San Lucas 5:38 - TÄ̧DO Ä̧CUÄ̧ I̧HUȨNȨ

³⁸ Ja̧'hua̧nö̧ ja̧'a̧ttö̧ vino isoya jareoyamä muri'quiba jareäbanätä 'carähuädo. Ja̧'hua̧nö̧ jȩtto̧mȩnä̧, yoröiso toei'ocö vino isoya'inä, muri'quiba'inä.

Nuevo Testamento Uwotjüja

³⁸ Ja̧'wa̧nü̧ jü̧ ja̧'a̧ttü̧ vino isoya jareoyamä̧ ji̧yȩta̧'a̧kuä̧ odres isäba jareäbanä̧ 'karü kku̧nä̧wä̧ ja̧'a̧.

San Lucas 5:38 Referans Kwoze

2 Corintios 5:17

Ja̧'hua̧nö̧ ja̧'a̧ttö̧ ya̧tȩ Cristorö esetomenä, ja̧u̧ ja̧rȩpa̧ ttö̧ja̧ i̧sa̧ pä'i'ö. Pä'äji jȩi̧nö̧ jaropi'ö, o'ca juiyönä jareönätä amöcuädö jȩpö̧.

Apocalipsis 21:5

Ja̧'hua̧ ja̧'a̧ttö̧ chutä i̧dȩä̧cä̧nä̧ pi̧nö̧mä̧ pä'inö: —Topi. Ttömä o'ca juiyönä jareönä jȩpö̧sä̧. Ja̧'hua̧ta̧nö̧ pä'inö: —Huȩyu̧ti̧. Pi̧yȩ huȩnȩ iso päi'önä huȩnȩ ja̧'a̧ttö̧, o'ca toi'önä ttesetäcua'a̧nö̧ pi̧yȩ huȩnȩ.

1 Timoteo 4:8

Jättäpäyotö jähuä jȩto̧mȩnä̧, ji̧'qui̧cha̧nö̧tä̧ micuähua'a. Ja̧'hua̧nö̧ ja̧'a̧nä̧ Dios i̧huȩnȩtä̧ amöcuädö kä̧cuä̧huä̧nä̧, o'ca juiyönä adiu micuähua'a, jitä tö̧jö̧'i̧nä̧, yodoji tö̧jä̧cuȩ'i̧nä̧ ppäda'attö.

Gálatas 2:4

Juhua'acumä iso päi'önä korotö amönä tö̧jä̧hua̧tö̧ pä'ähuätö tö̧'quȩtȩnä̧ dajahuächö dodepäjätö pȩji̧nä̧tö̧ ujutucu. Jahuätötä circuncisión jȩta̧rö̧ pä'inätö. Jahuätö dodepinätö to̧ttä̧ra̧ pä'ötä ujuturu Cristo Jesúsru esetö adiu tö̧ja̧cua̧ja̧ pä'ö topö. Jahuätö ji̧nä̧ tö̧ji̧ya̧tö̧ pä'inätö.

San Mateo 9:17

Ja̧'hua̧ta̧nö̧ muri'quiba täbo isäbanämä 'carähuocö vino isoya jareoyamä. Ja̧'hua̧nö̧ ttö'caromenä, 'tä̧'ä̧u̧do muri'quiba. Vino isoya'inä, muri'quiba'inä toei'ödo pödiäcuähuä juiyönä. Ja̧'hua̧nö̧ ja̧'a̧ttö̧ vino isoya jareoyamä muri'quiba jareäbanätä 'carähuädo. Ja̧'hua̧nö̧ jȩtto̧mȩnä̧, yoröiso toei'ocö vino isoya'inä, muri'quiba'inä, —pä'inödo Jesús.

San Lucas 5:37

Ja̧'hua̧ta̧nö̧ muri'quiba täbo isäbanämä 'carähuocö vino isoya jareoyamä. Ja̧'hua̧nö̧ ttö'caromenä, 'tä̧'ä̧u̧do muri'quiba. Vino isoya'inä, muri'quiba'inä toei'ödo pödiäcuähuä juiyönä.

San Lucas 5:39

Ja̧'hua̧ta̧nö̧ ya̧tȩ'i̧nä̧ vino isoyamä täbocönänö adicuoya aumä, juhuȩnȩ o'comenä jareoyamä ahua pä'ocö, täbocönänö adicuoya adihua'a pä'ö, —pä'inödo Jesús.