tö̧jä̧ Tu̧ru̧hua̧ Jesucristo adihuä juäi iyö ujuturu. Ja̧u̧ o'ca juiyönä ku̧nä̧ri̧nö̧do. Ja̧'hua̧nö̧ ja̧'a̧nä̧ ucuturu repe'ö usurä i̧sa̧ ta'anö pä'i'inödo, ucutu ja̧u̧ru̧ esetö, järe ruhuotö ta'anö cu̧ja̧cuä̧tu̧cua̧ pä'ö.

Hechos 20:35

Ucuturu huo̧juȩti̧nö̧sä̧ rö̧ȩnä̧ taditö'a̧nö̧ ja̧'a̧ usurä isotörö ppätäda pä'ö. Ja̧'hua̧ta̧nö̧ Tu̧ru̧hua̧ Jesús i̧huȩnȩ tamöcuädö'a̧nö̧ ja̧'a̧. Jesús pä'inö: “Ȩmä̧tö̧ttö̧'i̧nä̧ abonänö eseunu ka̧cuä̧tö̧ iyätömä”, —pä'inödo Pablo.

San Mateo 6:12

Ja̧'hua̧ta̧nö̧ ujutu suronä jȩtö̧mä̧ jȩpö̧ icu unichi'i, korotömä ujuturu suronä jȩpä̧tö̧rö̧ jȩttö̧ tunichi'ö'a̧nö̧.

San Lucas 18:22

Ja̧'hua̧nö̧ päa'a ä̧ju̧cu̧, Jesús päinäcudo: —Ja̧'hua̧ ja̧'a̧ ji̧yȩtȩtä̧ jȩpo̧cö̧jä̧. Cuhuäre o'ca juiyönä cu̧ju̧nä̧rö̧mä̧ iyö icuäji. Ja̧u̧ iyö cuicuäji micuämä, usurä isotörö iyi. Ja̧'hua̧nö̧ jȩpö̧, mo̧ro̧jä̧ra̧'a̧ adihuä juäi cu̧ju̧nä̧rä̧cua̧jä̧. Ja̧u̧nu̧ o'ca'a ppa̧'ä̧chö̧, ttöcu cue'ächi.

San Lucas 12:33

Cu̧ju̧nä̧rä̧tu̧cu̧ iyö icuätucui. Ja̧u̧ iyö cuicuäji micuämä, usurä isotörö iyätucui. Ja̧'hua̧ta̧nö̧ cua̧'cua̧ huȩnä̧rä̧tu̧cui̧ mo̧ro̧jä̧ra̧'a̧ttö̧ adihuä juäi ku̧nä̧rä̧cuä̧huä̧ yoröiso beipächocö. Juhua'amä nä̧u̧cuä̧rö̧'i̧nä̧ doächäcuähuoca'a. Isotö'inä ttucui'oca'a juhua'amä.

San Lucas 11:41

Ja̧'hua̧nö̧ ja̧'a̧nä̧ ucutu rettö ppädäcuähuätä cu̧ju̧nä̧rä̧tu̧cu̧tä̧ iyätucui. Ja̧'hua̧nö̧ jȩcu̧'ä̧tu̧cuo̧mȩnä̧, o'ca juiyönä jacuänä'inä, huämenä'inä töcähua'a jä̧'i̧nö̧'a̧nö̧ jä̧cua̧'a̧.

San Lucas 6:38

Iyätucui korotörö, Dios'inä iyäcua'a̧nö̧ ucuturu. Koro juäi isäbanä jä̧'i̧nö̧'a̧nö̧ adiu pa̧ja̧cuä̧cho̧mȩnä̧ i̧nȩpö̧nä̧nö̧, yȩ'ȩpö̧nä̧nö̧, yoröiso suhuädi'önä i̧yä̧cua̧ ucuturu. Iso päi'önä korotörö päcuhuätucu ta'anö, Dios pä̧cua̧ ucuturu'inä.

San Mateo 18:35

Ja̧'hua̧ ja̧'a̧ Jesús cä'ädö pä'inödo: —Chä'o mo̧ro̧jä̧nä̧ kö̧ ja̧'hua̧ta̧nö̧ jȩä̧cua̧ ucuturu'inä cu̧jä̧hua̧rö̧ suronä jȩo̧mȩnä̧ cuami iso'quinä eseunu cunichi'ätucu juiyöttömä, —pä'inödo Jesús.

Efesios 4:28

Nä̧u̧cuä̧ri̧nö̧mä̧, jitämä cu̧nä̧u̧cuä̧rä̧'. Ucutä cu̧mö̧nä̧tä̧ adiu aditi, korotö jui'ätörö cuiyäcua'a̧nö̧.

San Mateo 5:39

Jitämä ttö pä'ösä ucuturu, ya̧tȩ suronä cuäöttömä ucuru, ucutä pä̧ro̧cua̧mä̧ cuäcuhuärö. Ya̧tȩ cu'änä 'tauttumä, kara'anä'inä 'tahua iyirö.

San Lucas 6:29

Ya̧tȩ cu'änä 'tauttumä, kara'anä'inä 'tahua iyirö. Ja̧'hua̧ta̧nö̧ ya̧tȩ cua̧mö̧ca̧ i̧sä̧ta̧ 'choipöttömä, ja̧'a̧tä̧ topirö ȩmi̧pa̧'a̧nä̧ jacuä i̧sä̧ta̧'i̧nä̧.

San Lucas 6:31

Korotö ucuturu jȩtta̧ päcuhuätucumä, jahuätörötä ä'canä adiu jȩpä̧tu̧cui̧.