San Lucas 5:21 - TÄ̧DO Ä̧CUÄ̧ I̧HUȨNȨ

²¹ Ja̧'hua̧nö̧ ja̧'a̧ Moisés hueähuä huȩnȩ huo̧juȩtä̧tö̧cu̧, fariseos huotöcu amöcuädinätödo: “¿Dijo chujuamä Diosrö suronä ucuocumä? Ka̧ra̧mä̧ toa'a ttö̧ja̧ suronä jȩttö̧ jȩpö̧ icumä. Ya̧tȩtä̧ Diostä suronä jȩttö̧ jȩpö̧ icumä.”

Nuevo Testamento Uwotjüja

²¹ Ja̧'wa̧nü̧ pä̧i̧yä̧u̧, weäwä wȩnȩ wo̧juȩkuä̧ isotü'i̧nä̧, fariseo wotü'i̧nä̧ ukuokuinä̧tü̧: ¿Díjä̧ttü̧ ja̧'wa̧nü̧ Dio-rü suronä̧ pä'ümä̧? ¡suronä̧ jȩttü̧ jȩpü̧ iku Dio-mä̧, ya̧tȩtä̧ ja̧'a̧!, pä'ü

San Lucas 5:21 Referans Kwoze

San Juan 10:33

Judíos ttö̧ja̧ ja̧u̧ru̧ ädätinätödo: —Adihuä juäi jȩcu̧'i̧na̧'a̧, ido'qui icu, cuä'ö icuocotöjä. Diosrö suronä cucuocua'attö cuä'ö ticuäcuotöjä. Ucutä pi̧jä̧ ttö̧ja̧ i̧sa̧ cu'a'anä: “Ttötäsä Dios” pä'öjä, —pä'inätödo.

San Lucas 7:49

Ja̧'hua̧nö̧ ja̧'a̧ korotö o'icuotö ja̧u̧tä̧cu̧ pȩjä̧tö̧mä̧, ttamönä pä'ä'chäcuähuinätödo: —¿Dijo chujuamä suronä jȩttö̧'i̧nä̧ jȩpö̧ icumä?

San Mateo 26:65

Ja̧'hua̧nö̧ päji o'ca'a sacerdotes ru̧hua̧mä̧ ö̧'ca̧tä̧huä̧ta̧ seropö icu, ra̧huä̧rö̧ pä'inödo: —Pidemä suronä ucuocu Diosrö. Juhua'a yabonö tä̧ju̧cu̧ juiya pä'ätucui. Ucuocumä ä̧ju̧cuä̧jä̧tö̧jä̧ ucutumä. ¿Tta̧'a̧nö̧ cuamöcuädätucuättö? Jahuätö pä'inätödo: —Iso päi'önä suronä ucuocu. Huäinä hua'ö icu.

Romanos 8:33

¿Dijä̧ttö̧ suronä ucuocu Dios ȩmi̧nä̧u̧ru̧? Dios jȩpi̧nö̧ chutäcu ji̧nä̧ ji̧yȩtȩ huotö tta pä'ö.

San Lucas 5:17

Koro mo̧ro̧ Jesús huo̧juȩtö̧ ki̧nö̧do. Ja̧'hua̧nö̧ ja̧'a̧ fariseos huotö'inä pȩji̧nä̧tö̧do Moisés hueähuä huȩnȩ huo̧juȩtä̧tö̧cu̧. Koro ötahuiyä Galilea rȩjȩttö̧'i̧nä̧, Judea rȩjȩttö̧'i̧nä̧, Jerusalén ötahuiyättö'inä ichäcuähuotö pi̧nä̧tö̧do. Ja̧'hua̧ta̧nö̧ Dios ujuru i̧jȩpi̧na̧'a̧do, Jesús na̧nȩpä̧tö̧rö̧ aditä̧rö̧ icuomenä.

San Mateo 9:3

Ja̧'hua̧nö̧ ä̧ju̧cu̧ korotömä hueähuä huȩnȩ huo̧juȩtä̧tö̧mä̧ amöcuädinätödo: “Pidemä ucuocuomenä, suronä pä'ö Diosrö.”

San Lucas 3:8

Iso päi'önä pärocuäcutä cuamöcuädätucuttumä, adiunä ttu̧huo̧jua̧ pä'ö jȩpä̧tu̧cui̧. Cuamönätucunä cuamöcuädätucuä': “Ujutumä Abraham ahuaruhuä o'cotöjä.” Ttö pä'ösä ucuturu, pidu inäduttu Diosmä Abraham ahuaruhuä o'cotörö aditö'a̧nö̧ ja̧'a̧.

San Lucas 5:22

Ja̧'hua̧nö̧ ja̧'a̧nä̧ ja̧'hua̧nö̧ ttamöcuädomenä, Jesús huo̧jui̧nö̧do ttamöcuädömä. Jahuätörö pä'inödo: —¿Dä̧bö̧ cuamöcuädätucuättö ja̧'hua̧nö̧mä̧?