San Lucas 4:28 - TÄ̧DO Ä̧CUÄ̧ I̧HUȨNȨ

²⁸ Pi̧yȩ huȩnȩ ä̧ju̧cu̧, o'ca toi'önä judíos ttu̧huo̧jui̧'i̧nodenä pȩjä̧tö̧ ra̧huä̧ri̧nä̧tö̧do Jesúsru.

Nuevo Testamento Uwotjüja

²⁸ Pi̧yȩ pä'a ä̧ju̧ku̧, sinagogas isodenä̧ kka̧kuä̧tü̧mä̧ o'katoi'ünä̧ rü̧ȩnä̧ ra̧wä̧ri̧pü̧,

San Lucas 4:28 Referans Kwoze

Hechos 7:54

Judíos ttö̧ja̧ Esteban jiähua'a ttä̧ju̧cuo̧mȩnä̧, ttacu yö̧'i̧pö̧ ra̧huä̧ri̧nä̧tö̧do.

Hechos 5:33

Ja̧'hua̧nö̧ jiähua'a ä̧ju̧cu̧, ji̧nä̧ iso ruhuotö juiyo ttami surächi'inä̧u̧do. Cuä'ö tticua pä'inätödo Jesús hue'ähuotörö.

San Lucas 6:11

Ja̧'hua̧nö̧ ja̧'a̧nä̧ korotö rö̧ȩnä̧ ra̧huä̧ri̧pö̧ jä'ecuinätödo jitötä ttamönä däjetä jȩtä̧cu̧ Jesúsmä.

San Mateo 2:16

Jahuätö mo̧ro̧jä̧ jähuä huo̧juä̧tö̧ ko̧ro̧mä̧nä̧ ppa̧'ä̧chö̧ tti̧hui̧na̧'a̧ ä̧ju̧cu̧, juiyo ra̧huä̧ri̧nö̧do Herodesmä. Ja̧'hua̧ ji̧yä̧cu̧ su̧ro̧da̧u̧ru̧ hue'inödo o'ca toi'önä ppo̧'ä̧tö̧ u̧mä̧tö̧rö̧, todäre a̧'ȩ jui'ätörö, cuä'ö tticua pä'ö Belén ötahuiyänä ka̧cuä̧tö̧rö̧'i̧nä̧, tö'cönänö ka̧cuä̧tö̧rö̧'i̧nä̧. Ja̧'hua̧nö̧ hue'inödo jahuätö mo̧ro̧jä̧ jähuä huo̧juä̧tö̧ jittähuinö huȩnȩ amöcuädö.

San Lucas 4:27

Ja̧'hua̧ta̧nö̧ Israel ttö̧ja̧ ttö̧'quȩtȩ recuätö lepra ttöttahuiyä märichei na̧nȩpi̧nä̧tö̧ Dios i̧huȩnȩ jiäcuähuä i̧sa̧ Eliseo ö̧ji̧nö̧ pä̧nä̧. Ja̧'hua̧nö̧ ja̧'a̧nä̧ jahuätöttö ya̧tȩrö̧'i̧nä̧ aditö icuocö pi̧nö̧ Dios. Naamánrötä, Siria rȩjȩ ttö̧ja̧ i̧sa̧rö̧tä̧ aditö icuinö, —pä'inödo Jesús.

San Lucas 4:29

Ä̧rä̧mä̧cuä̧hui̧pi̧nä̧tö̧do. Ja̧'hua̧nö̧ ja̧'a̧ Jesúsru ötahuiyä u̧mi̧ rä'epö icuinätödo. Ja̧u̧ ötahuiyä möä'canä huȩji̧nö̧do. Ja̧'hua̧ ja̧'a̧ jahuä'cattötä ki'opö tticuarö pä'ö ȩpi̧nä̧tö̧do.