San Lucas 4:7 - TÄ̧DO Ä̧CUÄ̧ I̧HUȨNȨ

⁷ Ttö chä'ca jo̧mȩ cuihue'quiyunä kä̧mä̧dö̧, ttörö cua̧'cua̧ cu̧huȩnä̧rö̧ttö̧mä̧, o'ca juiyönä tocu'äjimä chi̧yä̧cua̧jä̧.

Nuevo Testamento Uwotjüja

⁷ Uku kuiwe'kiyunä̧ kkä̧mä̧dü̧ ttürü kueseuttümä̧, pi̧yȩ o'kajuiyünä̧tä̧ kuiäre jä̧kua̧'a̧.

San Lucas 4:7 Referans Kwoze

San Lucas 8:28

Jesúsru topö, ä'ca jo̧mȩ ihue'quiyunä kä̧mä̧dö̧ huopinödo: —¿Tta̧'a̧nö̧ jȩcu̧'ä̧cua̧'a̧jä̧ttö̧ ttörö, Jesús Dios Ju'toju Ru̧hua̧ I̧tti̧? Ttö pä'ösä ucuru, suronämä ubara ttucuhue'ättö, —pä'inödo ja̧u̧ ubomä.

Apocalipsis 22:8

Ttö, Juan, pi̧yȩ juäi topö'inä, topinösä, ä̧ju̧cu̧'i̧nä̧, ä̧ju̧cui̧nö̧sä̧. Ja̧'hua̧nö̧ chä̧ju̧cuä̧ji̧ o'ca'a'inä, tochäji o'ca'a'inä, ja̧u̧ ángel, ja̧u̧ juäi ttörö i̧jȩpä̧ji̧ ä'ca jo̧mȩttö̧, chihue'quiyunä kä̧mä̧di̧nö̧sä̧ eseunu chucuocuarö pä'ö.

Apocalipsis 5:8

Ja̧u̧ cuyäru'tä ȩmo̧mȩnä̧, jahuätö pa̧ja̧cuä̧nö̧ isotö a̧'cua̧rä̧tö̧'i̧nä̧, veinticuatro jo̧mȩnä̧ ancianos huotö'inä chutä Cordero ä'ca jo̧mȩttö̧ ttihue'quiyunä kä̧mä̧di̧nä̧tö̧. O'ca toi'önä ancianos huotö arpa, ttu̧mö̧nä̧ 'porähuä'inä, i̧so̧'ta̧, orottö adicuo̧'ta̧, rö̧ȩnä̧ ameu su̧'pȩnö̧ ȩcö̧'i̧nä̧ 'chu̧'ä̧ri̧nä̧tö̧. Ja̧u̧ juäi i̧so̧'ta̧nä̧ ȩjö̧mä̧, Dios i̧tti̧mö̧ ttucuocuinö huȩnȩ ja̧'a̧.

San Lucas 17:16

Jesús ä'ca jo̧mȩ ihue'quiyunä kä̧mä̧dö̧, ö'ä rȩjȩ becuächönä ja̧rȩyu̧nu̧ pä'i'inödo, adihua'a päa'attö. Ja̧u̧mä̧ Samaria rȩjȩ ttö̧ja̧ i̧sa̧ pi̧nö̧do.

San Mateo 2:11

Ja̧'hua̧nö̧ ttesehuomenä, isodenä do'ächö topinätödo ji̧'qui̧cha̧hua̧rö̧, ja̧ju̧ Maríacu ö̧'a̧'a̧. Ja̧'hua̧nö̧ topö, ttihue'quiyunä kä̧mä̧dö̧ esehuinätödo ji̧'qui̧cha̧hua̧rö̧. Ja̧u̧nu̧ o'ca'a tti'cächäjimä ba'epö, rö̧ȩnä̧ micuäu juäi ttiyinäcudo oro'inä, koro adiu ameu juäi'inä.

San Lucas 4:6

Ja̧'hua̧ ja̧'a̧ttö̧ ähuettä pä'inödo: —Ttö chi̧yä̧cua̧jä̧ pi̧yȩ o'ca juiyönä öadihuänä ru̧hua̧ cu̧ja̧ pä'ö. Ttörö ja̧u̧ o'ca juiyönä hueipinömä, ttö chiya pädäcuru chiyö'a̧nö̧ ja̧'a̧.

San Lucas 4:8

Ja̧'hua̧nö̧ ja̧'a̧ttö̧ Jesús ädätinödo: —Ttöttömä 'quȩ'i̧pä̧chi̧, Satanás. Huȩyu̧cuä̧ Huȩnȩ päa'a: “Cu̧ru̧hua̧ Diosrötä cua̧'cua̧ huȩnä̧ri̧. Ja̧'hua̧ta̧nö̧ ja̧u̧tä̧ päömä jȩpi̧.”